TechWire

Category - Mobile

අධ්‍යාපනික කටයුතු සදහා උපකාරී වන මෘදුකාංග

education

තාක්ෂණය අද වන විට ලෝකයේ සෑම කාර්යයක් සදහා උපයෝගී කර ගනියි. එනම් මේ වන විට ලෝකයේ බොහොමයක් මිනිසුන් තම එදිනෙදා වැඩ කටයුතු පහසු කර ගැනීම සදහා තාක්ෂණය උපයෝගී කර ගැනීමට පෙළඹී තිබේ. ඒ සදහා උපයෝගී කරගන්නා තාක්ෂණික මෙවලම් අතරින් බොහෝදෙනෙක් භාවිතා කරන සහ පහසුම තාක්ෂණික මෙවලම වන්නේ ස්මාර්ට් ජංගම දුරකථනය වේ. ස්මාර්ට් ජංගම දුරකථනය භාවිතා කිරීමේ ඇති පහසුව සහ එහි ඇති විශේෂාංග නිසාම වයස් භේදයකින් තොරව බොහෝදෙනෙක් එය භාවිතා කිරීමට පෙළඹී ඇත.

ඉගෙන ගන්නා බොහොමයක් පිරිස අතර ස්මාර්ට් ජංගම දුරකථනය ඇති අතර ස්මාර්ට් ජංගම දුරකථනය තම ඉගෙනීමේ කටයුතු සදහා යොදාගැනීමට හැකිද යන්න බොහෝ දෙනා නොදන්නා කාරණයකි. එනම් මේ වන විට ඉගෙනීමේ වැඩ කටයුතු පහසු කර ගැනීම සදහා විවිධ මෘදුකාංග නිපදවා ඇත. එනම්  Forest App, EverNote App , Solo Learn App , Google(Google Docs, Google sheets, Google Keep, etc) , Todait App යනු අධ්‍යාපනය යන කාණ්ඩයෙන් නිපදවා ඇති ඒ සදහා විශේෂ පහසුකම් සපයන මෘදුකාංග වේ.

Forest App

මේ වන විට මෙම ස්මාර්ට් ජංගම දුරකථන සහ එහි ඇති මෘදුකාංග වල විශේෂාංග නිසාම බොහෝ පිරිසක් ඒ සදහා ඇබ්බැහි වී ඇත. උදාහරණයක් වශයෙන් මේ වන විට සමාජ මාධ්‍ය ජාල  බොහෝ දෙනෙක් භාවිතා කරන අතර ඒ සදහා වැඩි පිරිසක් ඇබ්බැහි වී ඇත. විශේෂයෙන් ඉගෙන ගන්නා බොහොමයක් පිරිස තම අධ්‍යාපන කටයුතු වල යෙදෙන විටත් තම ජංගම දුරකථනය භාවිතා කිරීමට පුරුදු වී ඇති නිසා තමාගේ අධ්‍යාපන කටයුතු සදහා මනස හරියාකාරව යොදාගැනීමට නොහැකි වීම බොහෝ පිරිසකට ඇති ගැටළුවකි. මෙම Forest නම් මෘදුකාංගය එම ගැටළුව මැඩපවත්වා ගැනීම සදහා උපයෝගී කල හැකි මෘදුකාංගයකි.

එනම් අධ්‍යාපන වැඩ කටයුතු වල යෙදීමට පෙර ඒ සදහා අදාළ කාලය නම් කල හැකි අතර ඒ අදාල කාලය තුළ එම මෘදුකාංගය තුලින් කාලයට අදාලව පැළයක් පැල වේ. එසේම මෙම කාලය තුල වෙනත් මෘදුකාංගයක් භාවිතා කිරීමට ගිය විට තමාගේ පැළය මිය යා හැකිය නම් දැනුම් දීමක් එම මෘදුකාංගය හරහා අප වෙත ලැබේ. මෙම දැනුම් දීම නිසා තමාගේ මනස එක්තරා ආකාරයකට වැඩ කටයුතු සදහා මනස හරියාකාරව යොදාගැනීමට හැකි වීම මෙහි ඇති විශේෂ විශේෂාංගය වේ. එසේම මෙහි Forest නම් විශේෂාංගයක් ඇති අතර එමගින්  අදාල දවසට, සතියට, මාසයට හෝ වසරකට කෙසේ පැළ සිටවා ඇත්ද යන්න අපට දැක ගත හැක. එනම් එයින් අප අපගේ කාලය කෙසේ යොදාගත්තේද යන්න නිගමනය කල හැක.

EverNote App

EverNote App යනු සරලවම Note Book සදහා යොදාගන්නා මෘදුකාංගයකි. නමුත් මෙහි ඇති විශේෂාංග නිසාම සාමාන්‍ය Note Book මෘදුකාංග වලට වඩා විශේෂිත වන අතර මෙය ඉගෙන ගන්නා ළමුන්ට සරිලන ආකාරයේ මෘදුකාංගයකි.

මෙහි සටහනක් දැමීමේදී  මෙහි ඇති විශේෂාංග යොදාගනිමින් එය අපට අවශ්‍ය ආකාරයට සකස් කරගත හැක. එනම් මෙහි අපට අපගේ අත් අකුරින්ද මගින්ද අපට අවශ්‍ය සටහනක්  සකස් කර ගත හැක. එසේම මෙහි සටහනක්  සකස් කර ගන්නා විට අපගේ ජංගම දුරකථනයේ ඇති Image, Video හෝ Audio ගොනු අපට එකතු කර ගත හැකිය. එසේම මෙහි කැමරාව භාවිතා කරමින් සටහනක් සකස් කරගන්නා විට අපට අවශ්‍ය පින්තුර ලබාගෙන එයට එකතු කරගත හැක. එසේම මෙම මෘදුකාංගයේ අප සටහනක්  දැමීමේදී එහි අපට බොහෝ අවස්ථා වලට සරිලන ආකාරයේ අච්චු (Template) ඇති අතර අපට අවශ්‍ය ආකාරයටද අච්චු සාදා ගත හැක.

Solo Learn App

මෙය විශේෂයෙන් තොරතුරැ තාක්ෂණය ඉගෙන ගන්නා ළමුන් සදහා විශේෂිත ජංගම දුරකථන මෘදුකාංගයකි. එසේම මෙය අපට අවශ්‍ය ඕනෑම ස්ථානයක මෙය භාවිතා කල හැක.

එනම් මෙහි පරිගණක භාෂා සහ ඒවා භාවිතා කිරීමේදී අප යොදාගන්නා විශේෂ සංකල්ප පිළිබද තොරතුරු නිබන්ධන ආකාරයට ඇත. එසේම මෙහි බොහෝ පරිගණක භාෂා පාඨමාලා ආකාරයට ඇති අතර එය අවසන් වූ පසු Solo Learn මගින් සහතිකයක්ද ලබාදේ. එසේම මෙහි ඇති පාඨමාලා කරමින් ඉදිරියට යන විට මෘදුකාංගය මගින් මට්ටම් (level) ලබා දීමක් සිදු කරයි. අපගේ යහළුවන් මෙම මෘදුකාංගය භාවිතා භාවිතා කරන්නේනම් අපට ඔවුන්ව එකතු කර ගත හැකි අතර එහි ඇති අභියෝග (Challenges) ඔවුන් සමග කිරීමට හැක.

Google

Google යනු අප සැවොම දන්නා සමාගමක් වන අතර එය මගින් දෙන බොහෝ විශේෂාංග අප මේ වන විටත් භාවිතා කර ඇත. එසේම Google මගින් ඉගෙන ගන්නා ළමුන් සදහා අධ්‍යාපනික කාණ්ඩය යටතේ විවිධ අවස්ථා වලට අනුකුලව ස්මාර්ට් ජංගම දුරකථන සදහා මෘදුකාංග සකස් කර ඇත.

Google මගින් ලබාදෙන විශේෂිත මෘදුකාංග කිහිපයක් පිළිබද කෙටියෙන්,

Google Docs

අපගේ ලිපි ලේඛන සකස් කිරීම සදහා සුවිශේෂ විශේෂාංග සමග Google Docs මෘදුකාංගය ස්මාර්ට් ජංගම දුරකථන සදහා හදුන්වා දී ඇත. 

Google Slides

Slides සාදාගැනීම සදහා හෝ එය සංස්කරණය කිරීම සදහා Google මගින් මෙම Google Slides නම් මෘදුකාංගය හදුන්වා දී ඇත.

Google Drive

අපගේ ලිපි ලේඛන, Video, Audio හෝ ව්‍යාපෘති ගොනු ආරක්ෂා සහිතව සුරක්ෂිතව තබා ගැනීම සදහා Google මගින් Google Drive හදුන්වා දී ඇති අතර එය ජංගම දුරකථන සදහාද භාවිතා කල හැක.

Google Chrome

අප ඉගෙන ගැනීමේදී අනත්රජාලය සමග සම්බන්ධ වී විවිධ නිබන්ධන , විවිධ පරීක්ෂණ වැඩි දුර අධ්‍යනය කරන අතර ඒ සදහා එනම්, විවිධ දේ සොයා යාම සදහා Google මගින් ලබා දී ඇති Browser එක වන්නේ Google Chrome වේ.

Google Keep – Notes and Lists

Google මගින් සටහන් සකස් කිරීම සදහා සුවිශේෂ විශේෂාංග සහිතව හදුන්වා දුන් මෘදුකාංගය Google Keep නම් වේ.

Todait App

Todait App යනු  සරලවම අපගේ දවස පහසුවෙන් සැලසුම්  කිරීමට යොදාගත හැකි මෘදුකාංගයකි. පාසල් ළමුන්ට සහ ඉගෙනීමේ යෙදෙන බොහෝදෙනෙකුට ඇති ප්‍රශ්නයක් වන්නේ දවස පටන් ගන්නා ආකාරය සහ එම දවස තුල තමාගේ කාර්යයන් හරියාකාරව සැලසුම් කර ගැනීමට නොහැකි වීමයි. නමුත් මෙම මෘදුකාංගය භාවිතා කිරීමෙන් පහසුවෙන් තමාගේ දවස සැලසුම් කල හැක.

එසේම මෙම මෘදුකාංගය වර්ණවත් අතුරුමුහුණතකින් සමන්විත වන අතර දවස අවසානයේ අපගේ වැඩපිලි වල පිළිබද පැහැදිලි වාර්තාවක් ලබා ගත හැක. මෙම මෘදුකාංගය මගින්ද අපගේ ඉගෙනීමේ කටයුතු පිළිබද ලැබෙන වාර්තාවක් සමග යම්කිසි ආකරයකට ඉගෙනීම සදහා මනස පාලනය කර ගැනීමට උපකාරීවේ.

iPhone 11, iPhone 11 Pro සහ Pro Max

iPhone 11 Featured image

2019 සැප්තැම්බර් 20 වන දින Apple සමාගම විසින් ඔවුන්ගේ නවතම iPhone 11, smart phones මාලාව ලෙස iPhone 11, iPhone 11 Pro සහ iPhone 11 Pro Max ලෙස smart phones තුනක් හඳුන්වා දෙන ලදී. iPhone XR හි ඊළඟ අනුවාදය ලෙස iPhone 11 මෙන්ම iPhone XS සහ XS Max හි ඊළඟ අනුවාද ලෙස iPhone 11 Pro සහ Pro Max ද හදුන්වා දී ඇත. iPad සහ Mac සඳහා තිබූ Pro නාමය මෙවර iPhone 11 සඳහා ද භාවිත කර තිබීම විශේෂත්වයකි. iPhone 11 හි මිල $699 සිට ඉහලට මෙන්ම iPhone 11 Pro සහ Pro Max හි මිල පිලිවෙලින් $999 සහ $1099 සිට ඉහලට වේ.

iPhone 11 Image 1

නිමාව

iPhone 11 හි පිටුපස දිලිසෙන සුළු වීදුරු මුහුණතක් සහ වටේ දාරය ඇලුමිනියම් ලෝහයෙන් නිපදවා ඇත. මෙය කළු, කහ, සුදු, රතු, දම් සහ කොල ලෙස වර්ණ හයකින් හදුන්වාදී ඇත. iPhone 11 Pro සහ Pro Max දෙකෙහිම පිටුපස නොදිලිසෙන (matte) වීදුරු මුහුණතක් සහ වටේ දාරය ශක්තිමත් වානේ වලින් නිපදවා ඇත. මෙය Midnight Green, Space Gray, Silver and Gold ලෙස වර්ණ හතරකින් හඳුන්වා දී ඇත.

iPhone 11, iPhone 11 Pro සහ iPhone 11 Pro Max තුනෙහිම Camera ප්‍රදේශය තරමක් ඉදිරියට නෙරා ආ ස්වභාවයකින් යුක්තවේ. පෙර පරිදිම ඉදිරිපස පුර්ණ තිරයක් සහ ඉහල කොටසේ Notch එක පිහිටා ඇති අතර Headphones port එකක් නැත. එමෙන්ම දුහුවිලි සහ ජල ප්‍රතිරෝධී වේ.

තිරය

iPhone 11 හි අඟල් 6.1 ක Liquid Retina HD LCD තිරයකින් සමන්විත වන අතර 1792 x 828 ක පික්සල් විභේදනයක් ඇත. iPhone 11 Pro හි අඟල් 5.8 ක Super Retina XDR OLED, 2436 x 1125 ක් පික්සල් විභේදනයක් සහිත තිරයකින් සමන්විත වේ. iPhone 11 Pro Max හි අඟල් 6.5 ක Super Retina XDR OLED තිරයක් අඩංගු වන අතර 2688 x 1242 ක පික්සල් විභේදනයකින් යුක්ත වේ.

සාපේක්ෂව iPhone 11 හි තිරයට වඩා අතිශය සුපැහැදිලි සහ ආලෝකමත් තිරයක් iPhone 11 Pro සහ iPhone 11 Pro Max සඳහා ඇත. තවද පෙර පැවති 3D Touch නොහොත් ස්පර්ශ පීඩනයට සංවේදී තිරයක් වෙනුවට Haptic Touch නොහොත් තිරය ස්පර්ශ කරගෙන සිටින කාලය අනුව ක්‍රියාකිරීමට තිරය නිර්මාණය කර ඇත.

කැමරා

කැමරාවෙහි පැහැදිලි වෙනසක් දැක ගැනීමට හැක. iPhone 11 හි කැමරා දෙකක් ඇත. ඉන් එකක් මෙගා පික්සල් 12ක wide angle lense කැමරාව වන අතර අනෙක මෙගා පික්සල් 12 ක ultra wide angle lense කැමරාව වේ. මෙමගින් අංශක 120ක ද්‍රශ්‍ය පරාසයක් ලබා දෙන අතර එමගින් පෙරට වඩා පුළුල් ප්‍රදේශයක් කැමරා කාචයට ග්‍රහණය කරගැනීමට හැකිවේ. මෙම ද්විත්ව කැමරා පද්ධතිය මගින් 2x optical zoom හැකියාවද ලැබී ඇත.

එමෙන්ම  iPhone 11 Pro සහ iPhone 11 Pro Max සඳහා ඉහත සඳහන් කල කැමරා දෙකට අමතරව තෙවන කැමරාවක් ලෙස මෙගා පික්සල් 12 ක telephoto lense එකක්ද අඩංගු වේ. මෙය වඩාත් ආලෝකයට සංවේදී වන අතර පෙරට වඩා වඩාත් කාර්යක්ෂමව ක්‍රියා කරයි. මෙම තෙවන කැමරාව portrait ජායාරුප ගැනීමට උපකාරී වේ.

තවද අලුතෙන් හදුන්වා දෙන Night Mode විශේෂාංගය මගින් අඩු ආලෝකයේ වඩාත් පැහැදිලි ජායාරුප ලබාගැනීමට හැකියාව ඇත. Quick Take විශේෂාංගය මගින් රූපගතකිරීමක් අතර තුර ජායාරුප ලබාගැනීමට හැකියාව ඇත. 4K රුගත කිරීම් කිරීමේ හැකියාවද මෙම කැමරා පද්ධති මගින් ලැබී ඇත.

එමෙන්ම iPhone 11, iPhone 11 Pro සහ Pro Max තුනෙහිම මෙගා පික්සල් 12ක ඉදිරිපස කැමරාවක් අඩංගුවේ. මෙහි විශේෂත්වය නම්, තත්පරයට රාමු 60ක සංඛ්‍යාතයෙන් 4K රුගත කිරීම් කිරීමේ හැකියාව ඉදිරිපස කැමරා වලටද ඇත. එමෙන්ම slow-motion රුගත කිරීමේ හැකියාවද මෙයට අඩංගු වේ. එය Slofie ලෙස නම්කොට ඇත.

iPhone 11 Image 4

Performance

Apple සමාගම විසින් හදුන්වාදුන් නවතම A13 Bionic processor, iPhone 11, iPhone 11 Pro සහ Pro Max තුනෙහිම අන්තර්ගත කොට ඇත. මෙමගින් පෙරට වඩා 20%ක කාර්යක්ෂමතාවක් ලැබෙන අතර ශක්ති පරිභෝජනය 40% කින් අවම වන බව සඳහන් වේ. මෙම තුනම 64GB, 256GB සහ 512GB ලෙස මතක ධාරිතා ප්‍රමාණ තුනකින් මිලදී ගත හැක.

එමෙන්ම බැටරි ආයු කාලය පෙරට වඩා වැඩි දියුණු කර ඇත. ආසන්න වශයෙන් පැය 11 පමණ ක්‍රියා කරවීමට හැකියාව ඇත. iPhone 11, iPhone 11 Pro සහ Pro Max තුනෙහිම fast charging විශේෂාංගය ඇති අතර iPhone 11 Pro සහ Pro Max සඳහා වොට් 18 ක fast charger එකක් ලැබෙන අතර iPhone 11 සඳහා fast charger එක වෙනම මිලදී ගැනීමට සිදුවේ.

iPhone XR, iPhone XS සහ XS Max තුනට සාපේක්ෂව iPhone 11, iPhone 11 Pro සහ Pro Max හි යම් දියුණුවක් දක්නට හැක. මෙහි වාසි මෙන්ම අවාසිද නැතුවාම නොවේ. කෙසේ නමුත් මුදලට සරිලන වටිනාකමක් තිබේද නැද්ද යන තීරණය ඔබ සතුය. නැවතත් මෙවැනි තාක්ෂණික පුවතකින් හමුවෙමු.

Android සංස්කරණයන් නාමකරණයේ මෙතෙක් පැවති ක්‍රමය Android 10 සමග නිමාවේ

Android වල ආරම්භයේ සිටම ඉංග්‍රීසි හෝඩියේ අකුරු තිබෙන පිළිවෙලට සෑම Android සංස්කරණයක්ම හැඳින්වීම සඳහා අතුරුපසක නමක් යොදාගත් සංස්කෘතිය නිමා කිරීමට Google සමාගම තීරණය කර ඇත. එනම් Android Q වල සිට අවුරුදු 10ක එම සංස්කෘතිය නිමා කරමින් Android Q සංස්කරණය  Android 10 ලෙස Google සමාගම විසින් ප්‍රකාශ කර ඇත. මෙසේ නම් කිරීමට හේතුව වී තිබෙන්නේ, Android මෙහෙයුම් පද්ධතිය මේ වන විට ලෝකය පුරාම භාවිතා වන මෙය operating system එකක් වන සහ එවිට ඒ සදහා අතුරුපස වල නම් භාවිතා කිරීමේදී එම අතුරුපසෙහි නම් සියලු දෙනාම නොදන්නා බැවින්, සියළුදෙනා හට පහසුවෙන් තේරුම් ගත හැකි බැවින් නිසාය.

එසේම මීට අමතරව 2014 වර්ෂයෙන් පසුව Android Logo එක නැවත වරක් වෙනස් කිරීමට මෙම වසරේ කටයුතු කර ඇත. එනම් කොළ වර්ණය, Android Robot ගේ හැඩය මෙන්ම අකුරු වල වර්ණය ද මෙසේ වෙනස් කිරීමට කටයුතු කර ඇත.

එසේම Android 10 මෙහෙයුම් පද්ධතිය  නිල වශයෙන් සැප්තැම්බර් 3 සිට Pixel දුරකථන සදහා ලබා දෙන අතර  එතැන් පටන් අනිකුත් ස්මාර්ට් ජංගම දුරකථන සදහා ලබාදීමට කටයුතු කරන බව තව දුරටත් වාර්තා වී ඇත.

මේ වන විට Android 10 පිළිබද දන්නා කරුණු

Android Q එනම් Android 10 හි beta Version කිහිපයක්ම මීට පෙර Android ස්මාර්ට් ජංගම දුරකථන සදහා ලබා දී ඇති අතර එහිදී එහි නවතම විශේෂාංග, යවත්කාලිනයන් අත්හදා බලා ඇත. එනම් මේ වන විට Android 10 සමග නව විශේෂාංග කිහිපයක් පැමිණීමට ඇත. එනම් 5G තාක්ෂණය, Live Captions, Smart Reply, WI-FI තාක්ෂණය QR Codes සමඟ, Bubbles දැනුම්දීම් විශේෂාංගය, ආරක්ෂාව සහ පෞද්ගලිකත්ව විශේෂාංග, Dark Theme  එසේම වඩාත් දියුණු වූ වඩා හොඳ දැනුම්දීම් පාලනයන් ඒ අතර වේ.

විශේෂාංග කිහිපයක් කෙටියෙන්

Bubbles දැනුම්දීම් විශේෂාංගය

ඔබ මේ වන විට Facebook Messenger හි Chat Head විශේෂාංගය භාවිතා කර තිබේද? මේ වන විටත් ඔබ තවම එය භාවිතා කරනවාද? එසේනම් Android හි එන Bubbles දැනුම්දීම් විශේෂාංගය සදහාද ඔබ වඩාත් කැමති වේ. එනම් දැනුම් දීමේ ක්‍රමයක් ලෙස එය භාවිතා කිරීමට  අවශ්‍ය සෑම මෘදුකාංගයක් සදහා අනුමැතිය ලබාදීමෙන් එම විශේෂාංගය භාවිතා කල හැක.

WI-FI තාක්ෂණය QR Codes සමඟ

බොහෝ විට තම  WI-FI ජාලයේ හි ඇති රහස්පදය තම යහළුවෙකුට හෝ කිසියම් පුද්ගලයෙකුට ලබා දීමේදී හෝ ඔවුන්ගෙන් WI-FI ජාලයේ හි ඇති රහස්පදය ඇසීමේදී අපහසුතා වලට මුහුණ දීමට සිදුවේ. එනම් Android 10 මගින් ඒ සදහා විසදුමක් ලබා දී ඇත. එනම් QR Code යක් මගින් තම ස්මාර්ට් ජංගම දුරකථනයෙන්  WI-FI ජාලය සදහා ප්‍රවේශ විය හැක.

DARK THEME

මෙවර Google I /O හිදී නිල වශයෙන් Dark Theme Android Q හෙවත් Android 10 සමඟ පැමිණෙන බව ප්‍රකාශ කළේය. එනම් මෙම Dark Theme ය, හරි කළු පැහැයක් ගන්නා බවත් , එම පැහැය පරිශීලකයාට වඩාත් යෝග්‍යය වන බවත්, සහ  බැටරිය භාවිතා කරන කාලය හොදින් කළමනාකරණය හැකි බව දැනුම් දී ඇත.

LIVE CAPTION

Live CAPTION මගින්, වීඩියෝවක් නරඹන විට ඒ සඳහා උපසිරැසි එක් කරයි. එය ඕනෑම වීඩියෝවක් සඳහා වලංගු වන අතර ඒ සදහා ඔබට දත්ත සම්බන්ධතාවයක් අවශ්‍ය නොවන අතර ඒ සියල්ල උපාංගය හරහා සිදු වේ. විශේෂයෙන් මෙය බිහිරි පරිශීලකයින් සඳහා වඩා යෝග්‍යය වන බව බොහෝ දෙනාගේ මතය වේ.

ආරක්ෂාව සහ පෞද්ගලිකත්ව විශේෂාංග

මෙවර Google I /O හිදී  ද Google විසින් Android හි ආරක්ෂාව සහ පෞද්ගලිකත්වය පිළිබද වඩාත් අවදානය යොමු කරන බව සදහන් කළේය. එනම් ඒ බව සනාථ කරමින් Android 10 හි විශේෂිත රහස්‍යතා අංශයක් අඩංගු වන බව වාර්තා වේ. එය විවෘත කිරීමෙන් විවිධ අවසර යෙදුම් සඳහා ඉල්ලා සිටිය හැකිය. එනම් උදාහරණයක් ලෙස දර්ශනය, ස්ථානය, කැමරාව, සම්බන්ධතා සහ මයික්‍රොෆෝනය වැනි දැ භාවිතා කල හැක.

සියළුම දුරස්ථ පාලක වෙනුවට Broadlink RM Mini 3

rm mini 3

එදිනෙදා කටයුතු උදෙසා ඔබ දුරස්ථ පාලක එහෙම නැත්තම් remote controller බොහෝ සෙයින් භාවිත කරනවා ඇති. මෙහි පහසුවක් තිබුණද විවිධ උපාංග සඳහා විවිධ දුරස්ථ පාලක භාවිත කිරීමට ඔබට සිදු වෙනවා. ඒවගේම නිතරම බැටරි මාරු කිරීමටත්, දුරස්ථ පාලක කිහිපයක් තැබීමට යම් ඉඩකඩකුත් වෙන් කරන්න සිදු වෙනවා. නමුත් ඒ කරදරකාරී බව අවම කරගෙන ඔබේ smart දුරකතනයෙන් දුරස්ථ පාලක කටයුතු කරන උපාංගයක් ගැන තමයි මේ කියන්න හදන්නෙ. 

Broadlink RM Mini 3

සියලුම දුරස්ථ පාලක භාවිත කරන්නෙ IR එහෙම නැත්තම් Infrared කිරණ. මෙම කිරණ නිකුත් කිරීම මගින් අවශ්‍ය signal එක යොමු කිරීම තමයි දුරස්ථ පාලකයකින් සිදු කරන්නෙ. මෙම ක්‍රියාවලිය IR නොමැතිව කළ හැකි උපාංගයක් තමයි මේ Broadlink RM Mini 3 ලෙස හැඳින්වෙන්නෙ. මෙහිදී සිදු වෙන්නෙ මෙම උපාංගය wifi හෝ එවැනි අන්තර්ජාල පහසුකමක් ඔස්සේ ලබාගන්නා signal, IR කිරණයක් විදියට අවශ්‍ය විද්‍යුත් උපකරණය වෙත යොමු කිරීමයි. මේ සඳහා මෙම උපාංගය අත්‍යවශ්‍යයෙන්ම wifi router හා සම්බන්ධ කර තිබිය යුතුයි. Smart ජංගම දුරකථන සඳහා ලැබෙන යෙදුමක් ඔස්සේ ඔබට සියලුම දුරස්ථ පාලක වර්ග පෙර පුහුණු කරන්න පුළුවන්.

කොහෙන්ද මිලදී ගන්නේ?

මෙය දැනට ශ්‍රී ලංකාවේ වෙළඳ පොළක තිබෙන බවට සොයා ගත නොහැකි වුණත් online storeවල සොයා ගන්න පුළුවන්. ඒ වගේම amazon වගේ online shop එකකින් වුනත් ඇනවුම් කරන්න පුළුවන්. මෙය රු. 3000 සිට විවිධ මිළ ගණන්වලින් මිලදී ගන්න පුළුවන්. (මිල සැපයුම්කරු අනුව වෙනස් වේ). 

භාවිත කරන්නෙ කොහොමද?

මෙය setup කරගැනීම ඉතා පහසුයි. සරළ පියවර කිහිපයකින් මෙය භාවිත කරන්න පුළුවන්. උපාංගයට විදුලි බලය ලබාදීමෙන් පසු, smartphone එකේ ස්ථාපිත කරගත් IHC app එකෙහි අදාල උපාංගය තෝරාගෙන තිරයේ පරිදි උපදෙස් අනුගමනය කරන්න තිබෙන්නෙ. ඉන් පසු දුරස්ථ පාලක මෙම app එකට පුරුදු කිරීම කළ යුතුයි. නමුත් වෙළඳ පොළේ තිබෙන බොහෝ විද්‍යුත් උපකරණවල දුරස්ථ පාලක මෙම app එකෙහි ගබඩා කරලා තිබෙන නිසා අලුතෙන් එය කිරීම අත්‍යවශ්‍ය වන්නෙ නැහැ. නමුත් පළමු වර භාවිතයේදී, එම button නිවැරදිදැයි ඔබට බලන්න පුළුවන්. මෙසේ ඔබ ළඟ තිබෙන ඕනෑම දුරස්ථ පාලක මගින් පාලනය වන විද්‍යුත් උපකරණයක් මෙයට සම්බන්ධ කරන්න පුළුවන්. නමුත් මෙය IR කිරණ භාවිත කරන නිසා, බිත්ති අතර කිරණ සම්ප්‍රේෂණය වීමක් සිදු වෙන්නෙ නැහැ. ඒ නිසා මෙය එක් කාමරයක සිට තවත් කාමරයක පාලනය සිදු කරන්න බැහැ.

උදාහරණයක් ලෙස වායුසමීකරණ යන්ත්‍රයක් ගතහොත්, එහි ඇති බොහෝ කටයුතු මේ උපාංගය හා app එක හරහා කරන්න පුළුවන්. On/Off, timers, fan speed වගේ බොහෝ දේ පාලනය කිරීම කල හැක. පෙර සකසා  නැති, උපාංගයක් නම් user defined appliance මෙනුව ඔස්සේ නව උපාංගයක් එකතු කළහැක. 

මිට අමතරව Scene එකතු කිරීමත් කල හැක. ඉන් අදහස් වෙන්නෙ, යම් අවස්ථාවකදී උපාංග කිහිපයක් එක වර ක්‍රියා කරවන ලෙස උපදෙස් දීමයි. උදාහරණයක් විදියට එම අවස්ථාවේ වායුසමීකරණය 20°C  හා රුපවාහිනී යන්ත්‍රය on වීම සිදු වීම එක කාර්යයක් විදියට දක්වන්න පුළුවන්. 

Scene එකක් ක්‍රියාත්මක කිරීම

ඒ වගේම timers මගින් උපාංග ක්‍රියාත්මක කරන්න පුලවන්. එනම්, යම් කාලයක් සඳහා උපාංගයක් ක්‍රියාත්මක වීමත් එම කාලයට පසු ඉබේ උපාංගය ක්‍රියා විරහිත වීම සිදු කරන්න පුළුවන්. ඒ වගේම IFTTT සේවාව () ඔස්සේ, යම් දෙයක් සිදුවුවිට යම් කාර්යයයක් සිදු කිරීමට අපිට පුළුවන්. උදාහරණයක් විදියට උෂ්ණත්වය 25°C ට වඩා වැඩි වනවිට වායුසමීකරණය යම් උෂ්ණත්වයකට පත්වන තෙක් ක්‍රියාත්මක කරවන්න පුළුවන්. මේ වගේ එදිනෙදා කාර්යයන් ඉතා පහසු කරන්න මෙම කුඩා උපාංගයට පුළුවන්. 

Voice command මගින් පාලනය

අද වනවිට ජංගම දුරකථන අතින් හසුරුවන්නේ නැතිව, voice command එකකින් හසුරුවන්න පුළුවන් තරමටම තාක්ෂණය අලුත් වෙලා. Google Home හෝ Alexa වැනි voice assistant කෙනෙකු හරහාද අපිට මෙම උපාංග හසුරුවන්න පුළුවන්. ඒ සඳහා IHC හි ගිණුමක් සාදාගත යුතු වෙනවා. එය Google Home app එකට සම්බන්ධ කිරීම මගින් ඔබටත් කටහඩ මගින් ඔබේ නිවසේ දුරස්ථ පාලක මගින් ක්‍රියාත්මක වන ඕනෑම උපකරණයක් මෙහෙයවන්න පුළුවන්. 

අවාසි

මෙහි අවාසි කිහිපයක් තිබෙනවා. මුලින් සඳහන් කරා වගේ, IR කිරණ භාවිතය නිසා ඔබේ නිවසේ එක් එක් කාමර සඳහා වෙන වෙනම උපාංගයක් ස්ථාපිත කිරීමට සිදු වෙනවා. ඒ වගේම නිතරම router එක ක්‍රියාත්මකව තිබිය යුතුයි. මොකද ඔබේ mobile phone එකෙන් ලබාදෙන signal මෙම උපාංගයට ලැබෙන්නෙ router එක හරහා. ඒවගේම IR පමණක් compatible නිසා RF (radio frequency) මගින් පාලනය වන උපකරණ භාවිත කිරීමට හැකියාවක් නැහැ. නමුත් ඒ සඳහා Broadlink RM Pro ලෙස IR හා RF දෙකම භාවිත කල හැකි උපාංගයක් තිබෙනවා. 

Google Pixel 3A

Google Pixel 3A Featured Image

Google I/O 2019 Keynote හිදී හඳුන්වාදුන් Google Pixel Smartphones Series එකේ, අලුත්ම සාමාජිකයන් දෙදෙනා Google Pixel 3A සහ Pixel 3A XL. Google සමාගමේ නවතම තාක්ෂණයත් සමඟ විශේෂාංග රැසක් මේ smartphones දෙකේ අන්තර්ගත වෙලා තියනවා.

Google Pixel 3A Image 1

High-End phone පහසු මිලට

Google Pixel, Flagship කාණ්ඩයට අයත් Smartphone මාලාවක් වුවද Google Pixel 3A සහ Pixel 3A XL Smartphones, Mid-range price devices විදිහට තමයි හදුන්වාදෙන්නේ. තොරතුරු වලට අනුව විශේෂාංග සහ පහසුකම් පෙර Google Pixel වලට වඩා තරමක් අඩු නමුත් ආවේනික ප්‍රධාන විශේෂාංග සහ පහසුකම් මෙන්ම නව විශේෂාංග එක් කොට තිබේ. High-End smartphones වලට නොදෙවනි Google Pixel 3A සහ Pixel 3A XL, $399 වැනි අඩු මුදලක සිට ඉහලට මිලදී ගැනීමට හැකියාව ඇත. අපේක්ෂා කල ආකාරයට Google Pixel Smartphones විකුණුම් නොමැති වීම හේතුවෙන්, Google සමාගම ගත් පියවරක් ලෙස මෙය සැලකිය හැක.

බාහිර පෙනුමේ වෙනස්කම්

Google Pixel 3A සහ Pixel 3A XL Smartphones වල පිටුපස ආවරණය, වීදුරු වෙනුවට polycarbonate plastic වලින් නිර්මාණය කර ඇත. එමෙන්ම 3.5mm headphone jack එක නැවතත් මේ smartphones දෙකේම දැකගැනීමට හැක. Just Black, Clearly White සහ Purple-ish ලෙස පාට තුනකින් Google Pixel 3A සහ Pixel 3A XL හඳුන්වා දී ඇත. එමෙන්ම Google Pixel 3A හි අඟල් 5.6ක 2220 x 1080 resolution එකක් සහිත FULL HD, OLED තිරයක් සහ Google Pixel 3A XL හි අඟල් 6ක 2160 x 1080 resolution එකක් තියන FULL HD, OLED තිරයක් දැකගැනීමට හැක. තවද dual stereo speakers සහ USB-C port අඩංගුවේ. කෙසේ නමුත් Water resistant හැකියාව පිලිබඳ සඳහන් කර නොමැත.

Google Pixel 3A  Image 2

හොඳම Camera එක

Google Pixel 3 හි තිබු අද්විතීය කැමරාවම Google Pixel 3A සහ Pixel 3A XL සඳහා ද ලබාදී ඇත. Google Pixel හි ප්‍රධානම විශේෂාංගය එහි කැමරාවයි. 12MP, F/1.8 පිටුපස කැමරාවක් සහ 8MP, F/2 front කැමරාවක් දැකගත හැක. බොහෝ Smartphones වල පිටුපස කැමරා දෙක තුනකින් සිදුකරන සෑම කාර්යක්ම වාගේ Google Pixel හි තනි කැමරාවකින් සිදුකිරීමට Google සමාගමට හැකිව ඇත. එමෙන්ම Night Sight, Super Res Zoom, optical + electronic image Stabilizer, auto focus with dual-pixel phase detection, 84-degrees field-of-view වගේ අද්විතීය විශේෂාංග මෙහි අඩංගු වේ.

Google Pixel 3A  Image 3

අභ්‍යන්තරයේත් වෙනස්කම් රාශියක්

Google Pixel 3A සහ Pixel 3A XL හි 2.0GHz octa-core Snapdragon 670 processor එකකින් සමන්විත වන අතර 4 GB RAM සහ Storage එක 64 GB වලට සීමා කර ඇත. එමෙන්ම Active Edge, Proximity, Ambient light, Accelerometer, Gyrometer, Magnetometer, Barometer යන සංවේදක සහ Titan M Security Processor එකද අඩංගු වේ.

Google Pixel 3A හි 3000mAh සහ Google Pixel 3A XL හි 3700mAh Battery ධාරිතාවක් සහ 18W USB-PD fast charging හැකියාවෙන් සමන්විතයි. එමෙන්ම Google සමාගමේ AI තාක්ෂණයෙන් Battery ආයුකාලය පෙරට වඩා වැඩි කර ඇත. නමුත් Wireless charging නොමැත.

Android Pie වලින් බලගැන්වේ

මෘදුකාංගමය අතින් ගත් විට, Android Pie මෙහෙයුම් පද්ධතියෙන් සමන්විත වන අතර AR in Google Maps, Call screening වගේ විශේෂාංග පවතී. Mid-range smartphones සමඟ සසඳන විට Google Pixel 3A සහ Pixel 3A XL බොහෝ ඉදිරියෙන් ඇත.

Google Pixel 3A සහ Pixel 3A XL, Google I/O 2019 Keynote හිදී හඳුන්වාදුන් ආකාරය පහත වීඩියෝවෙන් බලාගත හැක.

Flutter හි නව සංස්කරණයේ තොරතුරු

මෙවර Google I /O 2019 වැඩසටහනේදී Google සමාගම විසින් Flutter නවතම සංස්කරණය වන Flutter 1.5 එළිදක්වීම් සිදු කළේය. Flutter යනු open source mobile UI framework එකක් වන අතර එය Android සහ IOS සදහා Native Interface සැදීම සදහා යොදාගත්තේය. නමුත් මෙවර Google I /O 2019 වැඩසටහනේදී එළිදැක්වූ Flutter හි නවතම සංස්කරණය සමග Flutter යනු තවදුරටත්  mobile UI framework නොවන අතර Flutter හි 1.5 සංස්කරණය අනුව Flutter යනු open source multi-platform UI framework වන බව දැනුම් දුන්නේය. එනම් එය WEB, DESKTOP, MOBILE සහ EMBEDDED DEVICES සදහා යොදාගත හැකිය.

Flutter හි ඉතිහාසය ගැන සදහන් කරන විට, එහි පළමු සංස්කරණය පැමිණෙන්නේ SKY යන නමින්  2015 දී වන අතර එහිදී එය Android Platform සදහා පමණක් නිර්මාණය කල තිබුණේය. ඊටපසු 2017දී  Flutter වශයෙන් මුල්ම Alpha සංස්කරණය නිකුත් කරන අතර 2018 December වන විට Flutter හි 1.0 සංස්කරණය නිකුත් කළේය. එනම් එය Android සහ IOS සදහා භාවිතා කල හැකි ආකාරයේ Cross-platform framework එකක් විය. Dart යන Programming Language එක Flutter සදහා යොදාගනියි. Dart යනු Google සමාගම මගින් හදුන්වා දුන් Programming Language යක් වන අතර එය හදුන්වා දීමේදී ඔවුන්ගේ පරමාර්ථය වුයේ JavaScript නම් Programming Language සදහා තරගකාරිත්වයක් ලබාදීමයි. නමුත් ඔවුන් සිතු ආකාරයට එය ප්‍රචලිත කරගැනීමට නොහැකි විය. නමුත් Flutter හි ආගමනය සමග මේ වන විට Dart යන  Programming Language ද යම් කිසි ආකාරයක වර්ධනයක් පෙන්නුම් කරමින් පවතියි.

Flutter for Web

Google හි Flutter කණ්ඩායම විසින් Flutter WEB  සමග සම්බන්ධ වන ආකාරය පෙන්වා දුන් අතර ඔවුන් පැවසුවේ එය පර්යේෂණ මට්ටමේ පවතින බවය. මෙවර Google I /O වැඩසටහනේදී WEB Application සදහා Flutter උපයෝගී කරගන්නා ආකාරය පෙන්නුම් කිරීමට යොදාගත් Kenken puzzle නම් තරගය සංවිධානය Google සමාගමේ කණ්ඩායමක් New York Times කණ්ඩායම සමග එකතු වී ඇති අතර ඔවුන් විසින් තවදුරටත් පැවසුවේ මෙය සදහා යොදාගත් Flutter codes  Android, iOS, web, Mac, සහ Chrome OS සදහාද යොදා ගත හැකි බවය.

Flutter for Desktop

Desktop සදහා Flutter ව්‍යාපෘතිය තව දුරටත් පර්යේෂණාත්මක ව්‍යාපෘතියක් නොවන අතර එය හොද මට්ටමක පවතින බව Google කණ්ඩායම විසින් සදහන් කල අතර Windows, Mac, සහ  Linux platform සදහා Flutter app සාදන ආකාරය පිළිබද මුලික කරුණු නිකුත් කර ඇති බව ඔවුන් වැඩි දුරටත් කළේය. එසේම මෙම Flutter app සැදීම සදහා ඔබට Visual Studio Code හෝ Android Studio භාවිතා කල හැකි අතර ඔබට එම app එක පරීක්‍ෂා කිරීම සදහා Emulator ය  නොමැතිව Chrome Web Browser පාවිච්චි කල හැකිය.

Flutter for Embedded Devices

Google සමාගම විසින් embedded devices සදහාද Flutter යොදා ගත හැකි බව අවසානයේදී ප්‍රකාශ කල අතර  Google කණ්ඩායම විසින් Flutter යොදාගෙන නිර්මාණය කල Projects කිහිපයක් නිකුත් කල ඇත. ඒ සදහා ඔවුන් Raspberry Pi නම් smaller-scale devices යොදාගෙන ඇත.

Flutter for Mobile Devices

Mobile Devices සදහා Flutter යොදා ගැනීම අලුත් දෙයක් නොවේ. මේ වන විට ලංකාවේ සේම ලෝකය පුරාම මෙම  mobile UI framework ය ප්‍රචලිත වෙමින් පවතියි. එසේම Flutter 1.5 නව සංස්කරණය සමග නව විශේෂාංග බොහොමයක් එකතු වී ඇති බව Google කණ්ඩායම විසින් මෙවර Google I /O වැඩසටහනේදී ප්‍රකාශ කළේය. එසේම Flutter Upgrade නම් විධානය උපයෝගී කරගනිමින් නව සංස්කරණය යාවත්කාලින කල හැක.

දවසින් දවස දියුණු වන මෙම Flutter සමග Google කණ්ඩායමේ අරමුණ වන්නේ සැම පද්ධතියක් සදහාම Flutter භාවිතා කල හැකි ආකාරයෙන් Flutter  multi-platform UI framework ය දියුණු කිරීමයි.

Samsung Galaxy S10 ආගමනය

Samsung  සමාගම විසින් පසුගිය මාර්තු 18 වනදා ඔවුන්ගේ Galaxy දශක සැමරීමද, ඊලඟ පරම්පරාවේ නවීන තාක්ෂණයෙන් යුතු ජංගම දුරකථනය එනම් Samsung Galaxy S10 දුරකථනය කොළඹදී එළිදැක්වීය. මෙය Galaxy S10e, Galaxy S10 සහ Galaxy S10+ ත්‍රිත්වයක් ලෙස හඳුන්වා දුන් අතර Samsung වෙළඳ නියෝජිතයින් මගින් මෙම මස සිට ඔබට මිලදී ගත හැකි වේ. Read More

in-display Selfie Camera සමග හදුන්වා දෙන HUAWEI Nova 4

Nova-4


HUAWEI සමාගම විසින් නිෂ්පාදනය කරන ජංගම දුරකථන මාදිලි අතරින් Nova කාණ්ඩයේ ජංගම දුරකථන පරිශීලකයන් අතර වඩාත් ජනප්‍රිය වීමක් දක්නට ලැබේ. මෙම කාණ්ඩයේ තවත් ජංගම දුරකථනයක් නව විශේෂාංග රැසක් සමග Nova 4 ලෙස නුදුරේදීම එළි දැක්වීමට නියමිතය.

This image has an empty alt attribute; its file name is Huawei-Nova-4-1024x683.jpg

Read More

A smartphone with a greater RAM than a standard laptop?

smartphone

The “RAM” (“random access memory”) is the reason for your smartphone to work efficiently and fast. Simply, RAM is a super-fast type of storage where it is faster than your phone’s main storage where your apps, photos, videos, and music live.

The operating system (OS) and app’s data are pulled from the phone’s slower main storage into your phone’s faster RAM, once you turn on your phone and open an app for the first time. This RAM helps to function the features of the OS and apps in an efficient manner. Faster the phone’s RAM, it multitasks well, switching between all the apps and picking up right where you left off.

The conclusion is that your phone could have the fastest chip in the world and it would be slow without a RAM.

The OnePlus 6T McLaren edition has a high capacity RAM, an even faster wired-charging system, and a special black-and-orangecolourr scheme; compared to the versions of 6T released earlier this year. The phone will be available in North America and Western Europe for $699 / €699, starting on December 13th. It will arrive in China, India, and the Nordics at a later date.

The standard OnePlus 6T starts at $549 for 6GB of RAM and 128GB of storage, therefore to justify its price tag, the McLaren edition has 10GB of RAM, 256GB of storage, and OnePlus’ new Warp Charge 30 wired charging. Highlighting the history of McLaren’s racing efforts, it ships in orange McLaren-branded packaging along with a special orange and black USB-C cable and headphone dongle, a McLaren-branded case, a piece of actual carbon fibre encased in an acrylic block, and a hardcover book.

 

On the outside, the McLaren 6T has a fluorescent orange highlight along the bottom edge of the phone’s frame, and a glossy black finish with a carbon fibre pattern woven under the back glass and also the edge-to-edge display with small teardrop notch and dual rear camera system.

You will love the special animation that pops up when the on-screen fingerprint scanner is used to unlock the phone.

The new charging system of OnePlus will thoroughly amaze you with the new Warp Charge 30 charger, refuelling the McLaren 6T’s 3700mAh battery up to 50 percent faster than the Fast Charge system on other OnePlus phones. It is very impressive to make one of the fastest wired charging systems available on any smartphone, even faster. The company says only the McLaren version of the 6T will achieve the fastest charging speeds with the included charger; other OnePlus devices will default to standard Fast Charge speeds when plugged into it.

The unique branding and accessories that come with the McLaren version will excite and impress you and is enough to justify the cost for hardcore McLaren fans.

ඔබගේ Smart ජංගම දුරකථනය PC Remote Controller එකක් කරගන්නා අයුරු

එදිනෙදා පරිගණකය භාවිතා කිරීමේදී ඔබ හට දුරස්ථ පාලකයක් මගින් පරිගණකය හැසිරවීමට ඇත්නම් කියා සිතුන අවස්ථා බොහොමයක් ඇති.

 අප බොහෝ දෙනෙක් චිත්‍රපටි නැරඹීමේදී හා ගීත ශ්‍රවණය කිරීමේදී පරිගණකය භාවිතා කරනු ලබයි. මේ සඳහා ඔබ හට දුරස්ථ  පාලකයක් (PC Remote Controller) ඇතිනම් කාර්‍ය්ය වඩාත් පහසු වේ.

ඔබට මේ සඳහා E bay මගින් USB PC Remote Controller එකක්ද රු 700 ක් වැනි මුදලකට ලබාගත හැකිය. නමුත් මෙහි යම් සීමාවන් පවතී.

Read More

The Nubia X Smartphone

Nubia X

At a glance, this new smartphone bears nothing significant than a metal frame which combines two glasses, the back and the sides slightly curved to create a soft and stylish feel and comfortable grip; which is the general trend today. But within few days since the release, the ZTE Nubia X conquered the attention of the internet. The Nubia X is one of the most unique smartphones we can ever come across. It is undoubtedly has become a delightful surprise for the smartphone market.

The new ZTE smartphone comes with a 6.26-inch screen with a resolution of 2280×1080 pixels. The bezel is optimized for screen ratios of 93, 6%.

The most eye-catching feature of Nubia X is the hidden second screen under the glass back. This second screen allows the front of the device to be completely notch-less without the need for a front camera cutout. The back of the phone is simply reflective and blue but possesses a display hidden underneath which is equipped with an OLED screen size up to 5.1 inches and a familiar dual camera system. The Nubia X sub-screen interestingly does not inferior the main screen; has an impressive display quality of 19: 9 aspect ratios with a resolution of 1520×720 pixels.

The fingerprint scanner is where your thumb rests. Based on the way you hold the phone, it knows which screen you are using and it will instantly light up. Since there is no front camera, you can use the rear camera to take the selfies, and the photographs get switched to the front screen with a higher resolution. The Nubia X’s rear camera system has 24 MP f / 1.7 and 16 MP f / 1.8 resolution, dual PDAF, HDR, AI which helps to capture photographs with high quality.

The two screens do not work at the same time, except in some cases like gaming. Switching between the two screens is not very convenient when the user has to interact with the fingerprint sensor pair which is located on the two sides. The Nubia X version to ZTE will gracefully use sensors or AI to help make the second screen role more obvious, the conversion is also easier.

Stating the Nubia X configuration; it uses 845 Snapdragon 8 core, Adreno 630 graphics processor, 6/8 GB LPDDR4X high-speed memory, 64/128/256 GB memory option, 3,800 mAh battery supports Quick Charge 4.0, Android OS Oreo 8.1 with custom interface Nubia UI 6.0 X.  The smartphone comes in attractive colors such as black, blue, gold and red.

 

 

 

කෝච්චියේ නිතර යන ඔබ RDMNS Mobile App පිළිබඳ දැනුවත්ද?

බොහෝ දෙනෙක් තම තමන්ගේ දෛනික ගමනාගමන කටයුතු සඳහා බහුලවම භාවිතා කරන ප්‍රවාහන මාධ්‍යයන් අතර දුම්රිය ප්‍රධාන තැනක් ගනියි. බොහෝ දෙනෙක් දුම්රියෙන් ගමන් කරනු ලබන්නේ තමන්ගේ ගමන් මහන්සිය අවම කරගැනීමත්, මාර්ග තදබදයට අසු නොවී ඉක්මණින් තමන්ගේ ගමනාන්තය වෙත ළඟා වීම සඳහා වේ.

නමුත්  දිනපතා අප දුම්රියෙන් ගමන් යනවිට ඇතිවන ප්‍රධාන ගැටළුවක් වනු ලබන්නේ දුම්රිය ප්‍රමාද වීම සහ කාර්මික දෝෂයන්ට ලක් වීමයි.

 

මෙම කාලීන ගැටළුව හඳුනා ගනිමින් RDMNS Admin මඩුල්ල මෑතකදි හඳුන්වාදෙනු ලැබූ RDMNS Mobile App ය  ඉතාමත් ජනප්‍රිය වුවා. මුලදී Android දුරකථන සඳහාද මෑතකදී Apple දුරකථන සඳහාද හදුන්වා දෙනු ලැබුවා.

RDMNS යනු,

RDMNS යනුවෙන් හඳුන්වනු ලබන්නේ ‘රජයේ දුම්රිය මගීන්ගේ නිළ සමූහය’ යි. Facebook Group එකක් ලෙස ආරම්භ කරනු ලැබූ මෙය අද වන විට දුම්රිය Rail CSR Project සිදුකිරීම දක්වා පැමිණ ඇත. මෙම Facebook Group මගින් මගීන් හට දුම් රිය ප්‍රමාද වීම, කාර්මික දෝශයන්ට ලක්වීම කලින් දැනුවත්  කරනු ලැබීම මගින් ඉතා කෙටි කාලයකදි වැඩි පරිශීලකයන් ගණනක් මේ සමඟ සම්බන්ධ කර ගැනීමට RDMNS Team එකට හැකි වුනා.

 

මෙහි විශේෂාංග

ඔබ RDMNS App එක භාවිතා කරනවානම් ඔබ හට පහත පහසුකම් ලබා ගත හැකි වේ.

  1. දුම්රිය ප්‍රමාද වීම්
  2. දුම්රිය කාර්මික දෝශයන්ට ලක් වීම්
  3. දුම්රිය අවලංගු වීම්
  4. විශේෂ දුම්රියන් ධාවනය වීම්

ඉතා පහසුවෙන් මෙම App එක මගින් ඔබගේ ගමන් මාර්ගය ලබාදීම මගින් ඉහත Alerts ඔබ වෙත ලබා ගැනීමට හැකි වේ.

ඉදිරියට පැමිණීමට නියමිත ව්ශේෂාංග

  1. Offline Time Table – ඔබට දිවයිනේ සියළුම දුම්රියන්හී ගමන් වාර වේලාවන් අන්තර්ජාලය නොමැතී වූවත් බලාගැනීමට හැකිවනු ඇත.
  2. Share my train with GPS – මේ මගින් ඔබ ගමන් කරන දුම්රිය ඇති ස්ථානය අනෙක් අයට දැනුවත් කීරීමට හැකි වනු ඇත.
  3. Lost and Found Items – දැනටමත් FB Group තුලින් නැතිවූ යමක් සොයාගතහොත් ඒ පිළිබඳ අනෙකුත් අය දැනුවත් කිරීම සිදු කරයි. මේ මගින් අදාල මගියා වෙත ඔහුගේ/ඇයගේ නැතිවූ දෙය සහ දැනට ඇති ස්ථානය සොයාගැනීමට හැකි වේ. මෙය වැඩිදියුණු කරමින් ඉදිරියට Mobile App මගින් මෙම පහසුකම අත්වීදීමට ඔබට හැකි වේ.
  4. Station contact number finder – මේ තුලින් ඔබට හදිසි අවස්ථාකදී ඔබට අවශ්‍ය දුම්රිය ස්ථානයක දුරකථන අංකය දැනගැනීමට හැකි වේ. 
  5. Railway educational articles – ඔබ දුම්රිය සේවය ගැන වැඩිදුර විස්තර දැන ගැනීමට අවශ්‍ය නම් එහි අතීතය සහ අධ්‍යාපනික කරුණු මේ මගින් ඔබහට කියවීමට හැකියාව ලැබේ.
  6. Common Q+A – මේ මගින් කාටත් එදිනෙදා මතුවන ගැටළු වලට පිළිතුරු ලබාගැනීමට හැකිවනු ඇත.එනම් දුම්රිය වාර ප්‍රවේශපත්‍ර ලබාගන්නා ආකරයන්, දුම්රිය මගින් භාණ්ඩ යැවීම සිදු කරන ආකාරය, ප්‍රවේශ පත්‍ර වෙන් කරවා ගන්නා ආකාරය සහ දුම්රිය ස්ථානයන්හීදී ඡායාරූප ලබාගැනීමට අවසර ලබාගන්නා ආකරය වැනි ගැටළු සඳහා පිළිතුරු ලබාගැනීමට මේ මගින් හැකිවේ.
  7. Railway Security Contact – මේ පහසුකම හරහා ආරක්ෂක අංශයේ උදවු අවශ්‍ය විටකදී හදිසි අවස්තාවන් වලදී දැනුම්දීම සඳහා ආරක්ෂක මූලස්ථානය වෙත දුරකථනය ඔස්සේ සම්බන්ධ විය හැක
  8. RDMNS Video Gallery

සැ.යු : මෙහි පමණක් පහසුකම් හා සේවා තවමත් පර්යේෂණ මට්ටමේ සහ අනුමත කෙරෙමින් පවතින බැවින් සුළු සුළු වෙනස්කම් විය හැකිය

RDMNS CSR Projects

RDMNS Team එක සංවිධානය කරනු ලබන CSR projects මේ අතර සුවිශේෂි අංගයක් වේ. මේ මගින් දුම්රිය සහ දුම්රිය ස්ථාන වෙත අවශ්‍ය වන දේ හඳුනාගනිමින්, එම අවශ්‍යතා සපුරාලීමට මොවුන් කටයුතු කරයි.

විශේෂ ස්තූතිය – ප්‍රමිල සිල්වා මහතා