TechWire

Tag - Pixel

Google සමාගමේ නවතම පෙරළිකාර උපාංග එකතුව

තාක්ෂණ ලොවේ පෙරලිකාරකම්  කිරීමේ පුරෝගාමියෙකු වන Google සමාගම ඔවුන්ගේ තවත් සන්ධිස්ථානයක් පසුගිය ඔක්තෝබර් 4  වන දින සාර්ථක ලෙස පසු කලා. ඒ ඔවුන්ගේ නවතම උපාංග එකතුව San Francisco නුවරදී  නිල වශයෙන් එලි දැක්වීමෙනි. මෙම උපාංග අතර smartphone 2ක්, Google home උපාංගයේ  ලොකු කුඩා සංස්කරණ 2ක්, laptop පරිගණකයක්, wireless headphone එකක්ද, කුඩා ජේත්තුකාර කැමරාව හා virtual reality headset එකක්ද වනවා. මෙම ලිපිය එම උපාංග පිලිබඳ කුඩා හඳුන්වාදීමකි.

Pixel 2

ප්‍රමාණයෙන් සහ හැඩයෙන් කලින් Pixel ජංගම දුරකථනය ආකාරයේම වන අතර මෙය මාදිලි 2 කින් හා වර්ණ 3 කින් නිකුත් කර ඇත. මාදිලි දෙක නම් 64GB හා 128GB යන දෙකයි. වර්ණ 3 නම් clearly white, just black, හා Kinda blue වේ. මෙය අඟල් 5 කින් යුතු AMOLED තිරයකින් යුක්ත වන අතර තවත් විශේෂ අංගයක් නම් මෙහි ඇති  “Active edge “ තාක්ෂණයයි. මෙමඟින් දුරකතනයේ දාර කොටස තද කිරීමෙන් (මිරිකීමෙන්) දුරකතනයට විවිධ විධාන දීමේ හැකියාවක් එයට ඇත. මෙහි මිල පිලිබඳ සලකා  බැලීමේදී මෙහි 64GB මාදිලිය $649 වන අතර 128GB මාදිලිය $749 ක් වනවා. මෙය පෙර ඇනවුම් කිරීමට දැන් ඉඩ ලබා දී ඇත.

Pixel 2 XL

Pixel 2  ජංගම දුරකථනය හා සමාන එහෙත් විශාලයෙන් වැඩි හා තවත් ගුණාංග කිහිපයක් එකතු වී ඇති මෙම මාදිලිය අඟල් 6 ක් තිරයකින් හා POLED තිරයකින් සමන්විත වනවා.  සෑම විටම ක්‍රියාත්මක(Always on) තිරය හා ඉතා හොඳ තත්වයේ කැමරාවකින් යුක්ත වනවා. මෙය වර්ණ දෙකකින් නිකුත් වී ඇති අතර ඒවා නම් black හා two-toned black-and-white වේ. මෙහි මිල නම් $849 ක සිට ඉහලට වේ.

 

Google Home mini

මෙය Google Home හි කුඩා සංස්කරණය වේ. මෙම smart speaker එක සමග එන එහි අන්තර්ගත Google සහායක යෙදුම මෙහි ප්‍රධාන විශේෂාංගයි. මෙය වර්ණ 3 කින් නිකුත් වී ඇති අතර ඒවා නම් coral, fog හා charcoal වේ. මෙහි මිල $49 ක් වන අතර එය පෙර ඇනවුම් සඳහා නිකුත් කර ඇති අතර එය එළඹෙන ඔක්තෝබර් 19 සිට දැකිය හැක.

Google Home max

Google Home mini, Google home හි කුඩා සංස්කරණය වන අතර Google home max යනු එහි වැඩි දියුණු කල සංස්කරණයි. මෙයට  විනෝදාශ්වාදය සඳහා ගැලපෙන්නා  වූ මනා ශබ්ද නිකුත් කිරීමේ හැකියාවක් ඇති අතර අඟල් 4.5 කින් යුක්ත වූ විශාල ශබ්ද විකාශන යන්ත්‍ර (Woofers)  2ක් හා කුඩා ශබ්ද විකාශන යන්ත්‍ර (tweeters) කිහිපයකින්ම යුක්ත වනවා. google සමාගම පවසන ආකාරයට මෙය google home මෙන් 20 ගුණයක් බල සම්පන්න වේ. මෙහි මිල  $400 කි. එය එළඹෙන දෙසැම්බර් මාසයේ දැකගත හැක.

Pixelbook

Google සමාගමේ නවතම laptop පරිගණකය වන මෙය 2 in 1 අකාරයේ එකකි. එනම් මෙය laptop පරිගණයක් මෙන්ම tablet උපාංගයක් ලෙසද භාවිතා කල හැක.  මෙයට අඟල් 12.3 ක විශාලත්වයෙන් යුතු තිරයක් ඇති අතර 10 mm තරම් වූ සිහින් නිමාවකින් යුක්ත වේ.  මෙහි බර 1 kg පමණ ඉතා සැහැල්ලු බරකින් යුක්ත වේ. මෙහි මෙහෙයුම් පද්ධතිය Google chrome OS  වන අතර මෙයට පැය 10 ක පමණ බැටරි ආයු කාලයක් ඇත. මෙහි මිල $999 ක් පමණ වන අතර මෙය දැනට පෙර ඇනවුම් කිරීමට හැකියාව ඇත.  තවද මෙය Pixelbook pen සඳහා සහාය දක්වන අතර $99 ක් වැනි මුදලක් වැඩි පුර ගෙවා මෙය මිල දී ගත හැක. තවද මෙය Google සහායක (Google Assistant ) සඳහා සහාය දක්වන අතර එමඟින් මෙහි කාර්යයයන් ඉතා පහසුවෙන් කර ගත හැක.

Pixel Buds

මෙය Apple AirPod සඳහා පිළිතුරු ලෙස google විසින් නිර්මාණය කර එළිදැක්වූ නවතම උපාංගයයි. මෙය Wireless මාදිළියේ  headphone එකක් වන අතර මෙයට  google සහායක සමඟ එක් වී ක්‍රියාත්මක වීමේ හැකියාව ඇත. තවද සුවිශේෂී විශේෂාංගයක් වන්නේ මෙයට යථාකාලි භාෂා පරිවර්තනය (real-time language translation) කිරීමේ හැකියාව පවතින අතර මෙය භාෂා 40 ක් පමණ ප්‍රමාණයකට සහාය දක්වයි. මෙය වර්ණ 3 කින් එළිදක්වා ඇති අතර ඒවා නම් just black, clearly white, හා kinda blue වේ. මෙහි මිල $160 ක් පමණ වන අතර මෙය ඉදිරි නොවැම්බර්  මාසයේ එළිදැක්වීමට නියමිතව ඇත.


Google Clips

මෙය Google සාමාගම  විසින් නිර්මාණය කල නවතම රැහැන් රහිත කැමරාවයි (Wireless camera). මෙය ඉතා සුවිශේෂී විශේෂාංග රැසකින් යුතු වේ. අපගේ එදිනෙදා ජීවිතයේ සුවිශේෂී සිදුවීම් හඳුනාගෙන ඉබේම ඒවාගේ ඡායාරුප ගැනීමේ හැකියාවක් මෙයට ඇත. මෙය machine learning හා විවිධ algorithm  භාවිතා කරමින් භාවිතා කරන්නාගේ මෙන්ම ඔහුගේ හෝ ඇයගේ පවුලේ අයගේ මුහුණු හඳුනාගනිමින් ඒවාගේ  හැගීම්  වෙනස් වීම් හඳුනාගනිමින් ස්වයන්ක්‍රියව  ඡායාරුප ගැනීම හා සුවිශේෂී අවස්ථා පටිගත කරගැනීම සිදු කරයි. මෙයට 16 GB මතකයක් ඇති අතර අංශක 130 ක පරාසයක් හසු කරගැනීමේ හැකියාව ඇත.  මෙහි මිල $249 ක් වන අතර නුදුරු අනාගතයේ වෙළඳපොළට පැමිණීමට නියමිතය.

Daydream view

මෙය Virtual reality headset එකක්  වන අතර කලින් නිකුත් වී තිබුණු ඒවාගේ වැඩිදියුණු කල සංස්කරණයකි. මෙය නව වර්ණ 3 කින් නිකුත් වී ඇති අතර ඒවා නම් fog, charcoal හා coral වේ. මෙහි මිල $99 ක් පමණ වේ.

 

Android’s new “Instant Tethering” feature

Most of the time students in the university cannot access student Wi-Fi service without getting slow. Then they tend to use their mobile phones’ mobile hotspot service. This is a common situation for most of the internet users that have to face in their day to day life. But setting up the mobile hotspot service on their phones tend to be a little tedious.

Read More

Here is what we know about Google pixel phone

පසුගිය October 4 වෙනිදින San Francisco හිදී පැවැත්වුණු Google Hardware event එක කාගේත් කතාබහට ලක්වුණු දෙයක්. ඒ Google සමාගම හඳුන්වා දුන් නවතම උපාංග නිසයි. ඒ අතරිනුත් Pixel Phone එකට විශේෂ තැනක් ලැබී තිබුනා. කලින් ලිපියේ සඳහන් ආකාරයට Pixel සහ Pixel XL නමින් smartphone දෙකක් හඳුන්වාදුන් අතර ඒවා Quite Black, Very Silver, Really Blue යන වර්ණ වලින් වෙළඳපලට නිකුත් කෙරුනා. Read More

Google’s new Pixel Phone, Say bye to nexus brand

Google කියන නම ඇහෙද්දීම මතක් වෙන දෙයක් තමයි android ඒ වගේම nexus කියන්නෙත් මග හැරෙන්නෙම නැති Google සමාගමේ වෙළඳ නාමයක්. අන්තිමට නිකුත්වුන Nexus 6P smart phone ලෝකේ වෙනසක් කරපු ජංගම දුරකතනයක්. නමුත් මේ විස්තර කරන්න හදන්නේ ටිකක් වෙනස් කතාවක්. Google සමාගම අලුත්ම නමකින් smart phone එකක් එලිදක්වන්න සුදානම් වෙලා තියනවා. ඒ තමයි Google Pixel. Nexus කියන වෙළඳ නාමයෙන් ඉවත් වෙලා මේ අලුත් නමින් වෙළඳපොළට නිකුත් කරන්න සුදානම් වෙලා තියානවා. ඒ කියන්නේ Nexus නමින් අන්තිමට නිර්මාණය වුන smart phone එක වෙන්නේ Nexus 6P. Apple සමාගම iPhone 7 එක නිකුත් කරපු උණුසුම යන්නත් කලින් Google සමාගමත් මේ අලුත්ම smart phone ඒක එළිදක්වන්න තීරණය කරලා තියනවා. ඒ එළඹෙන ඔක්තෝම්බර් 4 වෙනිදා.

google_pixel_phone

Google සමාගමේ අලුත් විස්තර දැනගන්න කැමති අයට මෙතනින් ඒ විස්තර e-mail වලට ගන්න පුළුවන්. Pixel සහ Pixel XL කියන මාදිලි දෙකකින් යුත් මේ Smart Phone එකේ තවත් විශේෂ දෙයක් වෙන්නේ Official Android Nougat version එක්ක නිකුත් වෙන එක. මේ ජංගම දුරකථන දෙකම HTC සමාගම තමයි සැලසුම් කරලා නිර්මාණය කරලා තියෙන්නේ. සම්පුර්ණයෙන්ම water-resistant නොවුනත් තරමක් water-resistant කියලා තමයි වාර්තා වෙන්නේ.

1474505576666

නිල නොවන දත්ත අනුව Pixel XL දුරකථනය පහත දක්වලා තියන ගතිගුණ තමයි තියෙන්නේ.

  • 5.5in QHD 2560×1440 pixel resolution
  • Qualcomm Snapdragon 820 processor
  • Adreno 530 GPU, 4GB RAM
  • 32GB of onboard storage.
  • Camera 13MP primary sensor with an 8MP secondary for selfies on the front
  • Android 7.0 Nougat
  • Battery –3450mAh