Assistant කිව්ව ගමන් ඔබට මතක් වෙන්නෙ කෙනෙක්ගෙ වැඩක් කරල දෙන්න ඉන්න කෙනෙක් විදියටයි. ඇත්තටම ඒ වගේ දෙයක් ගැන තමයි අද මේ කියන්න හදන්නෙ. Google assistant, Siri වගේ නම් ඇහුණ ගමන් ඔබට මතක් වෙන්නෙ කටහඬ මගින් මොනව හරි දෙයක් search කරල දෙන tool එකක් විදියට. මෙහි නිවැරදි technical term එක වෙන්නෙ Virtual assistant කියන එක. Virtual assistant කෙනෙක් කියන්නේ විවිධ tasks හෝ services කරන්න පුළුවන් software agent කෙනෙක්.
2013 වර්ෂයේදී තිරගතවූ “Her” චිත්‍රපටියේදී හුදකලා ලේඛකයෙක් තමාගේ ඩිජිටල් සහකාරිය සමඟ ප්‍රේමයෙන් බැඳෙනවා. ඇය ඔහුගේ සියලු කටයුතු සඳහා උදව් වෙනවා වගේම ඔහුට පෞද්ගලික උපදෙස් පවා ලබා දෙනවා. අවසානයේ ඔහු ඇයව පෙම්වතිය බවට පත් කරගන්නවා . Samantha නම් වෙන මේ ඩිජිටල් සහකාරිය විශ්මයජනක වේගයකින් අළුත් දේ ඉගෙනගන්නා A.I. මෘදුකාංගයක්.
Samantha අවම වශයෙන් තවත් දශකයක් පමණ විද්‍යා ප්‍රබන්ධයක් ලෙසම පවතීවි. කෙසේවුවත් bots [1] (රොබෝ ) නම්වූ අඩු-ක්‍රියාකාරී ඩිජිටල් සහායකයින් දැනටමත් අප අතරට ඇවිත්. මේවා අපගේ නිවෙස් වල 2017 දී දැකිය හැකි තවත් එක් විශ්මයජනක තාක්ෂණික දියුණුවීමක් වේවි.
