භෞතිකවේදීන්, සහ පොදුවේ ගත් කල විද්‍යාඥයින්, යනු බොහෝ විට අවදානම් සහිත ක්‍රියා වල නිරතවන පිරිසක් නොවේ. විද්‍යාවේ උන්නතිය වෙනුවෙන් තම ජීවිතය පවා කැප කළ පුද්ගලයින් නැතුවාම නොවේ. එහෙත් අධ්‍යයන සහ පර්යේෂණ ක්‍ෂේත්‍ර වල කටයුතු කරන බොහෝ විද්‍යාඥයින්ගේ එදිනෙදා වැඩකටයුතු සැළකිය යුතු ලෙස භයානක ඒවා නොවේ.
එනමුදු හෞතිකවේදී Andreas Wahl විසින් භෞතික විද්‍යා නියමයක් ඔප්පු කිරීමට තරමක් අසාමාන්‍ය උත්සාහයක පසුගියදා නිරත වී තිබුණි. මෙහි ඇතුළත් වන සලරුවෙහි ඇත්තේ, මෙම නෝවීජියානු විද්‍යාඥයා විසින් ‘සිය වලිත කේන්ද්‍රය වෙත ළඟාවෙමින් වෘත්ත වලිතයේ යෙදෙන වස්තුවක කෝණික ප්‍රවේගය ක්‍රමයෙන් වැඩිවේ’ යන ප්‍රකාශය සත්‍යාපනයට දැරූ වෑයමකි. මෙම සංසිද්ධිය විද්‍යාත්මකව පැහැදිලි කර තිබෙන බැවින් මොහුගේ ජීවිතය අනතුරක නොතිබුණු බව ඔබට සිතිය හැක. එහෙත් මෙවන් ක්‍රියාවන් කිසි ලෙසකවත් නිවසේදී අත්හදා නොබැලිය යුතුය!