Google I/O කියන්නේ Google සමාගම විසින් වාර්ෂිකව පවත්වන ඔවුන්ගේ අලුත් දේවල් ගැන කියන, පෙන්වන ලෝකෙම අවධානය යොමු වෙන Tech Event එකක්. මෙවර Google I /O 2019 Conference ඊයේ එනම් May 7 පටන් ගත්තා. එහිදී මුලින්ම තිබ්බේ Google I /O 2019 එකේ Keynote එක වන අතර එය ආරම්භ කරේ Google සමාගමේ CEO වන Sundar Pichai විසින්ය. මෙවර Keynote විශේෂාංගයේදී ඔවුන්ගේ නවතමව දේවල් කීපයක් එළිදැක්වූවා.
PIXEL 3A සහ 3A XL
Google PIXEL 3A සහ Google PIXEL 3A XL කියන්නේ මෙවර Google I /O පටන් ගන්නට පෙර සිටම බොහෝ දෙනෙක් අතර කථා වුන Phone වර්ග 2ක්. එහිදී පැවසු වැදගත්ම දේ තමයි මේ Phone දෙකම ඊයේ සිටම අන්තර්ජාලය ඔස්සේ මිලදී ගැනීමට ඇති බවත් එහි මිල $399 ආරම්භ වන බවත්ය. මෙම PIXEL Phone දෙකේම කාගෙත් සිත් ගැනීමට හේතුව මෙහි Camera Features වන අතර Night Sight, Super Res Zoom එයින් විශේෂිත වේ. ඒ වගේම මෙම Phone දෙකේම Google Photos Cloud Storage එක Unlimited ලබා දීම, මෙවැනි අඩු මිලකින් මෙහි මිල ආරම්භ වීම විශේෂ වේ. දැනටමත් රටවල් 13 ක් අතර මෙම Phone දෙකම විකිණීමට ආරම්භ කර
ඇත.
Google NEST HUB MAX
Google NEST HUB MAX ගැනත් ඊයේ Google I /O Keynote විශේෂාංගයේදී ප්‍රකාශ කලා. Google NEST HUB MAX ගැන කතා කරන විට එහි විශේෂත්වය වන්නේ එහි අඟල් 10ක් පමණ ප්‍රමාණයෙන් ඇති Smart Display, Security Camera සහ Loudspeakers උපාංගයි. ඒ වගේම Google NEST HUB MAX එකේ ඇති Camera මගින් සිදු කරන Facial Recognition ක්‍රියාවලිය සහ එහි Google Assistant ගේ ක්‍රියාවලිය තව සුවිශේෂ ක්‍රියාවන්ය.එහි මිල $229 පටන් ගන්නා අතර මීලග මාස කිහිපය ඇතුලත එය වෙළදපලට පැමිණීමට නියමිතයි.
ANDROID Q
Android Q කියන්නේ Android මෙහෙයුම් පද්ධතියේ එන්න තියෙන අලුත්ම Version එක වන අතර Google I/O පැවැත්වීමට පෙර Android Q Beta Version කිහිපයක් ඔවුන් Release කර තිබ්බේය. මෙහිදී ඔවුන් Android Q වල අලුත්ම BETA Version launch කළේය. එහිදී Dark Theme එක නැවත ලබාදී තිබෙන අතර එය මුල් Beta version වල තිබ්බත් එය on off කරගැනීමේදී ගැටළු පැන නැගී තිබුන අතර මෙහිදී එය නිවැරදි කර ඇති බවයි සදහන් වුයේ. The Verge සගරාවේ Executive Editor වන Dieter Bohn මෙය අත්හදා බැලීමක් කර ඇති අතර ඔහු පවසා ඇත්තේ මෙහි Theme එකේ පැහැය හරි කළු පැහැය බවත් තද අළු පැහැයක් නොගන්නා බවය. ඒ වගේම මෙවර Google I /O Keynote එකේදී Google සමාගම විසින් Security ගැන විශේෂයෙන් කතා කලා.
Google Lens
Google Lens කියන්නේ පසුගිය වසරේ බොහෝ දෙනෙක් අතර කථා බහට ලක්වුන
මාතෘකාවක්ය. මේ වසරේදීත් ඔවුන් Update කිහිපයක් සිදු කර ඇති අතර එය බොහෝ
දෙනෙක්ගේම කථා බහට ලක්වූයේය. මෙවර ඔවුන් පැවසු ආකාරයට අපට Google Lens යොදාගෙන Restaurant එකක බිල්පතක එකතුව Google Lens මගින් කෙලින්ම ලබා ගත හැක.
Google Lens යොදාගෙන සිදු කරන Translations Option එක අනික් සුවිශේෂ කරුණ වේ.මෙහි ඇති සුවිශේෂම කරුණ වන්නේ එම Translations Option එක යොදාගෙන අකුරු කියවන්න බැරි කෙනෙක්ට පවා ඔහුට හෝ ඇයට අවශ්‍ය දේ එම Google Lens යොදාගෙන ඇසීමට හැකි බවය. මෙහි දී ඔවුන් එය ඉන්දියාවේ භාවිතා කරන අයුරු උදහරණයක් ලෙස පෙන්වූ අතර ඔවුන් පැවසුවේ මෙම Update එකෙන් පසුව විවිධ භාෂා බොහොමයක් සදහා මෙය උපයෝගී කර හැකි අයුරෙන් ලබා දෙන බවය.
Google Duplex සහ Google Assistant
Google Duplex කියන්නේ ගිය අවුරුද්දේ කාගේත් කතාබහට ලක් වුන දෙයක්ය. Sundar Pichai විසින් ඊයේ පැවසුවේ මෙය Web Platform එක සදහාත් ඉදිරියේදී එන Update සමග නිකුත් කිරීමට නියමිත බවය. තවද අපි කවුරුත් දන්න Google Assistant තවත් Update වන බව ඊයේ දිනයේදී ඔවුන් පැවසුවේය. එනම් Google Assistant යොදාගෙන Email වලට Reply කරන ආකාරය, ඒ වගේම එය යොදාගෙන Image තෝරාගන්න හැටි, ඒ වගේම එහි කාර්යකෂම බව බොහෝ දෙනෙක්ගේ සිත් ඇදගත් කරුණක් විය.
Incognito Mode දැන් Google Maps වලටත්
ඊයේ දිනයේදී. Sundar Pichai විසින් සිදු කර තවත් විශේෂ දෙයක් වන්නේ Incognito Mode එක Google Maps වලටත් ලබාදෙන බවය. එහිදී ඔවුන් පැවසුවේ මෙය Web සහ App යන Platform දෙකටම ඉදිරියේදී ලබාදෙන බවත් එමගින් මාස 3 සිට 18 දක්වා කාල පරාසයක් තුළ පරිශිලකයා හට ඔවුන්ගේ පැරණි ස්ථානීය තොරතුරු ඉවත්කල හැකි බවය. මෙය Security සහ Privacy අතින් වටිනා කරුණක්ය.
ඒ වගේම Google I /O Keynote එක බලන්න ඔබට මග හැරුන නම් පහතින් ඔබට එහි අන්තර්ගත වූ විශේෂාංග කෙටියෙන් බලාගත හැක.
