TechWire

Tag - Windows

Windows දුරකතනයේ අභාවය

Windows-Phone-is-officially-dead

Windows-Phone-is-officially-dead

Windows ජංගම දුරකතන පරිශීලකයන්ට කණගාටුදායක පුවතක් පසුගියදා Microsoft සමාගමේ Joe Belfiore විසින් අනාවරණය කරල තියෙනවා.

තම twitter ගිණුමේ සටහනක් තබමින් Belfiore කියා තිබෙන්නේ  Windows 10 ජංගම දුරකතන සඳහා නව තාක්ෂණික විශේෂාංගයන් හෝ දෘඩාංග නිපදවීමට තවදුරටත් Microsoft සමාගම බලාපොරොත්තු වෙන්නේ නෑ කියලා.
Windows ජංගම දුරකතන සඳහා නව විශේෂාංග සමඟ යාවත්කාලීන (update) කිරීම් අපේක්ෂාවෙන් සිටි සියලු දෙනාට දැනට පවතින මෙහෙයුම් පද්ධතිය සහ සේවාවන්ගෙන් සැහීමකට පත් වෙන්නට සිදුවෙන බවයි මෙයින් පෙනෙන්නේ.

Belfiore ගේ සටහනට අනුව, ඔවුන් දැනට සිටින පරිශීලකයින් සඳහා දෝෂ නිවැරදි කිරීම් (bug fixes) සහ ආරක්ෂක යාවත්කාලීන කිරීම් (security updates) සහිතව මෙහෙයුම් පද්ධතිය supporting mode එකක් තුළ පවත්වාගෙන යාමට සැලසුම් කර තිබෙනවා.

“සැබැවින්ම අපි platform එක පවත්වාගෙන යාමට නිරන්තරයෙන් සහාය වෙනවා දෝෂ නිවැරදි කිරීම, ආරක්ෂක යාවත්කාලීනයන් ඉදිරියේත් තියේවි”,
“නමුත් නව විශේෂාංග / hardware නිර්මාණය සඳහා අපගේ අවධානය යොමු කරන්නේ නෑ .” යනුවෙන් Belfiore තම Twitter ගිණුමේ සටහන් කර තිබුණා.

Belfiore-tweets-about-windows-phone

කෙසේ වුවත් ඔයා Microsoft හෝ Windows පුවත් ගැන විමසිල්ලෙන් සිටියානම් Windows 10 Fall Creators Update development හිදී Windows ජංගම දුරකථන ගැන සඳහන් කිරීමක් සිදු නොවු බව දන්නවා ඇති. ඒ වෙනුවට Microsoft සමාගම “feature2” තාක්ෂණය පිලිබඳ උනන්දු වී ඇති බවයි සඳහන් වුණේ.

ඊට හේතුව?

ඇත්තටම, Windows දුරකථන ව්‍යාපාරය වසරකට වැඩි කාලයක් තිස්සේ අකර්මන්‍ය වී තිබුණා. නමුත් සමාගම මීට පෙර නිළ වශයෙන් ඒ පිලිබඳ ප්‍රකාශයක් සිදු කරේ නෑ. පසුගිය වසරේදී Microsoft සමාගම සිය දුරකථන ව්‍යාපාරය අතුගා දැමුවේ දහස් ගණනක් රැකියා කප්පාදු කරමින්.

මෑතකදී පවත්වන ලද සම්මන්ත්‍රණ වලදී ප්‍රධාන විධායක නිලධාරී (CEO) Satya Nadella, සමාගමේ මුලික සංකල්පයක් වුනු “mobile-first, cloud-first” සංකල්පය අතහැර Intelligent Cloud සහ Intelligent Edge ලෙස ඔහු හඳුන්වන සංකල්පයන් ගැන ප්‍රකාශ කර තිබෙනවා. එහි විශේෂත්වය වෙන්නේ ඒ තුළින් multi-device සහ cloud-powered තාක්ෂණයන් සඳහා Windows අනිවාර්ය කර නොතිබිමයි.

Windows Phone හි අනාගතය?

Belfiore තවදුරටත් කියා සිටියේ ඔහු මෙන්ම Bill Gates ද Android වෙත මාරු වී ඇති බවයි, එමෙන්ම තමන්ගේ දුරකථන මත Android සහ iOS භාවිතා කිරීමට කැමති Windows 10 ගනුදෙනුකරුවන්ට Microsoft සහාය දෙන බවත් ඔහු කියා තියෙනවා. සමාගම Windows දුරකථන අත්හැර දැමීමට ප්‍රධානම හේතුවක් හැටියට ඔහු සඳහන් කරේ, මෘදුකාංග නිර්මාණකරුවන් කිසි විටෙකත් platform එක නිසිලෙස පවත්වාගෙන යාමට උනන්දු නොවීමයි.
ඔයාලා දන්නවා ඇති, Microsoft Windows දුරකථන ඇප්ස් ගබඩාව සමඟ බොහෝ ගැටළු තියෙනවා කියල .මේ ඇප්ලිකේෂන් සංවර්ධනය කිරීමෙන් පසුව ඒවා රඳවා ගැනීමට අපහසු වීමත් මීට හේතු වී තියෙනවා.

Android සඳහා වූ නවතම Microsoft Launcher හි දියුණු customize කිරීම සහ PC sharing වගේ විශේෂාංග නිසා Android සඳහා නව අත්දැකීමක් ලබාදීමට ඔවුන්ට හැකිවී තිබෙනවා. අනාගතයේදී Windows වලින් පමණක් බලගැන්වූ දුරකථන දැකීමට නොහැකි වුවත් මේ වගේ iOS සහ Android සමඟ මුසුවූ දෘඩාංග අපිට අපේක්ෂා කරන්න පුළුවන්.  Microsoft සමාගමේ iOS සහ Android හි ආයෝජනයන් තුලින් Windows 10 පාරිභෝගිකයින්ට ප්‍රතිලාභ ලැබේවි. ඒ වගේම, වසර ගණනාවක් තිස්සේ සමාගමෙ අසමසම දුරකථන නිෂ්පාදනයේ වෑයම්වලට දායක වීමට එමගින් හැකි වේවි.

microsoft-admits-windows-phone-is-dead

Source : https://www.theverge.com/2017/10/9/16446280/microsoft-finally-admits-windows-phone-is-dead

Windows 10 Creators Update ගැන ඔබ දැනුවත්ද?

windows10Update

ඇත්තටම මොකද්ද මේ Creators Update කියන්නෙ? Microsoft සමාගම විසින් මෑත කාලයේදී නිකුත් කළ වැදගත්ම සහ අලුත් විශේෂාංග රැසකින් සමන්විත වූ Windows update එක Creators Update කියලා හඳුන්වනවා. මෙය නිකුත්වුණේ මේ වසරේ අප්‍රේල් මාසයේදී. මේ update එකට කලින් අත් විඳින්න නොලැබුණ සුවිශේෂී විශේෂාංග කීපයක් Microsoft සමාගම විසින් එකතු කර ඇති අතර ඒ අතරින් කීපයක් පිළිබඳව මෙම ලිපිය හරහා විස්තර කෙරෙනවා.

windows10Update

Cortana setup

අලුත් update එක සමග පැමිණි Cortana ක්‍රියාත්මක කර ගැනීමට setup එකට පිවිසුනාම Cortana විසින්ම අපිට vocal guide එකක් සපයනවා. සරලවම කිව්වොත් අපි විසින් කරන්න ඕනෙ පියවර සියල්ල sound output එකක් ලෙස අප වෙත ලබා දෙනවා. සුපුරුදු පරිදිම අප විසින් දෙන ප්‍රතිචාර input වශයෙන් අරගෙන පරිශීලකයා සමග හොඳ සම්බන්ධතාවක් ගොඩ නගාගෙන Cortana පරිගණකයට install වෙනවා.

Game Mode

පරිගණක ක්‍රීඩා කරන පුද්ගලයින් වෙනුවෙන් මෙම විශේෂාංගය වැදගත් වේ. Xbox ඇප් එක සමග මෙය භාවිතා කරන්න හැකියාව තියෙනවා. අලුත් mode එකේ වැදගත්කම වෙන්නේ, පරිගණක ක්‍රීඩා වල යෙදෙන විට අවම විදියට පරිගණකයේ resources භාවිතා කරල හොඳම අත්දැකීමක් ක්‍රීඩා කරන පුද්ගලයට ලබා දීමයි. ක්‍රීඩා කරන කාලය ඇතුළත CPU සහ GPU performance වැඩි කරමින් background apps සීමා කර ක්‍රියා කිරීමට හැකි අයුරින් update එක සකස් කර තියෙනවා.

Picture-in-picture

picture-in-picture

මේ විශේෂාංගය මගින් සිදු වෙන්නේ මෙයයි. Movies & TV app එක භාවිතා කරල අපි video එකක් බලන විට වෙනත් වැඩක් කරන්න අවශ්‍ය නම් අපිට දැනට කරමින්  සිටින application එක minimize කරන්න සිද්ධ වෙනවා. මේ විශේෂාංගය හරහා අපි බලන video එක pop-up window එකක් ලෙස පරිගණක තිරයේ එක කෙළවරක පෙන්වනවා. Video එක play වෙන අතරතුර වෙනත් වැඩක් පරගණකයෙන් සිදු කළත් කලින් සඳහන් කළ, video එක පෙන්වන කුඩා window එක පසුපසට නොයන අතර එය නිතරම පරිගණක තිරයේ උඩම layer එකේ තියාගන්නවා. කෙසේ වුවත් මෙම විශේෂාංගය තවම Microsoft apps කීපයක පමණයි අන්තර්ගත වෙලා තියෙන්නේ.

Dynamic Lock

මෙය අලුතින් එකතු වුණ විශේෂාංග වලින් වැදගත්ම ස්ථානයක් හිමි කරගන්න සමත් වුණ විශේෂාංගයක්. පොදු ස්ථානයක laptop පරිගණකය භාවිතා කරන පුද්ගලයින් වෙනුවෙන් මෙය විශේෂයි. තමන්ගෙ ජංගම දුරකථනය මගින් bluetooth හරහා  පරිගණකය සමග සම්බන්ධ වෙලා laptop  එක lock  කිරීමට හැකියාව තියෙනවා. ජංගම දුරකථනය පරිගණකයේ bluetooth පරාසයෙන් පිටතට ගිය මොහොතෙ සිට තත්පර 30ක් පසු වූ විට පරිගණකය ස්වයංක්‍රීයව lock වෙනවා. වඩා හොඳ ආරක්ෂක ක්‍රියාමාර්ගයක් ලෙස මෙය සලකන්න පුලුවන්.

Paint 3D

සාමාන්‍ය Paint වලින් ඔබ්බට ගිය 3D version එකක් ලෙස Paint 3D හඳුන්වනවා. ත්‍රිමාණ වස්තු නිර්මාණය කරන්නත් ඒ වගේම Remix 3D භාවිතා කර එහි සාමාජිකයින් විසින් දැනටමත් නිර්මාණය කර ඇති ත්‍රිමාණ වස්තු යොදාගන්නත් පුලුවන්.

paint3D

Microsoft Edge performance

Windows 10 මෙහෙයුම් පද්ධතියේ එන web browser එක වන Microsoft Edge භාවිතා කරන අතරතුර පරිගණකයේ බැටරි ධාරිතාව අඩු කරන ප්‍රමාණය අවම වෙන පරිදි වැඩි දියුණු කරල තියෙනවා. එකම කාලයක් තුළ සමාන පරිගණක 3ක Microsoft Edge, Mozila Firefox සහ Google Chrome web browsers භාවිතා කරමින් අන්තර්ජාලයට පිවිසීම පමණක් සිදු කර පරීක්ෂා කළහොත් Microsoft Edge සහිත පරිගණකය වැඩි කාලයක් පවතිනවා.

මෙහි තවත් විශේෂාංගයක් ලෙස Tab Preview Bar එක හැඳින්විය හැකියි. අපි එකම web site එකේ tabs ගොඩක් විවෘත කරල වැඩ කරන වෙලාවට අපි නිවැරදි හා අවශ්‍ය tab එක හොයා ගැනීමේ අපහසුතාවයකට පත්වෙනවා. මේ ප්‍රශ්නයට විසඳුමක් ලෙස මේ විශේෂාංගය හඳුන්වා දුන්නා. අපිට මෙමගින් අපිට දැනට විවෘත කරල තිබෙන tabs වල කුඩා preview එකක් සපයනවා, අදාළ tab එක මතට cursor එක ගෙන ගියාම. එනිසා අපිට tabs වල අඩංගු වෙන්නෙ මොනවද කියල නිවැරදිවම දැනගන්න හැකියාව තියෙනවා. ඒ සඳහා දැනට වැඩ කරමින් සිටින tab එකෙන් ඉවත් වීමට අවශ්‍ය නැත.

Better controls on updates

Creators update එක සමග windows updates පාලනය කිරීමේ යම් හැකියාවක් windows මෙහෙයුම් පද්ධතිය භාවිතා කරන පුද්ගලයාට ලබා දීල තියෙනවා. මෙමගින් අපිට update එක සතියක් හෝ අවශ්‍ය පැය ගණනක් ප්‍රමාද කරන්න පුලුවන්. මේ නිසා update වීමෙන් පසුව ස්වයංක්‍රීයව reboot වෙන ගැටලුවට යම් විසඳුමක් ලැබිල තියෙනවා.

සාරාංශය :

Microsoft ආයතනය විසින් නිකුත් කළ මෙම Creators update එක නිසා Windows පරිශීලකයින් සෑහෙන දුරට තෘප්තිමත් වෙලා තියෙනව කියල කියන්න පුලුවන්. Update එකේ සියලුම විශේෂාංග පිළිබඳව මෙහි සඳහන් නොවන අතර වැඩි දුර සොයා බලන විට ඔබට තවත් අලුත් විශේෂාංග හමුවිය හැක.

Windows 10, ඔබේ සෑම device එකකටම ආදරය කරනු ඇත!

windowslovesdevices.0

එදිනෙදා ජීවිතයේදී අපි tablet, smartphone, laptop, PC ආදී විවිධාකාර විද්‍යුත් උපාංග රැසක් අතරේ කාලය ගත කරනවා. නමුත් අපිට අවශ්‍ය දත්ත හෝ ලිපිගොණු ඒ උපාංග අතර හුවමාරු කරගන්න එක ටිකක් අමාරු වැඩක්. එයට පිලියමක් විදිහට Microsoft ආයතනය විසින් “Phone Companion” නමින් අලුත්ම app එකක් තම Windows 10 පාරිභෝගිකයන් වෙනුවෙන් හඳුන්වාදීලා තිබෙනවා. මෙහිදී අපගේ සියලුම උපාංග පොදු ක්‍රමවේදයක් සහ පොදු Windows apps යොදාගෙන එකිනෙකට සම්බන්ධ කරනු ලබනවා. මෙය Windows ජංගම දුරකථන භාවිත කරන්නන්ට මෙන්ම බහුතර iPhone සහ Android දුරකථන භාවිතා කරන්නන්ටද පහසුවෙන් ලබාගන්න පුළුවන්. මෙහිදී Windows 10 තියෙන PC එකක් තිබීම පමණක් ප්‍රමාණවත්. අනෙකුත් උපාංග වල අන්තර්ගත මෙහෙයුම් පද්ධතිය කුමක් වුනත් එය මෙම app එක භාවිතයට අදාළ වෙන්නේ නැහැ.

Read More

Microsoft redesigned Skype again, that looks like Snapchat

Untitled

Skype was a trend before a few years ago. People tend to use Skype to keep in touch with their relatives and friends. But Skype is been in a strange place for the past few years. Since the first release of Skype in 2003 Skype came a long way slowly transforming into different versions and different updates of functionalities. After the acquisition of Skype by Microsoft has been slowly transitioning from a peer-to-peer service to the cloud.

Read More

Linux is coming to Windows Store!

-A less technical side of the Story

Microsoft and Open Source

Microsoft has made grounds in its decade-long crusade against FOSS. A company which once openly held the belief that the Open Source Software model is breaking the whole IT industry announced a Windows Subsystem for Linux. Since its inception, Microsoft has been extremely careful who gets to see the inside of their moneymaker – Windows. Nothing much has changed even at this point regarding the way they hold the source code for Windows, a sacred mystery. 

steve-ballmer

But the world changed faster than Windows could catch up. Cloud computing and many other infrastructures became the norm and since Linux dominated the cloud and a result dominated the whole internet, Microsoft knew Windows alone would not keep their company going.  It’s the cloud game that changes Microsoft’s view on Linux. It is said that one in three Azure Virtual Machines run Linux.  Eventually, Microsoft found its way into the world of Open Source Software, becoming a top contributor to the Linux Kernel.

Read More