එදිනෙදා ජීවිතයේදී අපි tablet, smartphone, laptop, PC ආදී විවිධාකාර විද්‍යුත් උපාංග රැසක් අතරේ කාලය ගත කරනවා. නමුත් අපිට අවශ්‍ය දත්ත හෝ ලිපිගොණු ඒ උපාංග අතර හුවමාරු කරගන්න එක ටිකක් අමාරු වැඩක්. එයට පිලියමක් විදිහට Microsoft ආයතනය විසින් “Phone Companion” නමින් අලුත්ම app එකක් තම Windows 10 පාරිභෝගිකයන් වෙනුවෙන් හඳුන්වාදීලා තිබෙනවා. මෙහිදී අපගේ සියලුම උපාංග පොදු ක්‍රමවේදයක් සහ පොදු Windows apps යොදාගෙන එකිනෙකට සම්බන්ධ කරනු ලබනවා. මෙය Windows ජංගම දුරකථන භාවිත කරන්නන්ට මෙන්ම බහුතර iPhone සහ Android දුරකථන භාවිතා කරන්නන්ටද පහසුවෙන් ලබාගන්න පුළුවන්. මෙහිදී Windows 10 තියෙන PC එකක් තිබීම පමණක් ප්‍රමාණවත්. අනෙකුත් උපාංග වල අන්තර්ගත මෙහෙයුම් පද්ධතිය කුමක් වුනත් එය මෙම app එක භාවිතයට අදාළ වෙන්නේ නැහැ.
