TechWire

Category - News

Google’s new Pixel Phone, Say bye to nexus brand

Google කියන නම ඇහෙද්දීම මතක් වෙන දෙයක් තමයි android ඒ වගේම nexus කියන්නෙත් මග හැරෙන්නෙම නැති Google සමාගමේ වෙළඳ නාමයක්. අන්තිමට නිකුත්වුන Nexus 6P smart phone ලෝකේ වෙනසක් කරපු ජංගම දුරකතනයක්. නමුත් මේ විස්තර කරන්න හදන්නේ ටිකක් වෙනස් කතාවක්. Google සමාගම අලුත්ම නමකින් smart phone එකක් එලිදක්වන්න සුදානම් වෙලා තියනවා. ඒ තමයි Google Pixel. Nexus කියන වෙළඳ නාමයෙන් ඉවත් වෙලා මේ අලුත් නමින් වෙළඳපොළට නිකුත් කරන්න සුදානම් වෙලා තියානවා. ඒ කියන්නේ Nexus නමින් අන්තිමට නිර්මාණය වුන smart phone එක වෙන්නේ Nexus 6P. Apple සමාගම iPhone 7 එක නිකුත් කරපු උණුසුම යන්නත් කලින් Google සමාගමත් මේ අලුත්ම smart phone ඒක එළිදක්වන්න තීරණය කරලා තියනවා. ඒ එළඹෙන ඔක්තෝම්බර් 4 වෙනිදා.

google_pixel_phone

Google සමාගමේ අලුත් විස්තර දැනගන්න කැමති අයට මෙතනින් ඒ විස්තර e-mail වලට ගන්න පුළුවන්. Pixel සහ Pixel XL කියන මාදිලි දෙකකින් යුත් මේ Smart Phone එකේ තවත් විශේෂ දෙයක් වෙන්නේ Official Android Nougat version එක්ක නිකුත් වෙන එක. මේ ජංගම දුරකථන දෙකම HTC සමාගම තමයි සැලසුම් කරලා නිර්මාණය කරලා තියෙන්නේ. සම්පුර්ණයෙන්ම water-resistant නොවුනත් තරමක් water-resistant කියලා තමයි වාර්තා වෙන්නේ.

1474505576666

නිල නොවන දත්ත අනුව Pixel XL දුරකථනය පහත දක්වලා තියන ගතිගුණ තමයි තියෙන්නේ.

  • 5.5in QHD 2560×1440 pixel resolution
  • Qualcomm Snapdragon 820 processor
  • Adreno 530 GPU, 4GB RAM
  • 32GB of onboard storage.
  • Camera 13MP primary sensor with an 8MP secondary for selfies on the front
  • Android 7.0 Nougat
  • Battery –3450mAh

Ransomware

Ransomware – The newest threat

Do you have any idea about  Ransomware?

Ransomware is a kind of malware which prevents you from accessing your system or files. It forces you to pay a ransom via online to get a decrypt key. A ransomware are called a cryptovirus, cryptotrojan or cryptoworm.

Ransomware Infection

  • Can be Downloaded to the systems when users visit malicious or compromised websites.
  • Can be arrived as a payload of another malware.
  • Delivered as an attachment from spammed email.
  • Downloaded through malvertisements.
  • Dropped by exploit kits.

Read More

කිලෝග්‍රෑමයට නව අර්ථදැක්වීමක්?

ජාතික තාක්ෂණ සහ ප්‍රමිතීන් ආයතනය (NIST) කියන්නේ එක්සත් ජනපද වාණිජ දෙපාර්තමේන්තුවේ පිහිටලා තියෙන මිනුම් ප්‍රමිතිකරණ රසායනාගාරයක්. එතන සේවය කරන භෞතික විද්‍යාඥයින්ට මෑතකදී පුළුවන් වෙලා ප්ලාන්ක් නියතයට (h) ඉතාමත් නිවැරදි පාඨාංකයක් ලබාගන්න. මේක තමයි ඕනෑම ආකාරයක ස්කන්ධයක් මනින්නට තියෙන ලෝක සම්මත අන්තර්ජාතික ඒකකය වන “කිලෝග්‍රෑමය”ට තියෙන නිළ අර්ථදැක්වීම වර්ධනය කරන්න විද්‍යාඥයින් අරන් තියෙන අළුත්ම පියවර. Read More

Apple සහ FBI ආරවුල ගැන ඔබ දත යුතු සියල්ල

Apple සමාගම සහ FBI ආයතනය අතර ඇතිවී ඇති ආරවුල ගැන ඔබ දැනටමත් අසා ඇති බවට සැක නැත. අපගේ මේ සූදානම එම ගැටලුව පිළිබඳව නැවතත් මුල සිට අවධානය යොමු කිරීමටයි.

පසුගිය වසරේ දෙසැම්බර් 15 දින ඇමරිකා එක්සත් ජනපදයේ කැලිෆෝනියා ප්‍රාන්තයේ සැන් බර්නාඩීනෝ ප්‍රදේශයට එල්ල වූ ත්‍රස්ත ප්‍රහාරයකින් 14o දෙනෙකු මරණයට ලක්වූ අතර 22 ක පිරිසක් බරපතල ලෙස තුවාල ලද හ. මෙම ප්‍රහාරයට වගකිව යුතු යැයි සැළකුණු අය අතර Syed Rizwan Farook නැමැත්තෙකු ද සිටියේය.

පසුගිය පෙබරවාරි 9 වනදා FBI ආයතනය ප්‍රකාශ කර සිටියේ, මෙම ප්‍රහාරයට සම්බන්ධ අයවලුන්ගේ දුරකථනයන් අතර තමන්ට අගුළු ලිහීමට නොහැකි එක් දුරකථනයක් ඇති බවයි. එය මෙම Rizwan Farook භාවිත කළ iPhone 5C වර්ගයේ දුරකථනයයි.

Apple iPhone 5C මාදිලියේ දුරකථනයක්

Apple iPhone 5C මාදිලියේ දුරකථනයක්

FBI ආයතනයට මෙලෙස දුරකථනයට ඇතුල්වීමට නොහැකි වූයේ iPhone දුරකථන වල ඇති ප්‍රධාන ආරක්‍ෂක උපක්‍රම දෙකක් හේතුවෙනි.

ඉන් පළමුවැන්න නම් iPhone වලටම සුවිශේෂී අගුලු තිරය යි. මෙහිදී ඔබට දුරකථනයට පිවිසීමට අවැසි නම් එක්කෝ අදාල මුරපදය නිවැරදිව ඇතුළත් කළයුතුය; නැතහොත් නිවැරදි ඇඟිලි සළකුණ ලබාදිය යුතුය. ඇපල් සමාගම iOS මෙහෙයුම් පද්ධතිය නිමවා ඇත්තේ මෙම මුරපදය පරිගණක මෘදුකාංගයක් ඇසුරෙන් ඇතුළත් කළ නොහැකි වන ලෙසය. සරලව කිවහොත්, එය මිනිස් ස්පර්ශකින්ම ලබාදිය යුතු ය. තව ද, එක් වැරදි මුරපදයකින් පසුව ඊළඟ මුරපදය ඇතුළත් කිරීමේ අවස්ථාව දක්වා මිලි තත්පර 80ක ප්‍රමාදයක් පවතී. මෙය සාමාන්‍ය පුද්ගලයෙකුට සංවේදී නොවුණ ද වේගවත් නූතන පරිගණකයකට මෙය අධික කාලයකි. ඇපල් සමාගම මෙම ආරක්‍ෂණ පිළිවෙත් ගෙන ඇත්තේ brute force නැමැති විකේතන ක්‍රියාවලියෙන් සිය උපාංගයකට ඇතුළුවීමට ඇති හැකියාව ඉවත්කිරීමට ය.

දෙවැනි කරුණ නම් මුරපද ඇතුල්කිරීමේ දී යම්කිසි අසාර්ථක උත්සාහයන් ගණනකට පසුව, දුරකථනය විසින් ස්වයංක්‍රීයව එහි ඇති සියළු දත්ත මකා දැමීමයි. මෙම අසාර්ථක උත්සාහයන් ගණන තීරණය කරන්නේ අදාළ දුරකථනයේ හිමිකරුවා ය. මෙය iOS පද්ධතියට ආවේණික උපක්‍රමයක් නොවුණද, FBI ආයතනයට මෙම දුරකථනය සමග විනෝද වීමට ඇති හැකියාව මෙමගින් නැතිවී ඇත.

එහි ප්‍රතිඵලයක් ලෙස FBI ආයතනය ඇපල් සමාගමෙන් ඉල්ලා සිටියේ මෙම ආරක්‍ෂණ ක්‍රමෝපායන් මඟහැරවිය හැකි සුවිශේෂී iOS මෙහෙයුම් පද්ධතියක් අදාළ iPhone දුරකථනයේ RAM එකෙහි ධාවනය කරවීමට නිෂ්පාදනය කර දෙන ලෙසයි. (මෙම මෙහෙයුම් පද්ධතිය දැන් හැඳින්වෙන්නේ GovtOS ලෙසයි.) ඇපල් සමාගම එයට විරෝධය පෑවේ සිය නිෂ්පාදන සතු ආරක්‍ෂක මෙවලම් තර්ජනයට ලක්වන ලෙස කටයුතු නොකිරීමේ ප්‍රතිපත්තිය මත ය. FBI ආයතනය මෙයට ප්‍රතිචාර දැක්වූයේ අදාළ මෘදුකාංගය නිෂ්පාදනය කරන ලෙස, ෆෙඩරල් විනිසුරුවරයෙකු හරහා ඇපල් සමාගමට උසාවි නියෝගයක් නිකුත් කිරීමෙනි. මෙය සිතාසියක් නොවූ අතර, 1789 දී සම්මත වූ එක්සත් ජනපදයේ සියළු ආඥා පනත යටතේ නිකුත් කරන ලද්දකි.

[mks_pullquote align=”right” width=”300″ size=”24″ bg_color=”#000000″ txt_color=”#ffffff”]මේ වනතුරු කිසිදු ආණ්ඩුවක් මෙවන් ඉල්ලීමක් කර නැති බවද ඔහු වැඩිදුරටත් පැවසීය.[/mks_pullquote]සිය පාරිභෝගිකයින් වෙත ප්‍රසිද්ධ ලියුමක් ඉදිරිපත් කරමින් ඇපල් ආයතනයේ ප්‍රධාන විධායක නිළධාරී Tim Cook පැවසුවේ, එම නියෝගයට අවනත වීමට ඇපල් ආයතනය සූදානම් නැති බවයි. එහිදී ඔහු තවදුරටත් පැහැදිලි කළේ සිය මෙලෙස පසුදොරක් විවර කිරීමෙන් iPhone භාවිත කරන සියලුදෙනාගේම තොරතුරු වල රහස්‍යභාවයට එල්ල වන තර්ජනය යි. මෙවන් බලවත් ආයුධයක් වැරදි අත්වලට නොයෑම පිළිබඳව ගතහැකි හොඳම පියවර එවන් මෙහෙයුම් පද්ධතියක් කිසිදා නිර්මාණය නොකිරීම බව Tim Cook තරයේ අවධාරණය කරයි. මේ වනතුරු කිසිදු ආණ්ඩුවක් මෙවන් ඉල්ලීමක් කර නැති බවද ඔහු වැඩිදුරටත් පැවසීය.

ඇපල් ආයතනයේ විධායක නිළධාරීන් පවසන පරිදි සිය ආයතනය FBI වෙත මෙම ගැටලුවට විසඳුම් ලෙස විකල්ප හතරක් ලබාදී ඇත.

Screen_Shot_2016-02-19_at_6.00.08_PM.0

2015 ඔක්තෝබර් 19 දින සිට මෙම දුරකථනයට අදාළ iCloud ගිණුමේ තොරතුරු ගබඩා වීම ඇණහිට ඇත. එයට පැහැදිලි හේතුවක් තවමත් ඉදිරිපත්වී නැත. FBI අායතනය පවසන්නේ අදාළ ප්‍රාදේශීය නිළධාරීන් විසින් iCloud ගිණුමේ මුරපදය ප්‍රතිසකස් කිරීම හේතුවෙන් ස්වයංක්‍රීය දත්ත ගබඩාව සඳහා ඇති ඉඩකඩද ඇහිරී ඇති බවයි. ඊට පිළිතුරු ලෙස ප්‍රාදේශීය නිළධාරීන් පැවසුවේ, මෙම මුරපද වෙනස්කිරීම සිදුවූයේ FBI හි අනුදැනුම යටතේ බවයි.

කෙසේ වූවද ඇපල් ආයතනයේ මෙම විරෝධතාවට පිළිතුරු ලෙස, පෙබරවාරි 19 දින ඇමරිකානු අධිකරණ දෙපාර්තමේන්තුව නව අයදුම්පතක් ගොනුකරමින් ෆෙඩරල් විනිසුරන්ගෙන් ඉල්ලා සිටියේ ඇපල් ආයතනය හට නියෝගය සමග එකඟ වන ලෙස විධානය කරන ලෙසයි. එම අයදුම්පතෙහි, ඇපල් ආයතනයට සිය ව්‍යාපාර ස්ථානයේදීම ජංගම දුරකථනයට අදාළ මෘදුකාංගමය වෛරසය ඇතුළත් කළහැකි බවත්, FBI ආයතනය විසින් දුරස්ථ සබඳතාවක් ඔස්සේ ජංගම දුරකථනයට ඇතුල්වී අදාළ තොරතුරු පිටපත් කරගත් පසුව, ඇපල් සමාගමට එම වෛරසය නැවත ඉවත්කර විනාශකර දැමිය හැකි බව සඳහන් විය.

මේ පිළිබඳව අදහස් දැක්වූ Tim Cook පැවසුවේ, GovtOS මෙහෙයුම් පද්ධතිය ඇපල් ආයතන පරිශ්‍රයෙන් පිටතට නොයන ලෙස සුරක්‍ෂිතව නිෂ්පාදනය කළද, එය කේතනය කරන සංවර්ධකවරුන්ගේ මතකයන් තුළින් එය ඉවත්කළ නොහැකි බවයි. ඒ නිසාම බාහිර පාර්ශ්වයන් විසින් අදාළ සේවකයින්ව තර්ජනයට ලක්කර අදාළ තොරතුරු ලබාගැනීමේ අවදානමක් ඇපල් සමාගමට පවතියි.


ප්‍රභවය: ABC Breaking News

ඇපල් සමාගම හට උසාවි නියෝගයට පූර්ණ ප්‍රතිචාරයක් දැක්වීමට පෙබරවාරි 26 දක්වා කල් ලැබුණි.

පසුව, එම උසාවි නියෝගය පිළිබඳව මෝසමක් ඉදිරිපත් කරමින් ඇපල් ආයතනය පවසා සිටියේ “කේතනය යනු අදහස් ප්‍රකාශකිරීමේ ක්‍රමයක්” වන බව සහ, අදහස් ප්‍රකාශකිරීමේ අයිතිය පිළිබඳව ඇති නෛතික තත්ත්වය කේතනය සඳහා ද අදාළ වන බව පැවසීමෙනි.

ඇපල් සමාගම ඉදිරිපත් කළ මෝසමේ සංක්‍ෂිප්තය

ඇතැමුන්ගේ මතය මෙම “කේතනය භාෂාවකි” යන්න ප්‍රයෝගයක් බවත්, එය වත්මන් ගැටලුව හමුවේ ඇපල් ආයතනයට පිහිටක් නොවනු ඇති බවත් ය. මේ පිළිබඳ නවතම තොරතුරු ඉදිරි දිනවලදී ඔබ වෙත ගෙන ඒමට අපි බලාපොරොත්තු වෙමු.

අන්තර්ජාලය හරහා ගමන්කළ ගුරුත්වාකර්ෂණ තරංග

ගතවූ දින කීපයේම සියළු  දෙනා කතා කරන ගුරුත්වාකර්ෂණ තරංග පිළිබඳව ඔබට යම් අවබෝධයක් ඇතැයි අපි සිතමු. මේ අවධානය සමාජ ජාල සහ වෙනත් වෙබ්අඩවි තුළ ගුරුත්වාකර්ෂණ තරංග ගැන සිදුවූ කතාබහ වෙතටයි.

This is how LIGO solved a century old mystery!https://youtu.be/qnTug9sxnJE

Posted by TechTrack on Friday, 12 February 2016

Scientists just confirmed the detection of gravitational waves. This is one of the biggest discoveries of modern…

Posted by Mark Zuckerberg on Thursday, 11 February 2016

My congratulations to the LIGO team on their discovery of gravitational waves. It is a result that is at least as…

Posted by Stephen Hawking on Thursday, 11 February 2016

ගුරුත්වජ තරංග වල පැවැත්ම තහවුරු වේ!

සාමාන්‍ය සාපේක්‍ෂතාවාදය පිළිබඳව ප්‍රථමයෙන් ප්‍රකාශයට පත්වී දැනට වසර 100ක් ගතවී ඇති අතර, ඇල්බට් අයින්ස්ටයින් විසින් සිය සිද්ධාන්තයේ කොටසක් ලෙස අනාවැකි පලකළ ගුරුත්වජ තරංග වල පැවැත්ම මේ වනවිට තහවුරු වී ඇත.

“අපිට ගුරුත්වාකර්ෂණ තරංග අහුවුණා. අපි ඒක කළා,” LIGO හි විධායක අධ්‍යක්‍ෂක David Reitze පැවසීය. LIGO යනු Reitze පැවසූ ක්‍රියාව වෙනුවෙන්ම සාදන ලද නිරීක්‍ෂණාගාරයකි.

Reitzeට අනුව, කාල අවකාශයේ රැළිති ලෙස හැඳින්විය හැකි මෙම ගුරුත්වජ තරංග නිර්මාණය වී ඇත්තේ කළු කුහර දෙකක එකතුවකිනි. එක් කළු කුහරයකට සූර්යයන් 29ක ස්කන්ධයක් තිබී ඇති අතර; අනෙක සූර්යයන් 36ක ස්කන්ධයකින් සමන්විත වී ඇත. යුගලයටම බොහෝවිට කිලෝමීටර 50ක පමණ විෂ්කම්භයක් තිබී ඇත.

වසර බිලියනකට පමණ පෙරාතුව (LIGOට අනුව බිලියන 1.3) මෙම කළු කුහර යුගලය ආලෝකයේ වේගය මෙන් අඩක වේගයකින් ඝට්ටනය වී ඇත. ගුරුත්වජ තරංග සියලු දේ හරහා ගමන්කරයි. එබැවින් එම ඝට්ටනයේ ප්‍රතිඵලය පෘථිවියට ළඟාවීමට පෙර එවන් කාලයක් විශ්වය හරහා ගමන්කර ඇත.


 

කළු කුහර ඝට්ටනයේ කුරුළු නාදය

Reitze පැවසූ ලෙස, ගුරුත්වජ තරංග විසින් පෘථිවිය වටා ඇති අවකාශය “ජෙලි කුට්ටියක්” මෙන් සංකෝචනය සහ විස්තාරණය කරවයි. එසේ වුවද මෙම තරංග නිරීක්‍ෂණය කළහැක්කේ LIGO වැනි ප්‍රෝටෝනයකින් දහසකින් එකක් පමණ පරිමාණයේ විකෘති වීම් පවා මැනිය හැකි නිරීක්‍ෂකයකට පමණි. මෙම තරංග 2015 සැප්තැම්බර් 14 දින නිරීක්‍ෂණය කරන ලදී.

කළු කුහර ගැටෙන හඬ විද්‍යාඥයින් හට ශ්‍රවණය වී ඇත්තේ තත්පරයෙන් පහෙන්-එකක් පමණ පැවතුණු කුරුළු නාදයක් ලෙසිනි. ගුරුත්වජ තරංග යනු ධ්වනි තරංග වර්ගයක් නොවුණ ද, ඝට්ටනයේ අවසන් මිලිතත්පර කිහිපය (කළු කුහර අතර පරතරය කිලෝමීටර කිහිපයක් පමණක් වූ අවස්ථාව) තුළ එහි සංඛ්‍යාතයේ සිදුවූ වර්ධනය, අපට ශ්‍රවණය කළ හැකි සංඛ්‍යාත මට්ටමක් බව LIGO හි සේවය කරන ජෝර්ජියානු භෞතීයවේදිනී Deirdre Shoemaker පැවසුවාය.

LIGO යන්න විස්තර කර ඇත්තේ “තමා හරහා යන ගුරුත්වජ තරංග වල අතිශය කුඩා කම්පන නිරීක්‍ෂණය කිරීම සඳහා සියුම්ව නිර්මාණය කළ සර්වසම නිරීක්‍ෂක දෙකකින් යුතු පද්ධතියක්” ලෙසිනි (එක් නිරීක්‍ෂකයක් ලුසියානා ප්‍රාන්තයේ ලිවිංස්ටන්හි ද අනෙක වොෂින්ටන් ප්‍රාන්තයේ හැන්ෆර්ඩ්හි ද පිහිටා ඇත). මෙම ව්‍යාපෘතිය නිර්මාණය කළේ Caltech සහ MIT හි සිටින විද්‍යාඥයින් වන අතර අනුග්‍රහය දැක්වූයේ National Science Foundation විසිනි. කොලොම්බියානු විශ්වවිද්‍යාලයේ විද්‍යාඥයෙකු වන Szabolcs Marka පැවසූ පරිදි මෙය “අන්තරීක්‍ෂ මයික්‍රොෆෝනයක්” ලෙස සැළකිය හැකිය.


 

අයින්ස්ටයින්ගේ සංකල්ප

Albert Einstein

ඇල්බට් අයින්ස්ටයින්

ගුරුත්වජ තරංග පිළිබඳව අයින්ස්ටයින් අනාවැකි පළකළේ 1915දී ඔහුගේ සාමාන්‍ය සාපේක්‍ෂතාවාද සිද්ධාන්තයේදී ය. ඔහුට අනුව අවකාශ-කාලය යනු ‘කාලය’ ද තවත් එක් මානයක් පමණක් වන සිව්මානමය අවකාශයකි. ගුරුත්වජ තරංග යනු මෙකී අවකාශ-කාලයේ සිදුවන විකෘත වීම්/ කැලැතීම් ය.

කෙසේ වුවද, ඒම තරංග නිරීක්‍ෂණයට නම්, ඒවා (කළු කුහර දෙකක ගැටුමක් වැනි) යම් සුවිසල් සිද්ධියක ප්‍රතිඵලයක් ලෙස නිර්මාණය විය යුතුය.

කළු කුහර යනු ගුරුත්වාකර්ෂණ තරංග සංකල්පයේ මුදුන් මල්කඩකි. අද වනතුරු අපට දැකගත හැකිව තිබුණේ ඒවායේ පසු-විපාක පමණකි. කොටින්ම කළු කුහරය යනු උපග්‍රහණයක් පමණක් විය.

“ඒවයෙ පැවැත්ම ගැන වක්‍රාකාරව ලැබුණු සාක්‍ෂි ගොඩක් අපිට තිබුණා,” Shoemaker පවසයි. “ඒත් මේක තමයි කළු කුහර දෙකක් එකතුවීම අපි නිරීක්‍ෂණය කරන පළමු වතාව! අනික අපි දන්නවා එහෙම කළු කුහර යුග්මයක එකතුවක් ගැන අනාවැකි කියන්න පුළුවන් එකම ක්‍රමය ගුරුත්වාකර්ෂණ විකිරණය විතරයි කියලා. ගුරුත්වජව නැතුව වෙන කිසිම විදිහකට අපිට ඒක බලාගන්න බෑ.”

“අපිට දැන් විශ්වයට සවන්දෙන්න පුළුවන්”

LIGO ඇත්තටම නිවැරදි ද? අපිට සත්‍යලෙසම ගුරුත්වජ තරංග නිරීක්‍ෂණය වුණා ද?

විද්‍යාඥයින් සතුව five-sigma නැමැති සත්‍යාපන සම්මතයක් ඇත. LIGOහි සමීක්‍ෂකයන්ට අනුව මෙම තරංග සොයාගැනීම එම සම්මතයන් ද ඉක්මවා යයි!

[mks_pullquote align=”right” width=”300″ size=”24″ bg_color=”#000000″ txt_color=”#ffffff”]“හොඳම කොටස ඒක නෙවෙයි,” මාධ්‍ය ප්‍රකාශයේ දී Reitze පැවසීය. “මම හිතන්නෙ අපි විශ්වයට අලුත් දොරකඩක් විවෘත කරනවා. ඒක තමයි ගුරුත්වජ තරංග තාරකා විද්‍යාව.”[/mks_pullquote]

“ඒක නිවැරදියි කියලා අපිවම පොළඹවගන්න අපිට මාස හයක් විතර ගියා,” Shoemaker කියයි. “අපේ යන්ත්‍ර වල සටහන් වෙච්ච සේරම දේවල් තේරුම්ගන්න පුළුවන් දේවල් බවට අර five-sigma සංකල්පෙටත් එපිටින් ගිහින් ඔප්පුවෙනවා.”

“අපිට දැන් පුළුවන් මේ විශ්වයෙ අපිට ඇහෙන්නෙ නැතුව තිබ්බ ප්‍රදේශ වලට ඇහුම්කන් දෙන්න. මේක (විද්‍යුත් චුම්භක වර්ණාවලියට වඩා වෙනස් වන) වෙනමම වර්ණාවලියක්. මේක අපි කලින් නිරීක්‍ෂණය කරපු කිසිම දෙයක් වගේ නෙවෙයි!”


 

අයින්ස්ටයිනුත් පුදුමවෙන්න තිබුණා

දශකයකට අධික කාලයක් ව්‍යාපෘතියට සම්බන්ධ වී සිටි, කොලොම්බියානු විශ්වවිද්‍යාල භෞතීයවේදී Marka පැවසුවේ, මෙම සොයාගැනීම අයින්ස්ටයින්ගේ සාමාන්‍ය සිද්ධාන්තයේ ඍජු අත්හදාබැලීම් වැනි දේට මුල පුරනු ඇති බවයි.

“භෞතික විද්‍යාඥයෙක් හැමතිස්සෙම බලන්නෙ යම් සිද්ධාන්තයක තියෙන අඩුපාඩුවක්. එහෙම අඩුපාඩු හොයන්න තියෙන එකම ක්‍රමය ඒක අත්හදාබලන එක,” Marka එසේ CNN වෙත පවසා ඇත. “අයින්ස්ටයින්ගෙ සිද්ධාන්තයෙ තවමත් අපිට කිසිම අඩුපාඩුවක් පේන්න නැහැ, සහ ඒක හරිම භයානකයි. භෞතිකවේදීන් අඩුපාඩු නැති සිද්ධාන්ත ගැන විශ්වාස කරන්නෙ නැතිතරම්, මොකද එතකොට අපිට කරන්න දෙයක් නැති වෙනවනෙ!”

හාස්‍යජනක කරුණ නම්, ගුරුත්වජ තරංග නිරීක්‍ෂණය කරනු ඇතැයි අයින්ස්ටයින් කිසිදා නොසිතීමයි.

“එයා හිතුවෙ ගුරුත්වජ තරංග කියන්නෙ අලංකාර නිමැවුමක්, ඒත් කාටවත් කිසිම දවසක නිරීක්‍ෂණය කරන්න බැරි තරම් ඉතා කුඩා තරංග වර්ගයක් කියලා,” Marka කීය.

First Dog On The Moon

ප්‍රභවය: The Guardian (First Dog On The Moon)

මූලාශ්‍ර: CNN

අන්තර්ජාලයේ නවතම ගොනු හුවමාරු තාක්‍ෂණය – WebTorrent

BitTorrent යනු peer-to-peer ප්‍රොටොකෝලය යටතේ ලොව පුරා ඉතා පුළුල්ව භාවිතා වන සන්නිවේදන ක්‍රමවේදයකි. ශ්‍රී ලංකාවේ අන්තර්ජාලය පරිහරණය කරන තරුණ ප්‍රජාවට නම් මෙය කිසිසේත් ආගන්තුක තාක්‍ෂණයක් නොවේ. මෙය කෙතරම් ජනප්‍රිය ක්‍රමයක් ද කිවහොත්, අන්තර්ජාලය තුළ මෙමගින් හුවමාරු වන දත්ත ප්‍රමාණය මැනීමට සිදුවී ඇත්තේ පෙටාබයිට් වලිනි. කෙසේවෙතත්, Netflix, Hulu වැනි ස්ට්‍රීමිං සේවාවන්ගේ ආගමනයත් සමග BitTorrent හි බලපරාක්‍රමය බිඳවැටීමට පටන්ගෙන ඇත.

WebTorrent යන නවතම තාක්‍ෂණය ඔබ වෙත පැමිණ ඇත්තේ මෙම සේවාවන් දෙක එකට සංයුක්ත කර, BitTorrent ජාලය හරහා ස්ට්‍රීමිං වීඩියෝ ස්ට්‍රීමිං පහසුකම ඔබ වෙත ලබා දීමටයි. ඔව්, WebTorrent යනු ඔබේ වෙබ් බ්‍රව්සරය වෙත ලැබෙන ලොව ප්‍රථම ස්ට්‍රීමිං ටොරන්ට් සේවාදායකය යි. එය ලියැවී ඇත්තේ අන්තර්ජාල භාෂාවෙන්, හෙවත් JavaScript වලිනි. මෙම ප්ලගිනය P2P සන්නිවේදනය සඳහා භාවිතා කරන්නේ ජනප්‍රිය TCP/uTP ප්‍රොටොකෝලය නොව WebRTC නම් වූ නවමු මෙවලමකි.

BitTorrent-WebTorrent

WebTorrent හි තාක්‍ෂණික පැතිකඩ

2002දී ආරම්භ වූ දා සිට, අන්තර්ජාලය හරහා විශාල ප්‍රමාණයේ ගොනු සංසරණය කරවීමේ ගැටලුවට සරල විසඳුමක් සැපයූවේ BitTorrent තාක්‍ෂණයයි. WebTorrent විසින් සිදුකෙරෙනුයේ මෙම BitTorrentහි මධ්‍ය හරයේ ඇති තාක්‍ෂණය, ස්ට්‍රීමිං තාක්‍ෂණය සමග ඒකාබද්ධ කරමින් ඔබ වෙත මෙම තාක්‍ෂණ මෙවලම් දෙකෙහිම වාසිය උදාකරලීමයි.

ස්ටැන්ෆඩ් විශ්ව විද්‍යාලයේ උපාධිධාරී, Feross Aboukhadijeh විසින් මෙම ව්‍යාපෘතිය හඳුන්වාදුන්නේ සිය ගණනක් වූ තවත් විවෘත-ප්‍රභව දායකයින්ගේ සහාය ද ඇතිව ය. වර්තමානයේ අප භාවිත කරන අන්තර්ජාලයේ විප්ලවයක් සිදුකිරීමට මෙම තාක්‍ෂණයට හැකිවනු ඇති බව ඔහු තරයේ විශ්වාස කරයි.

TorrentFreak අඩවියට අදහස් කළ දැක්වීමක දී ඔහු පැවසුවේ:

මට දැනිච්ච විදිහට ‘පරිශීලකයින්ගෙන් බලගැන්වූ වෙබ්අඩවි’—ඒ කියන්නෙ යම් අඩවියක් භාවිත කරන අය විසින්ම බර දරාගෙන සිටිනු ලබන අඩවි කියන සංකල්පය මාර විප්ලවකාරී එකක්. ඒක මේ කර්තෘ හිමිකම් අලවගෙන, හිරකරගෙන තියන්න ඕන මෘදුකාංගයක් නෙවෙයි! ඒ නිසයි මට මේ අදහස තව ටිකක් දියුණු කරන්න ඕන කියලා හිතුණෙ.

ඔහුට අවශ්‍ය වූයේ, P2P ප්‍රොටොකෝලය හරහා පරිශීලකයින් විසින් බලගැන්වූ YouTube වැනි සලරූ වෙබ්අඩවියක් නිර්මාණයට බව ඔහු වැඩිදුරටත් අදහස් දක්වමින් පැවසී ය. එවිට භාවිතකරන පරිශීලකයන් ගණන වැඩිවන තරමට අඩවිය වඩාත් ස්ථාවර සහ වේගවත් වනු ඇති. සරලව කිවහොත්—WebTorrent යනු අන්තර්ජාලය සඳහා වන BitTorrent සේවාදායකයකි. කිසිදු ස්ථාපනයක්, දිගුවක් හෝ බ්‍රව්සර් ප්ලගිනයක් මෙයට අනවශ්‍ය ය.

Browser-Support

ව්‍යාපෘතිය ගැන වැඩි විස්තර දැනගැනීමට, ආරම්භ කිරීමට හෝ WebTorrent ක්‍රියා කරන ආකාරය පිළිබඳව දැනගැනීමට WebTorrent.io අඩවියට පිවිසෙන්න.

විද්‍යාව ඔප්පුකිරීමට ජීවිතය අවදානමේ හෙළීම

භෞතිකවේදීන්, සහ පොදුවේ ගත් කල විද්‍යාඥයින්, යනු බොහෝ විට අවදානම් සහිත ක්‍රියා වල නිරතවන පිරිසක් නොවේ. විද්‍යාවේ උන්නතිය වෙනුවෙන් තම ජීවිතය පවා කැප කළ පුද්ගලයින් නැතුවාම නොවේ. එහෙත් අධ්‍යයන සහ පර්යේෂණ ක්‍ෂේත්‍ර වල කටයුතු කරන බොහෝ විද්‍යාඥයින්ගේ එදිනෙදා වැඩකටයුතු සැළකිය යුතු ලෙස භයානක ඒවා නොවේ.

එනමුදු හෞතිකවේදී Andreas Wahl විසින් භෞතික විද්‍යා නියමයක් ඔප්පු කිරීමට තරමක් අසාමාන්‍ය උත්සාහයක පසුගියදා නිරත වී තිබුණි. මෙහි ඇතුළත් වන සලරුවෙහි ඇත්තේ, මෙම නෝවීජියානු විද්‍යාඥයා විසින් ‘සිය වලිත කේන්ද්‍රය වෙත ළඟාවෙමින් වෘත්ත වලිතයේ යෙදෙන වස්තුවක කෝණික ප්‍රවේගය ක්‍රමයෙන් වැඩිවේ’ යන ප්‍රකාශය සත්‍යාපනයට දැරූ වෑයමකි. මෙම සංසිද්ධිය විද්‍යාත්මකව පැහැදිලි කර තිබෙන බැවින් මොහුගේ ජීවිතය අනතුරක නොතිබුණු බව ඔබට සිතිය හැක. එහෙත් මෙවන් ක්‍රියාවන් කිසි ලෙසකවත් නිවසේදී අත්හදා නොබැලිය යුතුය!

ක්වන්ටම් පරිගණනය සහ තාක්‍ෂණයේ අනාගතය

Silicon Valley ප්‍රදේශයේ ඇති NASA ආයතනයට අයත් පර්යේෂණාගාරයක, Google සමාගම ක්වන්ටම් පරිගණකයක් අත්හදාබලමින් සිටී. ක්වන්ටම් පරිගණක යනු ක්වන්ටම් යාන්ත්‍ර විද්‍යාවේ එන විස්මයජනක නියමයන් මත හෙවත් පරමාණු, ඉලෙක්ට්‍රෝන සහ ෆෝටෝන වල භෞතිකත්වය මත පදනම් වූ යන්ත්‍ර වර්යකි. D-Wave ලෙස හඳුන්වන මෙම පරිගණකය මත ඇමරිකානු ඩොලර් මිලියන 10ක මිලක් පවතින අතර, සාම්ප්‍රදායික භෞතික විද්‍යා මූලධර්ම මත ගොඩනැඟුනු පරිගණක වලට වඩා මෙම යන්ත්‍රයට ඇතැම් කාර්යයන් සුපිරි වේගයකින් සිදුකළ හැක.

මෙහිදී මතුවූ ගැටලුව නම්, මෙම D-Wave යන්ත්‍රයට එදිනෙදා ජීවිතයේ හමුවන සත්‍ය ලෙසම ප්‍රයෝජනවත් කෘත්‍යයන් (විද්‍යාගාර පරීක්‍ෂණ නොව) සඳහා මෙම තාක්‍ෂණික පිම්ම පැනීමට හැකිද යන්න ලොව ඉහළතම ක්වන්ටම් පරිගණක පර්යේෂකයින්ට පවා ස්ථිරව ප්‍රකාශ කළ නොහැකි වීමයි. නමුත් සිය D-Wave පරිගණකය මාස කිහිපයක් පරිහරණය කළ Google සමාගමෙහි විශ්වාසය මෙම යන්ත්‍රය ඉතාමත් ප්‍රයෝජනවත් එකක් වියහැකි බවයි.

D-Wave යන්ත්‍රය සමග Google සමාගම සිදුකරන පරීක්‍ෂණ පිළිබඳව සොයා බලන Harmut Neven මහතා පවසන්නේ, අනාගතයේදී, යාන්ත්‍රික ඉගෙනීම සැළකියයුතු ලෙස වර්ධනය වනු ඇති බවයි. (යාන්ත්‍රික ඉගෙනීම යනු ඡායාරූප හඳුනාගැනීම, පවසන වචන හඳුනාගැනීම, ස්වභාවික භාෂාව තේරුම්ගැනීම යනාදිය සඳහා පරිගණක විසින් භාවිතා කෙරෙන ක්‍රමවේදයයි. අනාගතයේ යම් දිනෙක සාමාන්‍ය දැනීම අනුකරණයට පවා අවශ්‍ය විශාල දත්ත ගොනු විශ්ලේෂණයට පරිගණක විසින් භාවිතා කෙරෙනු ඇත්තේ මෙම ක්‍රමයයි.)

සිය සමාගමේ අත්හදාබැලීම් විස්තර කරමින් මෑතකදී Google සමාගම විසින් නිකුත් කළ පර්යේෂණාත්මක පත්‍රිකාව සැකසීමේ දී ද සහය දැක්වූ Neven මහතා, D-Wave යන්ත්‍රය සැසඳුවේ 1903 වසරේ Kitty Hawkහිදී Wright සොයුරන් පියාසර කළ මුල්ම ගුවන් යානය සමගයි. එම යානය පොළොවෙන් ඉහළට එසවුණේ සුළු මොහොතකට පමණක් වුවද, එය විප්ලවයක ඇරඹුමක් විය. “ඔවුන්ගෙ යානය වාතය හරහා ප්‍රක්‍ෂේපණය වුණා,” ඔහු කීය. “ඒකයි මූලිකම දේ!”. ඒ අයුරින්ම, ඔහුට අනුව, සාම්ප්‍රදායික භෞතික විද්‍යා නියමයන් පරයා යමින් යම් යම් ගැටලු විසඳීමට D-Wave හට හැකිවී ඇත.

ඇතුළත කතාව

ක්වන්ටම් පරිගණකය පිළිබඳ අදහස මුලින්ම ඉදිරිපත් කළේ බ්‍රිතාන්‍ය ජාතික David Deutsch නැමැති භෞතික විද්‍යාඥයා ය. මෙම ලිපිය කියවීමට ඔබ භාවිත කරනා වර්ගයේ සාම්ප්‍රදායික පරිගණකයක දත්ත ගබඩාකිරීම සිදුවන්නේ කුඩා ට්‍රාන්සිස්ටර තුළ ය. ඕනෑම ට්‍රාන්සිස්ටරයක දත්ත ‘බිට්’ (bit) එකක් ගබඩා කළ හැක. ට්‍රාන්සිස්ටරය සක්‍රිය නම් එහි “1” ද, අක්‍රිය නම් එහි “0” ද ගබඩා වී ඇත. නමුත් Deutsch යෝජනා කළ යන්ත්‍රයේ දත්ත ගබඩා වන්නේ ක්වන්ටම් ක්‍රමවේදයකට අනුවය, හෙවත් ‘ක්‍යුබිට්’ (qubit) ලෙසය. ක්වන්ටම් යාන්ත්‍ර විද්‍යාවේ එන අධිස්ථාපන මූලධර්මයට පින් සිදුවන්නට, මෙම ක්‍යුබිට් එකක් තුළ “0”ක් සහ “1”ක් එකවිටම ගබඩා කොට තැබිය හැකිය. ඒ අයුරින් ක්‍යුබිට් දෙකකට අගයන් හතරක් එකවර රඳවාගත හැක (00, 01. 10 සහ 11). තව තවත් ක්‍යුබිට් එක්කිරීම මගින්, සෛද්ධාන්තිකව, ඔබට සාම්ප්‍රදායික පරිගණක වලට වඩා ඝාතීයව බලය වැඩිවන යන්ත්‍ර නිර්මාණය කළ හැකිය.[mks_pullquote align=”right” width=”300″ size=”24″ bg_color=”#323135″ txt_color=”#ffffff”]ක්වන්ටම් යාන්ත්‍ර විද්‍යාවේ එන අධිස්ථාපන මූලධර්මයට පින් සිදුවන්නට, මෙම ක්‍යුබිට් එකක් තුළ “0”ක් සහ “1”ක් එකවිටම ගබඩා කොට තැබිය හැකිය.[/mks_pullquote]

එය එක්වරම සිතාගැනීමට ඔබට අපහසු ද? සත්‍ය ලෙසම ක්‍රියා කරන ක්වන්ටම් පරිගණකයක් තැනීම ඊටත් වඩා අතිශය දුෂ්කර ය. මෙහි ඇති ගැටලුව නම් ඔබ ක්වන්ටම් පද්ධතියක් නිරීක්‍ෂණය කරන විට එය ප්‍රතිසංසක්ත (decohere) වීමයි. එනම් එක් අගයක් පමණක් ගබඩා කළ හැකි සාමාන්‍ය බිට් එකක් බවට හැරීමයි. අගයන් දෙකක් එකවිට ගබඩාකර තබාගතහැකි වුවද, අගයන් දෙකක් එකවර නිරූපණය කළ නොහැකි වීම  ප්‍රතිසංසක්ත වීමට හේතුවයි. එවිට එය තවදුරටත් ක්වන්ටම් පද්ධතියක් ලෙස ක්‍රියා නොකරයි.

2007 වර්ෂයේදී, කොලොම්බියානු සමාගමක් වන D-Wave සමාගම, බිට්-16 ක්වන්ටම් පරිගණකයකැයි හැඳින්වූ යන්ත්‍රයක් වෙළඳපොළට හඳුන්වා දුනි. එදා සිට අද දක්වා මෙම යන්ත්‍රය ක්‍යුබිට් 1000කටත් වඩා ඇති තත්ත්වයකට සංවර්ධනය වී ඇතැයි පැවසේ. නමුත් මෙම ප්‍රකාශ විවාදාත්මකය. D-Wave යනු “විශ්වීය ක්වන්ටම් පරිගණකයක්” නොවේ; එනම් සියළුම ආකාරයේ ගණනය කිරීම් සඳහා එය ගැලපෙන්නේ නැත. එය නිර්මාණය කර ඇත්තේ “සංයුක්තක ප්‍රශස්තීකරණ ගැටලු (combinatorial optimization problems)”—විකල්ප සිය දහස් ගණනක් ඇති විට ඒ සියල්ල අතරින් හොඳම විකල්පය තේරීමේ ගැටලු—මෙහෙයවීමටයි. එවන් ගැටලු විසඳීම මිනිස් ජාන විශ්ලේෂණයේ සිට යාන්ත්‍රික ඉගෙනීම දක්වාම ඇති සියලුම ක්‍ෂේත්‍ර වල කොටසකි. නමුදු තවමත් මෙම යන්ත්‍රයට එම ගැටලු සාම්ප්‍රදායික පරිගණක වලට වඩා හොඳින් විසඳිය හැකි බවට සාක්‍ෂියක් නොමැත.

d-wave_exterior

නවතම D-Wave නිමැවුම, D-Wave 2X, සතුව සුපිරි සන්නායක පරිපථ 1000ක් පමණ ඇත. යන්ත්‍රය තුළදී මෙම පරිපථ නිරපේක්‍ෂ ශුන්‍යයට ඉතා ආසන්න උෂ්ණත්වයක් දක්වා සිසිල් කෙරේ. එම උෂ්ණත්වයේදී, පරිපථ ක්වන්ටම් අවස්ථාවකට පත්වන අතර එවිට පරිපථ හරහා දක්‍ෂිණාවර්තව සහ වාමාවර්තව එකම අවස්ථාවක විදුලිය ගමන් කරයි. එවිට යන්ත්‍රය මෙම ක්‍යුබිට මගින් යම් යම් ගණනය කිරීම් සිදුකිරීමට විවිධාකාර ඇල්ගොරිතම භාවිතා කරයි. මූලිකවම, මෙම ඇල්ගොරිතම අදාළ ගණනය කිරීම් සම්පූර්ණ කරන්නේ, පද්ධතිය එහි පරිපථ වල උෂ්ණත්වය කෙමෙන් කෙමෙන් ඉහළ නංවද්දී කිසියම් අවස්ථාවකදී යම් පරිපථ ප්‍රමාණයක් එක් අගයක් ලබාගැනීමේ සම්භාවිතාව තීරණය කිරීමෙනි.[mks_pullquote align=”left” width=”300″ size=”24″ bg_color=”#323135″ txt_color=”#ffffff”]යන්ත්‍රය තුළදී මෙම පරිපථ නිරපේක්‍ෂ ශුන්‍යයට ඉතා ආසන්න උෂ්ණත්වයක් දක්වා සිසිල් කෙරේ. එම උෂ්ණත්වයේදී, පරිපථ ක්වන්ටම් අවස්ථාවකට පත්වන අතර එවිට පරිපථ හරහා දක්‍ෂිණාවර්තව සහ වාමාවර්තව එකම අවස්ථාවක විදුලිය ගමන් කරයි.[/mks_pullquote]

මෙහි අරමුණ ක්වන්ටම් මෘදුකරණය (quantum annealing) නම් තත්ත්වය උදාකර ගැනීමයි. මෙය සාම්ප්‍රදායික මවාපෑම් මෘදුකරණය (simulated annealing) නම් සාමාන්‍ය අවස්ථාව අභිබවා ගිය තත්ත්වයකි. මවාපෑම් මෘදුකරණය (simulated annealing) යනු ගණිතමය විසඳුමක් සෙවීමේ එක්තරා ක්‍රමයකි. එය කඳු පන්ති වලින් සමන්විත වූ විශාල ප්‍රදේශයක පහතම ලක්‍ෂ්‍යය සෙවීම වැනි කාර්යයකි. එය සිදුකිරීමට ඔබට ගැඹුරුම නිම්නය හමුවන තුරු, කඳු නගිමින් බහිමින් ගමන්කිරීමට සිදුවේ. නමුත් ක්වන්ටම් මෘදුකරණය (quantum annealing) සමගින්, ඔබට කඳු හරහා ගමන්කරමින් එම නිම්නය සොයාගත හැක—සෛද්ධාන්තිකව.

“සාම්ප්‍රදායික පද්ධති වල ඔයාට ලැබෙන්නෙ එක් පිටවීමේ මාර්ගයක් විතරයි. ඔයා ඊළඟ කන්දත් නැගලා ඒක බැස්සම තමයි දැන් ඉන්න තැනින් පිටවෙන්න පුළුවන්,” Neven කියයි, “ඒත් ක්වන්ටම් යාන්ත්‍රණයට පුළුවන් ඔයාට තව පිටවීමේ මාර්ගයක් හදලා දෙන්න. ඒ තමයි කඳු ගැටය හරහා—බාධකය හරහා ගමන් කිරීම.”

කාලයක් යනතුරු පර්යේෂකයින්ට තිබූ ගැටලුවක් වූයේ D-Wave හට සත්‍ය ලෙසම ක්වන්ටම් මෘදුකරණය සිදුකළ හැකිද යන්නයි. නමුත් දැන් Google හට ඒ ගැන සැකයක් නොමැත; අන් අයද එය ස්ථිර කරයි. “ක්වන්ටම් මෘදුකරණය කියන ක්‍රියාවලිය සිදුවෙන බවට අපිට හොඳ—ශක්තිමත්—සාක්‍ෂි ලැබිලා තියෙනවා,” Lidar කියයි. “ඇත්තටම ක්වන්ටම් ශක්තීන් වැඩකරන බවට සහ ඒවා අර්ථාන්විත පරිගණන කාර්යයක් ඉටුකරන බවට අපට දැන් තියෙන සැකය ඉතාමත් අල්පයි.” ඇතැම් අවස්ථා වලදී, Google පවසන පරිදි, මෙම ක්වන්ටම් මෘදුකරණයට සාම්ප්‍රදායික තනි-හර ප්‍රොසෙසරයක (single-core processor)  මවාපෑම් මෘදුකරණය අභිබවනය කළහැකි අතර, 108 ගුණයක වැඩි වේගයකින් ගණනය කිරීම් සිදුකළ හැක. නමුත් ඔබ හමුවේ ඇත්තේ පොඩි කඳුගැට ගණනක් නම්, ක්වන්ටම් සහ මවාපෑම් මෘදුකරණ දෙකෙහි විශාල වෙනසක් ඔබට නොපෙනෙනු ඇත.

ක්වන්ටම් නියුරෝනමය දැල්

නියුරෝනමය ජාල ලෙස මෙහි හැඳින්වෙන්නේ මිනිස් මොළයේ ඇති නියුරෝන ජාලය අනුකරණය කරමින් ක්‍රියා කරන අතිවිශාල පරිගණක ජාල යි. බල්ලෙකුගේ ප්‍රමාණවත් ඡායාරූප ගණනක් ලබාදුනහොත්, ඉන්පසුව එම බල්ලාව හඳුනාගැනීමට මෙම නියුරෝනමය  දැල් වලට ඉගෙනගත හැක. ප්‍රමාණවත් දෙබස් ගණනක් ලබාදුනහොත්, කතාබහක් දිගටම පවත්වාගෙන යාමට මේවාට ඉගෙනගත හැක. මේවා හුදෙක් සංකල්ප පමණක් නොවේ. Google searching, Siri, Facebook photo tagging වැනි සේවා පරිහරණය කර ඇති ඔබට එය යම් දුරකට වැටහෙනු ඇත. එවන් ඉහළ දැනුම් මට්ටමකට ළඟාවීමට අවශ්‍ය ශක්තිය D-Wave සතුවන බව Neven ගේ විශ්වාසයයි. ක්වන්ටම් මෘදුකරණය සමගින් නියුරෝනමය ජාල වලට දැනට වඩා අතිශය විශාල දත්ත ප්‍රමාණයක් ඉතා කුඩා කාලයකදී විශ්ලේෂණය කළ හැකිවනු ඇත.

එවන් පද්ධතියක් නිමවීමට දිගු කලක් ගතවේවි. එය ගැටලුවක් වියයුතු නැත. සාර්ථක ජෙට්ලයිනර් යානයක් ගොඩනැඟුනෙ Kitty Hawk හිදී වූ පළමු ගුවන් ගමනින් කොපමණ පසුවද!

මූලාශ්‍ර: WIRED

iHelmet වෙනුවෙන් ගනිඳු හට ඇමරිකානු ඩොලර් 500,000ක ජයක්!

ගනිඳු නානායක්කාර යනු නව නිර්මාණ ශිල්පියෙකු සහ මෘදුකාංග ඉංජිනේරුවරයෙකි. SLIIT ආයතනයේ ඉගෙනුම ලබා ඇති මහු ආදි ආනන්දීයයෙකු ද වේ. මෙම වසරේ Verizon ආයතනය මගින් පැවැත්වූ Powerful Answers තරඟයේ ප්‍රවාහන අංශයේ දෙවන ස්ථානය ලබාගැනීමට ගනිඳුගේ iHelmet නිර්මාණයට හැකිවූ අතර, ඔහුට හිමිවූ ජයග්‍රාහී ත්‍යාග මුදල ඇමරිකානු ඩොලර් 500,000ක් විය.

Powerful Answers යනු Verizon ආයතනය විසින් සංවිධානය කරනු ලබන තරඟාවලියකි. මෙය ප්‍රධාන අංශ තුනක් (Transportation, Emergency Response සහ Internet of Things) යටතේ පැවැත්වෙන අතර එක් අංශයකින් ජයග්‍රාහකයින් 4 දෙනෙක් තෝරාගනු ලැබේ. ප්‍රථමයාට ඇමරිකානු ඩොලර් 1,000,000ක් ද, දෙවැනියාට ඇමරිකානු ඩොලර් 500,000ක් ද, ඉතිරි දෙදෙනාට ඇමරිකානු ඩොලර් 250,000 බැගින් ද ත්‍යාග මුදල් හිමිවේ. මෙවර මෙම තරඟය සඳහා 1,400කට අධික තරඟකරුවන් සහභාගී වූ අතර අවසන් සම්මාන ප්‍රදානය පසුගිය දෙසැම්බර් 9 වන දා සැන් ෆ්‍රැන්සිස්කෝ නුවරදී පැවැත්වුණි.

iHelmet (intelligentHelmet) සතුව විශේෂාංග ගණනාවක් ඇත. මෙම විශේෂිත හිස්වැස්ම පාලනය කිරීමට ගනිඳු ඉදිරිපත් කරන්නේ Android අයදුමකි. හිස්වැස්මේ ඇති උපාංගය නිරතුරුව සංවේදනය කරගන්නා දත්ත ජංගම දුරකථනයට සම්ප්‍රේෂණය වන්නේ බ්ලූටූත් සංඥා ඇසුරෙනි. ඊට අමතරව හුරුබුහුටි දුරස්ථ-පාලකයක් ද මේ සමග ලැබෙන අතර ස්මාට්ෆෝන් භාවිතය නුපුරුදු අයට එය පහසුවක් වනු ඇත. iPhone පරිශීලකයින් හට ද iHelmet භාවිත කිරීමේ පහසුකම නුදුරු දිනෙකම හඳුන්වාදෙනු ඇතැයි අපි උදක්ම අපේක්‍ෂා කරමු.

iHelmet

සේයාරුව: http://recode.net

[mks_pullquote align=”right” width=”300″ size=”20″ bg_color=”#000000″ txt_color=”#ffffff”]මේ උපකරණය හා Android අයදුම සමඟ හිස්වැස්මක මිල $115ක් පමණ වන අතර උපකරණය හා Android අයදුම පමණක් $75ක මුදලකට අලෙවි කිරීමට නියමිතයි.[/mks_pullquote]යතුරුපැදි අනතුරු වලින් නිමක් නැති රටක් වන අපට මෙය ඉතාමත් ප්‍රයෝජනවත් උපාංගයක් වනු ඇත. මෙවන් නව නිර්මාණ ශ්‍රී ලංකාව කොතෙකුත් බිහිවුවද අපගේ අවාසනාවට මෙන් එයින් වෙළඳපලට එක්වන්නේ ඉතාම අතළොස්සකි. මෙයට විවිධ හේතු තිබුණද, රජය සහ මහජනයා මෙම නිමැවුම් වෙත යොමන අඩු අවධානය එයට ප්‍රධාන හේතුවකි. TechWire අපගේ පැතුම කිසියම් අනුග්‍රාහක භවතෙකුගේ මැදිහත්වීමකින් මෙම ප්‍රයෝජනවත් හිස්වැස්ම, සාමාන්‍ය ජනයාට ආර්ථිකමයව පහසුදායක අයුරකින්, වෙළඳ භාණ්ඩයක් ලෙස ඉක්මණින්ම අප අතරට පැමිණේවා කියා ය.

Powerful Answers Awards 2015 තරඟයේ ජයග්‍රාහකයන් පහත පරිදිය.

[mks_tabs nav=”horizontal”]
[mks_tab_item title=”ආපදා කළමණාකරණය”]

$1,000,000 – Bounce Imaging

$500,000 – EmergenSee®

$250,000 – Disaster Mesh, Lifeguard Drone
[/mks_tab_item]
[mks_tab_item title=”අන්තර්ජාල සේවා”]

$1,000,000 – Zizmos Technology

$500,000 – CityTaps

$250,000 – Owlet, Smart Barn
[/mks_tab_item]
[mks_tab_item title=”ප්‍රවාහන”]

$1,000,000 – Pogo

$500,000 – iHelmet

$250,000 – i4drive, Swiftmile
[/mks_tab_item]
[/mks_tabs]

Learn a language for free. Forever!

Introduction

“Bonjour! Comment ça va?” It means “Good morning! How are you doing?” in French. 😀 Do you want to learn French or some other language too? In this article, I am going to let you guys know about an incredible app that you can learn languages very effectively for FREE! 😀 That’s right. No payment at all and also no hustle with irritating ads and all too.

I have tried similar language learning apps but I couldn’t find an app as good as the Duolingo app. It is highly effective and as well as it is completely free. So let’s see what is this app and what it offers you, shall we? 🙂

aa

The Company

We believe everyone should have access to education of the highest quality – for free.

This is what the company believe. And this is what I believe in too. Education must be free for everyone. Because we don’t know what anyone could come up with for the betterment of this world. Either it can be from rich or from poor. If the education limited to the rich, then we might miss more than half of the innovations. History proves it with numerous examples. Having that in mind, we’ll see who invented The Duolingo Company.

Union Square Ventures

New Enterprise Associates

Ashton Kutcher

Kleiner Perkins Caufield & Byers

Tim Ferriss

Google Capital

The Effectiveness

According to the Duolingo official website, the City University of New York and the University of South Carolina has conducted an Independent Study and found that average 34 hours of Duolingo are equivalent to a full university semester of language education. Isn’t that great! 😀

bb

How Does it Work?

Duolingo provides various lessons in various skill levels. You can upgrade your skill by completing each levels. Each lesson includes a variety of speaking, listening, translation, and multiple choice challenges. You can instantly see whether your answer is correct or not. When you miss a challenge, the Duolingo will show you how to improve your skills. Steak Count motivates you to stay on track by recording how many days in a row you spend learning a language.

Where can you Learn?

Almost anywhere you like. 😀 On your mobile, you can download the app using these links according to your OS your mobile operates.

Android: https://play.google.com/store/apps/details?id=com.duolingo

Apple: https://itunes.apple.com/app/duolingo-learn-spanish-french/id570060128?mt=8

Windows: https://www.microsoft.com/store/apps/duolingo-learn-languages-for-free/9wzdncrcv5xn

Also you can use your PC web browser if you like too. https://www.duolingo.com/

 

I hope you get started learning a new language. Learning never ends. Learn anything and everything you can. If it is free, it’s even better. 😀

Adios amigos! ~ Happy reading!

cc

Tag Heuer connected smart watch

The leading Swiss luxury watch maker Tag Heuer has recently entered the smart watch market. Few days back Tag Heuer has unveiled its first Android Wear device called Connected for 1500$. This device is inspired by their leading mechanical watch brand “Carrera”, and this Connected wearable device has a 1.5inch round LTPS LCD screen with 360 X 360 resolution (240PPI). It’s powered by a 1.6GHz dual core Intel processor which is normally operates at 500MHz, 1GB RAM and 4GB internal storage. This connected device has a 400mAh battery, Tag Heuer says this battery can hold up to 25 hours or normal usage. Unlike other wearable devices This Tag Connected watch comes with 46mm diameter grade 2 titanium watch face and the company has included seven wrist band colors plus it is IP67 certified for water resistance.

Tag Heuer connected 2

Tag Heuer offered another amazing option for the buyers. As a watch maker Tag Heuer knows normally a smart watch will outdate within two years so they have decided trade your smart watch with a mechanical TAG Heuer Carrera watch if you are willing to pay extra 1500$ for them. So if you are a Tag fan, first you can test the smart watch if you don’t like it you can trade it with your favorite Carrera watch.

Tag Heuer connected 1