OnePlus යනු වර්තමානයේදී ස්මාර්ට් ජංගම දුරකථන ලෝකයට එකතු වූ නවතම සන්නාමයක් වන අතර මෙහි විශේෂය වන්නේ ඉතා පහසු මිලකට වැඩි පහසුකම් සහිත ස්මාර්ට් ජංගම දුරකථන වෙළඳපොළෙන් ලබාගත හැකි වීමයි. ස්මාර්ට් ජංගම දුරකථන වලට අමතරව OnePlus සමාගම අලුත් නිෂ්පාදනයක් වෙළදපොළට හදුන්වා දීමට නියමිත බව වාර්තා කළේය. එනම් එළඹෙන සැප්තැම්බර් මාසයේදී මෙම OnePlus TV නම් රුපවාහිනී යන්ත්‍රය ඉන්දියානු වෙළඳපොළ සඳහා හදුන්වා දීමට සුදානම් බව OnePlus සමාගමේ ප්‍රධාන විධායක නිලධාරී වන Pete Lau විසින් ඔහුගේ පෞද්ගලික Blog පිටුවේ සදහන් කල ඇත.
මෙම රුපවාහිනී යන්ත්‍රය ගැන කතා කරන විට එය Android මෙහෙයුම් පද්ධතියකින් සමන්විත වන අතර එය අඟල් 55 ක විශාලත්වයක් ගන්නා අතර එය QLED තිරයකින් සමන්විත බව OnePlus සමාගමේ උප සභාපති වන Akis Evangelidis Twitter පණිවිඩයකින් වාර්තා කල ඇත. QLED යනු Quantum-dot LED තිර තාක්ෂණයක් වන අතර මෙහි විශේෂත්වය වන්නේ එය OLED (Oragnic LED) මෙන් ආලෝකය විමෝචනය නොකරන අතර LED පසුතල ආලෝකය මත රඳා පවතී. එම නිසා QLED රූපවාහිනියක රූපයේ ගුණාත්මකභාවය බොහෝ දුරට රඳා පවතින්නේ පසුබිම් ආලෝකකරණ විසඳුම කෙතරම් ඵලදායිද යන්න මතය.
එසේම මෙහි Smart TV සංකල්පය යටතේ නිර්මාණය වන මෙය Bluetooth තාක්ෂණය ඇතුළුව තවත් නවීන පහසුකම් වල යුක්ත වන බවට OnePlus සමාගමේ ප්‍රධාන විධායක නිලධාරී වන Pete Lau විසින් ඔහුගේ පෞද්ගලික Blog පිටුවේ සදහන් කල ඇත. එනම් ඔහු බොහෝ සේ සදහන් කල ඇත්තේ OnePlus රුපවාහිනිය IoT හා අන්තර් සම්බන්ධතා ලෝකයට සම්බන්ධ වීමට ගත් වැදගත් පියවරක් බවයි.
එසේම මෙම රුපවාහිනය ප්‍රථමයෙන් ඉන්දියානු වෙළඳපොළට හදුන්වා දෙන අතර පසුව හැකි ඉක්මනින් ලෝක වෙළදපොලට හදුන්වා දීමට සැලසුම් කරන බව වාර්තා කල ඇත. එසේම තවත් නවීන තාක්ෂණ ගැන සදහන් කල තිබු අතර මෙම OnePlus TV රුපවාහිනී යද OnePlus ස්මාර්ට් ජංගම දුරකථන මෙන් ඉතා වැඩි පහසුකම් ප්‍රමාණයකින් යුක්තව වෙළදපොළට පැමිණෙන බව බොහෝදෙනාගේ මතය වේ.
