TechWire

Category - Events

ද්විත්ව තිර සහිත Asus ZenBook Duo සහ Pro Duo Laptop පරිගණක මාලාව ලංකාවේදී එලි දැක්වේ.

අපි සැවොම දන්නා සහ මුළු ලොවම පිළිගත් ආයතනයක් වන ASUS සමාගම, ඔවුන්ගේ නවතම ද්විත්ව තිර වලින් සමන්විත වන නවතම Laptop පරිගණක මාලාව වන Asus ZenBook Duo සහ Pro Duo යන Laptop පරිගණක දෙක මෑතකදි ශ්‍රී ලංකාවට හඳුන්වා දුන්නා. සුවිශේෂ ද්විත්ව තිර වලින් සමන්විත Asus ZenBook Duo සහ Pro Duo යන Laptop පරිගණක දෙක  දැන් ඔබට ශ්‍රී ලංකාවේදී මිලදි ගත හැකියි.

පසුගිය වසර මුලදී Computex තොරතුරු තාක්ෂණ ප්‍රදර්ශනයේදී ප්‍රථම වරට ප්‍රකාශයට පත් කරන ලද ද්විත්ව තිර වලින් සමන්විත Asus ZenBook Duo සහ Pro Duo යන Laptop පරිගණක දෙක ගැන ඔබ මේ වන විටත් අසා දැනුවත් වී තිබීමට ඉඩ ඇත. විශාල, ඒකාබද්ධ ද්විත්ව තිර වලින් සමන්විත සහ සියළු දෙනාගේ අවධානයට හා පැසසුමට යොමු වී ඇති ලොව පළමු Laptop පරිගණක දෙක වන්නේ Asus ZenBook Duo සහ Pro Duo යන Laptop පරිගණක දෙකයි.

Asus ZenBook Duo සහ Pro Duo

Desktop පරිගණක භාවිතා කරන විට තිර දෙකක් හෝ ඊට වැඩි ප්‍රමාණයක් අවශ්‍ය වන අවස්ථා පවතී. මන්ද අප විසින් සමහර අවස්ථා වල භාවිතා කරන මෘදුකාංග වලදී එකවර වැඩසටහන් කීපයක් දැක බලා ගැනීමට අවශ්‍ය වීමයි. Adobe Premiere Pro, Photoshop, Solidworks  ඒ සදහා උදාහරණ වේ. විශේෂ ඒකාබද්ධ ද්විත්ව තිර වලින් සමන්විත මෙම Asus ZenBook Duo සහ Pro Duo Laptop පරිගණක දෙක එවැනි අවස්ථා වලදී වැඩ පහසු කර ගැනීමට හදුන්වා දුන්  සුවිශේෂී විසදුමක් වේ.

Asus ZenBook Duo සහ Pro Duo හි ඇති විශේෂී වූ ද්විත්ව තිර විශේෂාංගය

මෙම Laptop පරිගණක වල ප්‍රධාන තිර ගැන සලකා බලන විට,  Asus ZenBook Pro Duo හි ප්‍රධාන තිරය අඟල් 15.6 ක OLED ස්පර්ශක තිරයක් වන අතර එහි Pantone මගින් සහතික කරන ලද වර්ණ පරාසයක් ඇති අතර එය DCI-P3 වර්ණාවලියෙන් 100% ක් ආවරණය කරයි. එනම් එයින් අදහස් වන්නේ එය අතිශයින්ම වර්ණ-නිරවද්‍ය බවයි. OLED තිරයක් වන එය අංශක 178 ක පුළුල්  කෝණයක් ඇත.

එසේම Asus ZenBook Duo හි ප්‍රධාන තිරය අඟල් 14 ක IPS Full-HD (1920 x 1080) LCD තිරයකින් සමන්විත වන අතර මෙහි සමස්ථ ප්‍රමාණය හා බර සැලකිය යුතු ලෙස අඩු කරයි. එසේ වුවද, Asus ZenBook Pro Duo  තිරය මෙන්, Asus ZenBook Duo හි  LCD තීරයේද Pantone සහතික කරන ලද වර්ණ පරාසයක් ඇත. එනම් මෙහිද අතිශයින්ම වර්ණ-නිරවද්‍ය වේ.

Asus ZenBook Duo සහ Pro Duo Laptop පරිගණක දෙක ඇති සුවිශේෂී විශේෂාංගය වන්නේ එහි ඇති දෙවැනි තිරයයි. Asus ZenBook Pro Duo Laptop පරිගණකයෙහි දෙවැනි තිරය මූලික වශයෙන් අඩක් උස 4K UHD තීරයකි. එයින් අදහස් වන්නේ එය ප්‍රධාන තිරයේ  දිගට සමාන නමුත් පළලෙන් අඩක් ඇති බවයි. එසේම Asus ZenBook Duo Laptop පරිගණකයෙහි දෙවැනි තීරය මූලික වශයෙන් අඩක් උස 4K FHD තීරයකි. මෙහිද දෙවැනි තිරය, ප්‍රධාන තිරයේ  දිගට සමාන නමුත් පළලෙන් අඩක් විශාල තිරයකින් සමන්විත වේ. Asus ZenBook Duo සහ Pro Duo Laptop පරිගණක දෙකෙහි ප්‍රධාන තිරය මෙන්ම වර්ණතාවයක් දෙවන තිරය ලබා දෙන අතර, තිර දෙක පුරා විහිදෙන රූප පරිමාණයෙන් හෝ විකෘති නොවී විදහා දැක්වීමට ඉඩ දෙයි. මෙහි IPS LCD තිරය විශිෂ්ඨ දෘෂ්ටි කෝණ ලබා දෙයි. තවද එහි පරාවර්තනයන් සහ දීප්තිය අඩු කිරීමට නොදිදුලන මතුපිටකින් මෙය සමන්විත වේ.

තිර දෙක එකට වැඩ කරන ආකාරය

Asus ZenBook Duo සහ Pro Duo Laptop පරිගණක දෙකෙහි ද්විත්ව තිර  එකමුතුව ක්‍රියා කරන්නේ පරිශීලකයන්ට තිර දෙකෙහි ඔවුන්ගේ යෙදුම් නැරඹීමේ වේගවත්, නම්‍යශීලී විකල්ප ලබා දීමටයි.

Action Menu  – පරිශීලකයින් ඕනෑම විවෘතව ඇති යෙදුමක title bar මත  ක්ලික් කර එය ඇදගෙන යාමට පටන් ගත් විට, ක්‍රියා මෙනුව ලෙස හැඳින්වෙන Icon තුනක කට්ටලයක් දිස්වේ.

App Switcher  – ප්‍රතිවිරුද්ධ තිරයේ Window ව උපරිම කරයි.

Add  – ඉදිරියේදී භාවිතා කිරීමට නියමිත යෙදුම් සදහා වේගවත් ප්‍රවේශයක් ලබා දීම  පිණිස ඒවා Launcher මෙනුවට එකතු කරයි.

ViewMax – ප්‍රධාන තිරය සහ දෙවන තිරය භාවිතා කරමින් වැඩි දර්ශන තලයක් ලබා දේ. ලේඛන හෝ සිතියම් වැනි ඔබට හැකි තරම් විශාල නැරඹුම් ප්‍රදේශයක් අවශ්‍ය යෙදුම් බැලීමට මෙය කදිම විශේෂාංගයකි.

Launcher  – Launcher යනු යෙදුම් ඉක්මනින් දියත් කිරීමට පරිශීලකයින්ට ඉඩ සලසන යෙදුම් පැනලයකි. එහි අතුරු මුහුණත ස්මාර්ට් ජංගම දුරකතනයක් මෙන් ක්‍රියා කරයි. පරිශීලකයන්ට ඔවුන්ගේ Icon මත දිගු එබීමෙන් යෙදුම් ගෙනයාමට, නැවත සකස් කිරීමට හෝ මකා දැමීමට ඉඩ ලබා දෙයි. යෙදුම් ඔවුන්ගේ Icon Desktop එකෙන් හෝ ආරම්භක මෙනුවෙන් දියත් කිරීම වෙත ඇදගෙන යාමෙන් හෝ ක්‍රියා මෙනුවේ එකතු කිරීමේ ක්‍රියාව භාවිතා කිරීමෙන් සරලව එකතු කළ හැකිය.

Asus ZenBook Pro Duo හි අභ්‍යන්තරය

මෙහි CPU ගැන සලකන විට, ASUS ZenBook Pro Duo Laptop පරිගණකය අද දක්වා ඇති බලවත්ම ප්‍රොසෙසරයකින් ක්‍රියාත්මක වේ. එය Intel® Core™ i9-9980HK වේ. මෙහි GPU ගැන සලකන විට, මෙය 6GB GDDR6 සමඟ නවතම NVidia GeForce RTX 2060 graphic සමඟ පැමිණේ. ASUS ZenBook Pro Duo නිර්මාණය කල ඉංජිනේරුවන් පවසන්නේ මෙහි යොදා ගෙන ඇති ග්‍රැෆික් සැකසුම් ඒකකය (GPU) උපරිම ක්ෂමතාවයක් ලබාගැනීම සඳහා Laptop පරිගණකයට යොදා ගත හැකි හොදම GPU එක එය බවයි.

Asus ZenBook Duo හි අභ්‍යන්තරය

මෙහි CPU ගැන සලකන විට, ASUS ZenBook  Duo Laptop පරිගණකයට 10th Gen Intel ප්‍රොසෙසරයක් ඇති අතර එය 4.9GHz උපරිම වේගයකින් ධාවනය වන නවතම අංගයන්ගෙන් එකකි.

මෙහි GPU ගැන සලකන විට, මෙය 2GB GDDR5 සහිත නවතම NVidia MX250 ග්‍රැෆික් එන්ජිමට ගැලපේ. NVidia හි ප්‍රබල පැස්කල් හරය මත පදනම්ව, මෙම GPU තුළ NVidia ගේ Optimus තාක්‍ෂණය අන්තර්ගත වන අතර එය විශිෂ්ඨ ක්‍රියාකාරීත්වයක් ලබා දීම සඳහා ඒකාබද්ධ Intel graphics  processor  සමඟ ක්‍රියා කරයි.

එසේම මෙම Asus ZenBook Duo සහ Pro Duo යන පරිගණක දෙක සදහාම ඊට විශේෂිත වූ සිසිලන පද්ධතියක් අඩංගු වේ.

එසේම මෙම Laptop පරිගණක වල මිල ගැන සලකන විට, UX581 MSRP යන මාදිලිය රුපියල් 514,200.00 කින්ද, UX481 MSRP යන මාදිලිය රුපියල් 227,900.00 කින්ද, UX434 MSRP යන මාදිලිය රුපියල් 189900.00 කින්ද ආරම්භ වේ. එසේම මෙම Laptop පරිගණක සදහා අවුරුදු 2 ක ගෝලීය වගකීමක් ඇත.  මේ වන විට මෙම Laptop පරිගණක ලංකාවේ මෙම ස්ථාන සහ Singer වෙළද  මධ්‍යස්ථාන තුලින්ද මිලදී ගත හැක. Asus ZenBook Duo සහ Asus ZenBook Pro Duo යනLaptop පරිගණක දෙක ලංකාවට එලි දැක්වූ මෙම උත්සවයේ විවිධ වැඩසටහන් පැවති අතර භෝජන සංග්‍රහයෙන් අනතුරුව නිමාවට පත් විය.

iPhone 11 දුරකථන මාලාවේ ශ්‍රී ලංකාවේ එලි දැක්වීම

අපි සැවොම දන්නා සහ මුළු ලොවම පිළිගත් ආයතනයක් වන Apple සමාගම, ඔවුන්ගේ නවතම iPhone 11 Smart Phones මාලාව ලෙස iPhone 11, iPhone 11 Pro සහ iPhone 11 Pro Max ලෙස smartphones තුනක් 2019 ඔක්තෝම්බර් 02 වන දින හඳුන්වා දෙන ලදී. ගිය මස හදුන්වා දුන් iPhone 11, smart phones මාලාව, 2019 නොවැම්බර් 01 වන දින ශ්‍රී ලංකාවේ ප්‍රධාන පෙළේ දුරකථන සන්නිවේදන ජාලයක් වන Mobitel ආයතනය Xstation ආයතනය සමග එක් වී  ශ්‍රී ලංකාවට හදුන්වා දීමේ උත්සවය Xstation ආයතනයෙදී පැවැත්විය.

එහිදී ඔවුන් විසින් මෙම iPhone11 Smart Phone මාලාවේ ඇති විශේෂත්වය සහ ලංකාවේ එම ස්මාර්ට් දුරකථන විකිණීමට බලාපොරොත්තු වන මිළ ගණන් පිළිබද පැහැදිලි කිරීමක් සිදු කරේය.

iPhone ස්මාර්ට් දුරකථන මාලාව

2019 සැප්තැම්බර් 20 වන දින Apple සමාගම විසින් ඔවුන්ගේ නවතම iPhone 11, smart phones මාලාව ලෙස iPhone 11, iPhone 11 Pro සහ iPhone 11 Pro Max ලෙස smart phones තුනක් හඳුන්වා දෙන ලදී. iPhone XR හි ඊළඟ අනුවාදය ලෙස iPhone 11 මෙන්ම iPhone XS සහ XS Max හි ඊළඟ අනුවාද ලෙස iPhone 11 Pro සහ Pro Max ද හදුන්වා දී ඇත.

iPhone ස්මාර්ට් දුරකථන මාලාවේ නිමාව

මෙම උත්සවයේදී මෙම iPhone 11 මාලාවේ ඇති ස්මාර්ට් දුරකථන හි ඇති විශේෂතා පිළිබදවද පැහැදිලි කිරීමක් සිදු කළේය. එනම් මෙහි නිමාව පිළිබද පැහැදිලි කිරීමක් සිදු කළේය. iPhone 11 හි පිටුපස දිලිසෙන සුළු වීදුරු මුහුණතක් සහ වටේ දාරය ඇලුමිනියම් ලෝහයෙන් නිපදවා ඇත. මෙය කළු, කහ, සුදු, රතු, දම් සහ කොල ලෙස වර්ණ හයකින් හදුන්වාදී ඇත. iPhone 11 Pro සහ Pro Max දෙකෙහිම පිටුපස නොදිලිසෙන (matte) වීදුරු මුහුණතක් සහ වටේ දාරය ශක්තිමත් වානේ වලින් නිපදවා ඇත. මෙය Midnight Green, Space Gray, Silver and Gold ලෙස වර්ණ හතරකින් හඳුන්වා දී ඇත.

iPhone ස්මාර්ට් දුරකථන මාලාවේ කැමරාව

මෙහිදී මෙම දුරකථන මාලාවේ විශේෂිත විශේෂාංගයක් වන මෙම දුරකථනයෙ හි ඇති කැමරාව පිළිබද හදුන්වා දීමක්ද සිදු කළේය. මෙහි  iPhone 11 ස්මාර්ට් දුරකථනයේ කැමරා දෙකක් ඇත. ඉන් එකක් මෙගා පික්සල් 12ක wide-angle lense කැමරාව වන අතර අනෙක මෙගා පික්සල් 12 ක ultra wide-angle lense කැමරාව වේ. මෙමගින් අංශක 120ක ද්‍රශ්‍ය පරාසයක් ලබා දෙන අතර එමගින් පෙරට වඩා පුළුල් ප්‍රදේශයක් කැමරා කාචයට ග්‍රහණය කරගැනීමට හැකිවේ. මෙම ද්විත්ව කැමරා පද්ධතිය මගින් 2x optical zoom හැකියාවද ලැබී ඇත.

එසේම iPhone 11 Pro සහ iPhone 11 Pro Max සඳහා ඉහත සඳහන් කල කැමරා දෙකට අමතරව තෙවන කැමරාවක් ලෙස මෙගා පික්සල් 12 ක telephoto lense එකක්ද අඩංගු වේ. මෙය වඩාත් ආලෝකයට සංවේදී වන අතර පෙරට වඩා වඩාත් කාර්යක්ෂමව ක්‍රියා කරයි. මෙම තෙවන කැමරාව portrait ජායාරුප ගැනීමට උපකාරී වේ.

තවද අලුතෙන් හදුන්වා දෙන Night Mode විශේෂාංගය මගින් අඩු ආලෝකයේ වඩාත් පැහැදිලි ජායාරුප ලබාගැනීමට හැකියාව ඇත. Quick Take විශේෂාංගය මගින් රූපගතකිරීමක් අතර තුර ජායාරුප ලබාගැනීමට හැකියාව ඇත. 4K රුගත කිරීම් කිරීමේ හැකියාවද මෙම කැමරා පද්ධති මගින් ලැබී ඇත.

එසේම මෙම iPhone දුරකථන මාලාවේ දීර්ඝ හදුන්වා දීමක් මෙම ලිපියෙන් ලබාගත හැක.

iPhone 11 දුරකථන මාලාවේ මිළ පිළිබද

මෙම නවතම iPhone 11 දුරකථන ලංකාව පුරා ඇති Mobitel ප්‍රදර්ශනාගාර වල ඇත. මෙහි iPhone 11 නම් ස්මාර්ට් ජංගම දුරකථනයේ මිල රුපියල් 159,490.00 යන මිලෙන් පටන් ගන්නා අතර iPhone 11 ස්මාර්ට් ජංගම දුරකථනයේ මිල රුපියල් 227,490.00 න් ද iPhone 11 Pro ස්මාර්ට් ජංගම දුරකථනයේ මිල රුපියල් 250,090.00 ද පටන් ගනියි. එසේම මෙම දුරකථන Mobitel ප්‍රදර්ශනාගාරයකින් මිලදී ගන්නා විට 48GB ධාරිතාවයකින් යුත්   Internet data package යක්ද මීට අමතරව නොමිලේ විවිධ උපාංග ද ලැබෙන බව එහිදී සදහන් කළේය.

උත්සවයේ පැවති වෙනත් විශේෂාංග

මෙම දුරකථන මාලාව හදුන්වා දීමේ වැඩසටහනට අමතරව එයට සමගාමීව විවිධ වැඩසටහන් ද පැවතිනි. එනම් මෙම දුරකථන මාලාවේ දුරකථන පෙර ඇනවුම් කල පාරිභෝගිකයන් හට එම දුරකථන ලබා දීම සිදු කළේය. එසේම එයට සමගාමිව එහි සිටි පිරිස වෙනුවෙන් selfie තරගයක්ද පැවතිනි. එසේම මෙම දුරකථන මාලාව පිළිබද ප්‍රශ්න ඇසීමේ තරගයක්ද පැවතිනි. එම තරග වලින් ජයග්‍රහණය කල පිරිසටද ත්‍යාග ලබාදීමක් සිදු කළේය.

වැඩසටහන් නිමාව

අවසානයේ, විවිධ වැඩසටහන් පැවති අතර  රාත්‍රී භෝජන සංග්‍රහයෙන් අනතුරුව වැඩසටහන නිමාවට පත් විය.

Disrupt Asia 2019

ශ්‍රී ලංකාවේ තොරතුරු හා සන්නිවේදන තාක්ෂණ ආයතනය විසින් 2016 සිට සංවිධානය කරන ලද Disrupt Asia 2019, අඛණ්ඩව සිව්වන වසර සදහාද ඔක්තෝම්බර් මස 12 වන දින පැවැත්විය. එනම් ශ්‍රී ලංකාවේ ප්‍රමුඛතම ආරම්භක සම්මන්ත්‍රණය සහ නවෝත්පාදන උළෙල ලෙස හැදින්වෙන මෙම උළෙල, ආරම්භක ආයතන (startups) සදහා ඔවුන්ගේ නවෝත්පාදනයන් ගෝලීය පරිමාණයෙන් ප්‍රදර්ශනය කිරීමට අසමසම වේදිකාවක් ලබාදේ. මෙම වසරේ තේමාව ‘Augmented Living’ වන අතර එය  අවධානය යොමු කරන්නේ මානව ජීවන රටාවන්ට සහාය වීම සඳහා නවෝත්පාදන හා තාක්‍ෂණයේ සාර්ථකත්වය, සහ සංවර්ධනය සඳහා සැබෑ හා කල් පවත්නා දායකත්වයක් ලබා දීමට ඇති හැකියාව වේ.

Disrupt Asia 2019 යන සමුළුව පිළිබද ICTA හි සභාපතිවරයාගේ කතාව

“වසර තුනක් වැනි කෙටි කාලයක් තුළදී, දේශීය ආරම්භක නවෝත්පාදනයන් සැමරීම සඳහා ශ්‍රී ලංකාවේ ප්‍රමුඛතම සමුළුව ලෙස Disrupt Asia මේ වන විට  පිළිගැනීමට ලක්ව ඇත. මෙම වසරේ සම්මන්ත්‍රණ තේමාව ‘Augmented Living’ වන අතර එය සියලු සහභාගිවන්නන් සඳහා ගතික සංවාදයක් සහ නැවුම් ඉදිරි දර්ශනයක් ලබා දෙන බවට සහතික කරනු ඇත. එනම් ආරම්භක ආයතන(startups), ආයෝජකයින් සමඟ ජාලගත කිරීම, ක්‍රියාකාරී උපදෙස් ලබා ගැනීම, ආරම්භක උපාය මාර්ග පිළිබඳ අවබෝධය සහ ගෝලීය ව්‍යාප්තියේ හැකියාවන්, ශ්‍රී ලංකාව සඳහා තාක්‍ෂණික නවෝත්පාදන යුගයක් උදෙසා උපකාරී වන සමුළුව සහ එහි  උත්සවය කදිම වේදිකාවක් සපයයි ”යනුවෙන් ශ්‍රී ලංකාවේ තොරතුරු හා සන්නිවේදන තාක්ෂණ ආයතනයේ සභාපති වන මහාචාර්ය රොහාන් සමරාජිව මහතා ප්‍රකාශ කළේය.

Keynote විශේෂාංගය

ආරම්භක ආයතන(startups) පිලිබඳ ආසියාවේ සිටින ප්‍රවීනයන් දෙදෙනෙකු වන Casie Lau සහ Amarit Charoenphan යන මහත්වරුන් විසින් මෙම සමුළුවේ Keynote විශේෂාංගය පැවැත්වීය. එනම් ආරම්භක Keynote විශේෂාංගය Casey Lau මහතා විසින් පවත්වන අතර අවසන් Keynote විශේෂාංගය Amarit Charoenphan මහතා විසින් පැවැත්වුනි.

Casie Lau

Casie Lau මහතා, හොංකොං හි තාක්ෂණික ආරම්භක පුරෝගාමියෙකු හා පිළිගත් කථිකයෙකු ලෙස පිළිගනියි. එසේම RISE-Web සමුළුව, එනම් ආසියානු කලාපයේ විශාලතම තාක්ෂණික සමුළුව ලෙස හැදින්වෙන මෙම සමුළුවේ වර්ථමාන සම සත්කාරකද වේ.

Amarit Charoenphan

Amarit Charoenphan යනු ආසියානු තාක්ෂණික පරිසර පද්ධතියේ ප්‍රමුඛ පුද්ගලයෙකි. ඔහු තායිලන්තයේ පළමුවන   සහ විශාලතම සම-වැඩ(Co – Woking) අවකාශය වන HUBBA හි විධායක සභාපතිවරයා වන අතර අග්නිදිග ආසියාවේ තවත් ප්‍රමුඛ තාක්ෂණික සමුළුවක් වන ටෙක්සෝස් හි සම නිර්මාතෘවරයා වේ. එසේම ඔහුගේ ජනප්‍රිය නාමය ලෙස Aim ලෙස හැඳින්වේ.

Disrupt Asia 2019 හි අන්තර් ක්‍රියාකාරී මණ්ඩල සාකච්ඡා පහ පිලිබඳ කෙටියෙන් 

එසේම මෙම සමුළුවේදී, අන්තර් ක්‍රියාකාරී මණ්ඩල සාකච්ඡා පහක් පැවැත්වුනි. එනම් එහිදී විවේකය, ආර්ථික වර්ධනය සහ තිරසාර ජීවන රටාව සම්බන්ධයෙන් පුරවැසියන්ගේ ජීවන රටාවේ ගුණාත්මකභාවය කෙරෙහි කඩාකප්පල්කාරී තාක්ෂණයන්(disruptive technologies) බලපාන්නේ කෙසේද සහ ඒවාට සහාය වන්නේ කෙසේද යන්න පිළිබඳ අර්ථවත් සංවාද පැවැත්වුනි.

කමිටු සාකච්ඡා  අතරට, ‘Travel Tech : Travel Smart’ යන මාතෘකාව ඇතුළත් වන අතර එමඟින් සංචාරක හා විවේක අංශයට අදාළ තාක්ෂණයන් කෙරෙහි විශේෂ අවධානයක් යොමු කරමින් පුද්ගලාරෝපිත, සම්බන්ධිත හා තිරසාර සංචාර සඳහා ප්‍රේක්ෂකයින් සම්බන්ධ කර ගනු ඇත. එසේම  Airbnb, Tripadvisor සහ YOHO Bed යන සමාගම් හි සාමාජිකයින් සම්බන්ධ කර ගනිමින් ඔවුන්ගේ අත්දැකීම් බෙදා ගනු ඇත.

එසේම  Lenddo, BoardPac, Lalamove සහ Microimage යන ආයතන හි දැනුමැති කථිකයින් විසින් ‘Platforms Disrupting Asia’ යන මාතෘකාව පිළිබඳව සාකච්ඡා කල අතර තාක්‍ෂණයේ වැඩි පහසුවක් තුළින් ව්‍යාපාර ජීවන රටාව වැඩිදියුණු කරන ආකාරය, ව්‍යාපාරයට සහාය වීම සහ එමඟින් ආර්ථික වර්ධනයක් ඇති කිරීම පිළිබඳව අවධානය යොමු විය.

‘Shaping Cities Through Innovation’ යන මාතෘකාව යටතේ, Cityzone Tel Aviv, Dialog සහ  Visa යන සමාගම් නියෝජනය කරන සාමාජකයින් ප්‍රේක්ෂකයින් අමතන අතර එහිදී තිරසාර ලෙස ජීවන තත්ත්වය නංවාලීම සඳහා තාක්‍ෂණය කාර්යක්ෂමව භාවිතා කිරීමේ ක්‍රම කෙරෙහි අවධානය යොමු විය.

VR සහ AR හි “R” යන මාතෘකාව යටතේ, Manzalab, Two Lane, Shadow Factory සහ  Arimac යන ආයතන නියෝජනය කරන සාමාජකයින් Virtual Reality සහ Augmented Reality යන  අදාළ තාක්‍ෂණයන් භාවිතා කිරීම පිළිබඳව සවිස්තරාත්මකව විස්තර කරන ලදී.

‘Go Global: Strategies for Emerging Market’ පිළිබඳ කමිටු සාකච්ඡාවේදී Seedstars, Techstars  සහ Startupright යන සමාගම් හි ප්‍රවීණ සාමාජකයින් සහභාගී වූ අතර ගෝලීය ව්‍යාප්තිය කරා තම ව්‍යාපාරය වේගවත් කිරීම සඳහා ආරම්භක සමාගම් (startups) හට උපදෙස් දීම සිදුවුනි.

Disrupt Asia 2019 සමුළුවේ ප්‍රදර්ශනය

මෙම වසරේ Disrupt Asia සංස්කරණය අනාගතය ප්‍රදර්ශනය කිරීම සඳහා කලාව නැවත වරක් උත්ප්‍රේරකයක් ලෙස භාවිතා විය.  එනම් ‘When Digital Meets Art’ යන මාතෘකාව යටතේ මෙම වසරේ නවෝත්පාදන උළෙල සහ ප්‍රදර්ශනය කලා ස්ථාපනයන් සහ ඩිජිටල් ක්‍රියාකාරකම් වලින් සමන්විත විය. ආරම්භක ප්‍රදර්ශකයින් 30 කට ආසන්න සංඛ්‍යාවක්, සහභාගී වන්නන්ට සහ අමුත්තන්ට ඔවුන්ගේ නව්‍යකරණයන් සහ විසඳුම් ප්‍රදර්ශනය කලේය.

Disrupt Asia 2019 Startup Battle

සමුළුවේ තවත් විශේෂාංගයක් වන්නේ අතපසු කල නොහැකි, Disrupt Asia 2019 Startup Battle අවසන් මහා තරගයේ  තරගකරුවන් විසින් තම නවෝත්පාදන හා ව්‍යවසායකත්වය විදහා දක්වන අතර තරඟ ජයග්‍රාහකයින්ට කර්මාන්ත නිරාවරණය(industry exposure), මුදල් ත්‍යාග සහ දේශීය හා ජාත්‍යන්තර විශේෂයින්ගේ වටිනා උපදේශන සහාය ලැබේ.

Disrupt Asia 2019 සමුළුව, ඩිජිටල් යටිතල පහසුකම් හා තොරතුරු තාක්ෂණ අමාත්‍යාංශය විසින් අනුමත කර ඇති අතර මෙම සමුළුව සදහා සමාගම්  කිහිපයකගේ සහාය ලැබුණි. එනම් Deutsche Gesellschaft für Internationale Zusammenarbeit (GIZ) GmbH(නවෝත්පාදන සහකරු), Visa (ප්‍රධාන සහකරු), Crowdisland, DirectPay සහ Hatch (පරිසර පද්ධති හවුල්කරුවන්), Cinnamon Hotels and Walkers Tours (ආගන්තුක සත්කාර සහ සංචාරක සහකරු), Gudppl (ස්වේච්ඡා සහකරු) , PWC ශ්‍රී ලංකාව, STARTUPRIGHT සහ AngelHack (දැනුම හවුල්කරුවන්), Dialog Television (ගෙවුම් රූපවාහිනී සහකරු) Dialog (බ්‍රෝඩ්බෑන්ඩ් සහකරු), Ath Pavura සහ CITRA (සමාජ නවෝත්පාදන හවුල්කරුවන්), Bhasha ලංකා පුද්ගලික සමාගම (ජංගම විසඳුම් සහකරු) සහ PayHere (ගෙවීම් හවුල්කරු ) යන සමාගම් වේ.

Intel 10th Gen සමග නවතම Acer නිෂ්පාදන රැසක්

Acer - Intel 10th Gen Launch Featured Image

2019 ඔක්තෝම්බර් 02 වන දින Acer ආයතනය මගින් Intel 10th Gen Processor සමග පැමිණෙන ඔවුන්ගේ නවතම නිෂ්පාදන හදුන්වා දීමේ උත්සවය, Mövenpick හෝටලයේදී හිදී පැවැත්විය. මෙහිදි Colombo Sri Lanka: Acer සමාගමේ, ඉදිරියේදී වෙළඳපොලට පැමිණීමට නියමිත නවතම 10th Gen Intel Core processors සහිත laptop සහ notebook පරිගණක මාදිලි කිහිපයක් හඳුන්වා දුන් අතර Intel සමාගමේ නවතම 10th Gen Processors සහ තවත් නව තාක්ෂණයන් හඳුන්වා දීම සිදු කරන ලදී.

නව Acer නිෂ්පාදන හඳුන්වාදීම

ප්‍රථමයෙන් මෙම උත්සවයේ අරමුණ සම්බන්ධව සිංගප්පූරුවේ පිහිටි Acer සමාගමේ ප්‍රධාන කළමනාකරු වන සුනිල් නායර් මහතා විසින් හැඳින්වීමක් සිදු කරන ලදී. තවද Intel 10th Gen තාක්ෂණය යොදාගනිමින් නිපදවන ලද Acer නිෂ්පාදන සම්බන්ධව වැඩි දුරටත් අදහස් දැක්වීය. ප්‍රධාන වශයෙන් හඳුන්වා දුන් නව Acer notebook මාදිලි නම්, Acer Aspire 5, Aspire 3 සහා Acer Swift 5, Swift 3 මාදිලි වේ.

Acer - Intel 10th Gen Launch Image 1

Acer Aspire Standard Series

Acer Aspire 5 මිලි මීටර 17.95 ක් ඝනකමින් යුක්ත වන අතර එහි අඟල් 15.6 ක තිරය, Full HD වේ. මෙහි අඩංගු 10th Gen Intel Core i processor, NVIDIA GeForce MX250 graphics, Intel Wi-Fi 6 (802.11ax) මගින් වඩාත් සුමටව හා කාර්යක්ෂමව ක්‍රියා කිරීමට හැකියාව ඇත. තවද වැඩි දියුණු කරන ලද තිරයේ වැඩි වර්ණ පරාසයක් සහ වඩාත් සුපැහැදිලිව ශබ්ද විකාශනය කල හැක.

Acer Aspire 3 ද පෙරට වඩා සිහින් ස්වභාවයක් ගන්නා අතර, රැගෙන යාමට වඩාත් පහසු වේ. මෙයද 10th Gen Intel Core i processor, NVIDIA GeForce MX230 graphics මගින් බලගැන්වෙන අතර පෙර පැවතී Acer BluelightShield, 802.11ac wireless antennae යනාදිය අඩංගු වේ.

Acer Swift LightWeight Series

Acer Swift 5 ලොව බරින් අඩුම අඟල් 14 තිරයක් සහිත notebook පරිගණකය ලෙස හැඳින්වේ. මෙහි බඳ කොටස මැග්නීසියම්, ලිතියම්, ඇලුමිනියම් මිශ්‍ර ලෝහයකින් නිපදවා ඇති අතර මෙය ග්‍රෑම් 990 තරම් සැහැල්ලු වේ. තවද Acer Swift 5 notebook පරිගණකය මිලි මීටර 14.95 ක් තරම් සිහින්ය. මෙහි  NVIDIA GeForce MX250 graphics සහ Intel Iris Pro graphics අඩුංගු වන අතර 10th Gen Intel Core i processor, ටෙරා බයිට් 1ක උපරිම ධාරිතාවෙන් යුත් SSD පහසුකම්, සුපැහැදිලි අඟල් 14 ක ස්පර්ශ සංවේදී තිරය, dual-band Intel Wi-Fi 6 (802.11ax) සහ ප්‍රබල Thunderbolt 3 පහසුකම් සහිත USB 3.1 Type C සම්බන්ධකයක් අඩංගු වේ. Acer Swift 5 ප්‍රමාණයෙන් කුඩා සහ බරින් අඩු වුවද, වෘත්තීයමය කාර්යන් යන එන ගමන් සිදු කිරීමට හැකියාව ඇති අතර, පැය 12.5 ක බැටරි ආයු කාලයක් සහ fast charging පහසුකම් මෙන්ම ඇඟිලි සලකුණු හදුනා ගැනීමේ උපාංගයක් ද අඩංගු වේ.

Acer Swift 3 බොහෝ දුරට Acer Swift 5 හා සමාන වන අතර බර කිලෝග්‍රෑම් 1.19 ක් හා ඝනකම ,මිලි මීටර 15.95 වේ. තවද බැටරි ආයු කාලය තරමක් අඩුය.

මීට අමතරව Acer Spin notebook පරිගණක සම්බන්ධව කෙටි හැඳින්වීමක් කල අතර මෙයද Intel 10th Gen Processor මගින් බලගැන්වෙන බව පැවසීය. තවද Acer Nitro සහ Predator Gaming laptop පරිගණක පිළිබඳව ද සඳහන් කල අතර මේවායේ Intel 10th Gen Processor නොව 9th Gen Processor අඩංගු වන බව පැවසීය.

Intel 10th Gen හඳුන්වාදීම

ඉන්පසු Acer-Global Accounts Team හි වාණිජ ප්‍රධානී සුමිත්‍ර කේ. රායි මහතා විසින් Intel 10th Gen තාක්ෂණය පිලිබඳ හැඳින්වීමක් සහ Intel හි නව තාක්ෂණයන් පිළිබඳව තවදුරටත් හඳුන්වා දෙන ලදී.

10th Gen Intel Core Processors

Intel සමාගමේ නිෂ්පාදිත නවතම 10th Gen Intel Core Processors හි, වැඩි දියුණු කරන ලද විශේෂාංග මෙන්ම, අලුතෙන්ම එක් කරන ලද විශේෂාංග කිහිපයක්ද ඇත. මෙමගින් කාර්යක්ෂම තාව දෙගුණයකින් ද, 2.5 ගුණයකින් වේගවත් photo rendering, තුන් ගුණයකින් වේගවත් Wi-Fi පහසුකම් සහ අට ගුණයකින් වේගවත් Thunderbolt දත්ත හුවමාරු පහසුකම් ලැබෙන බව පැවසීය. තවද 10th Gen Intel Core Processors, “Ice Lake” සහ “Comet Lake” ලෙස වර්ගීකරණය කර ඇති අතර ඒවායේ වෙනස්කම් පහත දැක්වේ.

Intel Adaptix

මෙහිදී හඳුන්වා දුන් තවත් තාක්ෂණයක් වන්නේ Intel Adaptix. මෙමගින් පරිගණකයේ processor ක්‍රියාකාරීත්වය සහ graphics card හි ක්‍රියාකාරීත්වය ගතිකව වෙනස් කිරීම සිදු කරයි. පරිශීලකයා කරන කාර්යය අනුව කාර්යක්ෂමතාව උපරිම කිරීමටත්, graphics ගුණාත්මක භාවය උපරිම කිරීමටත්, ශක්ති පරිභෝජනය උපරිම ඵලදායී තාවකින් සිදු කිරීමටත් මෙමගින් හැකිවේ. මේ සඳහා Machine Learning තාක්ෂණය උපයෝගී කරගෙන ඇත. Intel Adaptix ගැන වැඩි දුර තොරතුරු දන ගැනීමට පිවිසෙන්න, https://www.intel.com/content/www/us/en/architecture-and-technology/adaptix.html

Wi-Fi 6

Intel 10th Gen සමග එන තවත් තාක්ෂණයක් වන්නේ Wi-Fi 6 තාක්ෂණයයි. පෙරට වඩා තුන්ගුණයක් වේගවත් සහ හතර ගුණයකින් වැඩි ධාරිතාවයකින් Wi-Fi 6 සමන්විත වේ. දශකයේ දියුණුම Wi-Fi තාක්ෂණය මෙය බවද පැවසීය. වැඩි දුර තොරතුරු, https://www.intel.com/content/www/us/en/products/docs/wireless/overview.html

Thunderbolt 3

Thunderbolt 3 තාක්ෂණය මගින් වඩාත් වේගවත් සහ පහසුවෙන් දත්ත හුවමාරු කර ගැනීමට හැකි වේ. මෙය USB Type C හි වැඩි දියුණු කරන ලද තාක්ෂණයකි. තනි Thunderbolt 3 port එකක් ආධාරයෙන්, 4K තිරයන් කිහිපයක් සම්බන්ධ කිරීම, ජාලගත කිරීම, USB මගින් දත්ත හුවමාරු කිරීම, බැටරි ආරෝපණය ඇතුලු සියළු සම්බන්ධක කාර්යන් සිදුකල හැකි අතර USB 3.0 වලට වඩා 8 ගුණයකින් වේගවත් බව පැවසීය. වැඩි විස්තර, https://www.intel.com/content/www/us/en/products/docs/io/thunderbolt/thunderbolt-technology-general.html

Intel Optane Memory H10 With Solid State Storage

Intel Optane Memory තාක්ෂණය, පරිගණකයක කාර්යක්ෂමතාව වැඩි කරන තාක්ෂණයකි. මෙහිදී Machine Learning තාක්ෂණය උපයෝගී කරගනිමින්, පරිශීලකයා විසින් නිරන්තරයෙන් භාවිතා කරන පරිගණක වැඩසටහන්, මෘදුකාංග සහ දත්ත හඳුනාගෙන, ඒවා වඩාත් වේගවත් SSD මතකයක ගබඩා කොට තබා ගන්නා අතර, මෙම ක්‍රියාවලිය සෑමවිටම යාවත්කාලීන කරයි. මේ මගින් පරිගණකයේ කාර්යක්ෂමතාව මෙන්ම ඵලදයීතවද වැඩි කරයි. වැඩි විස්තර, https://www.intel.com/content/www/us/en/architecture-and-technology/optane-memory.html

වැඩසටහන් නිමාව

අවසානයේ, හොඳම Acer අලෙවි නියෝජිතයන් හට තෑගි ප්‍රධානය කිරීම හා රාත්‍රී භෝජන සංග්‍රහයෙන් අනතුරුව වැඩසටහන නිමාවට පත් විය. වැඩසටහනේ ඡායාරූප පෙළක් පහත දැක්වේ.

ශ්‍රී ලාංකික PC Gamers වෙනුවෙන් නොමිලේම ලබා දෙන “කූඹියෝ – The Game” එළිදකියි

ශ්‍රී ලාංක‌ේය ටෙලි නාට්‍ය සම්ප්‍රදාය උඩු යටිකුරු කළ සුවිශේෂී නිර්මාණයක් ලෙස ලක්මාල් ධර්මරත්න විසින් අධ්‍යක්ෂණය කළ කූඹියෝ කථා මාලාව හදුන්වා දෙන්න පුළුවන්. ඒ වගේම මේ ටෙලිනාට්‍ය නිර්මාණය වූ වෙනස්ම ශෛලිය නිසා තරුණ පරපුරේ බොහෝ රසික පිරිසකගේ ගෞරවාදරයටද නිතැතින්ම පත් වුණා. මේ කාරණා කෙසේ වෙතත් ඒ ටෙලිනාට්‍ය අවසන් වුණ‌ේ කුඹියෝ දෙවන කථා මාලාවක් පිළිබද ලොකු අවිනිශ්චිත බවක් එක්කයි. රසික පිරිස කෙතරම් කුඹියෝ දෙකක් වෙනුවෙන් ඇගිලි ගැන්නත් “ඕනෑම දෙයක් ඕනෑවටත් වඩා ඕනෑම නැත” කියා හිතමින් දෝ අදටත් අධ්‍යක්ෂකවරයා ගෙන් නම් ඒ ගැන හාන්කවිසියක්වත් පිටවී නැත.

එය එසේ තිබියදී කුඹියෝ ටෙලි කතා මාලාව අවසන් වෙන්න ඔන්න මෙන්න තිබියදී කුඹි ගුල (කුඹියෝ ටෙලි නාට්‍ය ප්‍රේක්ෂකාගාරයට පට බැදි අනුවර්ථ නාමය) ඇවිස්සෙන ප්‍රවෘත්තියක් නම් ආරංචි වුණා. ඒ තමයි කුඹියෝ ටෙලි නාට්‍ය ඇසුරෙන් නිර්මාණය වුණු පරිගණක ක්‍රීඩාවක් නිකුත් කිරීමට නියමිත බව. ඒ ගැන ලොකු නිහැඩියාවකට පස්සෙ ඔන්න “කූඹියෝ – The Game” පරිගණක ක්‍රිඩාව පසුගිය 19 වනදා ලාංක‌ේය Gamers ලා වෙනුවෙන් නිකුත් කරනු ලැබුවා. මෙය 100% ක්ම නොමිලේ නිකුත්වීම වගේම මෙම පරිගණක ක්‍රීඩාව ලාංක‌ේය නිර්මාණකරුවන් අතින් නිර්මාණය වී තිබීම ඉතාම සුවිශේෂී කාරණාවක් වුණා. එපමණක්ම නොවෙයි, ශ්‍රී ලාංකික ටෙලි නාට්‍යයක් මුල් කර ගනිමින් මෙලෙස පරිගණක ක්‍රීඩාවක් නිර්මාණය වූවේද පළමු වතාවටයි.

‌”කූඹියෝ – The Game” එළි දැක්වීම.

මෙම පරිගණක ක්‍රීඩාව එළි දැක්වීම සිදුකෙරුණේ ඉකුත් 19 වනදා කොළඹ පිහිටි Dialog ආයතනයේ ප්‍රධාන ශ්‍රවණාගාරයේදී. මෙම අවස්ථාව සදහා පරිගණක ක්‍රීඩාව නිර්මාණය කළ Kodex ආයතනයේ ශිල්පීන්ට අමතරව කුඹියෝ ටෙලි නාට්‍යයේ අධ්‍යක්ෂණ කටයුතු සිදුකළ ලක්මාල් ධර්මරත්න, ‌ජෙහාන්ගේ චරිතයට පණ පොවන තුමිදු දොඩන්තැන්න ඇතුළු නාට්‍යයේ රංගන ශිල්පීන් පිරිසක්ද සහභාගි වුණා.

තවද ශ්‍රී ලංකාවේ ප්‍රධාන සමාජ මාධ්‍ය තුළ නිර්මාණකරණයේ යෙදෙන ශිල්පීන් රැසක්ද මෙම අවස්ථාව සදහා සම්බන්ධ වුණා. පරිගණක තාක්ෂණ ක්‍ෂේත්‍රයේ උසස් අධ්‍යාපන කටයුතු හදාරන තරුණයන් පිරිසකගේ එකමුතුවෙන් Kodex ආයතනය නිර්මාණය වී ඇති අතර එ මගින් විවිධ ව්‍යාපාර සදහා තාක්ෂණික සේවා සැපයීමක් මූලික වශයෙන් සිදු කෙරෙනවා. ඒ අතරින් වෙබ් අඩවි නිර්මාණය, AR, VR ආශ්‍රිත සේවාවන්, IOT Solutions සහ ජංගම දුරකථන ක්‍රීඩා නිර්මාණය සුවිශේෂියි. මීට මාස කිහිපයකට ඉහතදී කූඹියෝ පරිගණක ක්‍රීඩාව නිර්මාණය කර අවසන් වූවත් එය එළි දැක්වීම සිදුකිරීමට අවස්ථාවක් ලැබී නැහැ.

කුඹියෝ පරිගණක ක්‍රිඩාව එළි දැක්වීමට අමතරව Kodex ආයතනය මගින් ඉදිරියේ දී එළි දැක්වීමට නියමිත සහ මෑතකදී එළි දැක්වූ පරිගණක ක්‍රීඩා පිළිබදවද මෙහිදී දැනුවත් කිරීම් සිදු කෙරුණා. ඒ අතරින් ශ්‍රී ලංකාවේ නිර්මාණය වන Racing Game ගණයට අයත් වන ඔවුන්ගේ මීළග පරිගණක ක්‍රීඩාව ලෙස Dilango Speedup හදුන්වා දීම සහ එහි පූර්ව ප්‍රචාරක පටයද ඉදිරිපත් කෙරුණා.

Kodex ආයතනයේ තවත් සංකල්පයකට අනූව ක්‍රීඩකයන්ට මුදල් දිනාගත හැකි නව පරිගණක ක්‍රීඩාවක් ලෙස “පන්දම” පරිගණක ක්‍රීඩාවද නිකුත් කිරීමට නියමිත බව මෙහිදී සදහන් කෙරුණා. Dialog ආයතනය හා එක්ව ඉදිරිපත් කිරීමට නියමිත එම පරිගණක ක්‍රීඩාව හරහා සතියකට රුපියල් 10,000 බැගින් මසකට රුපියල් 40,000ක මුදලක් ජයග්‍රාහකයන්ට ලබා දීමට නියමිත බවයි ඔවුන් සදහන් කලේ . Kodex ආයතනයෙන් මෑතකදී නිකුත් කෙරුනු තවත් ජංගම දුරකථන ක්‍රිඩාවක් වන්නේ Knight Rider : The KITT ක්‍රීඩාවයි. එය මේ වනවිටත් Google play store හරහා නොමිලේ Download කරගැනීමට අවස්ථාව සලසා දී තිබෙනවා.

කොහොම නමුත් කුඹියෝ පරිගණක ක්‍රිඩාවේ ඇති ඉතාමත් සුවිශේෂීතම කාරණාව වන්නේ එය Windows, Linux, සහ Mac Os යන ඕනෑම පරිගණක පද්ධතියක් මත ක්‍රියා කළ හැකි වීමයි. මීට අමතරව ශ්‍රී ලංකාවේ නිර්මාණය වන බොහෝ පරිගණක ක්‍රීඩාවල පවතින ගැටළුවක් වන ඉහළ පරිගණක ධාරිතාවක් (system requirements) අපේක්ෂා කිරීම මෙහිදී බොහෝ දුරට සාර්ථකව විසදා ඇති අතර සාමාන්‍ය ධාරිතාවයකින් යුතු පරිගණකය වූවත් කූඹියෝ පරිගණක ක්‍රිඩාව ක්‍රියාකරවිය හැකි බව නිර්මාණකරුවන් සදහන් කරනවා.

‌කූඹියෝ – The Game ගැන යමක්…

‌මෙම පරිගණක ක්‍රීඩාව ලංකාවේ නිර්මාණය කෙරුණු පළමු Open-World පරිගණක ක්‍රීඩාවයි. එනම් අප කවුරුත් ආසාවෙන් ක්‍රීඩාකළ GTA (Grand Theft Auto) පරිගණක ක්‍රීඩාවේ ශෛල්‍යයට නිර්මාණය වී තිබෙනවා. කුඹියෝ ටෙලි කතා මාලාවේ සිදුවන ඇතැම් සිදුවීම් මෙම පරිගණක ක්‍රීඩාව සදහාද ඇතුළත් කර තිබෙනවා. ඒ වගේම මෙම පරිගණක ක්‍රීඩාවේ තවත් Update එකක් ඉතාම නුදුරේදීම නිකුත් කිරීමට නියමිත බවද සදහන් වුණා. ඒ හරහා මෙහි ඇති Graphics ] තවත් වැඩිදියුණු කෙ‌රෙන බව Kodex ආයතනය සදහන් කළා. මෙහි 3D modeling සිදුකිරීම සදහා බොහෝ දුරට Adobe මෘදුකාංග යොද‌ාගෙන තිබෙනවා. ඒ Maya මෘදුකාංග සදහා ඉහළ ධාරිතාවයෙන් යුතු පරිගණක ලබා ගැනීමට තිබූ ගැටළු අවම කිරීමේ අරමුණින්.

කෙසේ නමුත් මෙම පරිගණක ක්‍රීඩාවේදී විවිධ චරිත සදහා ක්‍රීඩා කිරීමේ අවස්ථාව පරිශීලකයන්ට ලබා දී තිබෙනවා. මෙම පරිගණක ක්‍රීඩාව ශ්‍රී ලාංකික පරිගණක ක්‍රීඩකයින් වෙනුවෙන් නොමිලේ කිසිදු ලාභ ඉපයීමේ පදනමකින් තොරව නිකුත් කර ඇති අතර එය www.koombiyogame.com වෙතින් නොමිලේම බාගත කරගැනීමේ හැකියාව පවතිනවා.

ඉතිං හැමදාමත් වෙනත් රටවල පරිගණක ක්‍රීඩා මිලදීගෙන ඒ වායේ ගුණ වරුණ කිය කිය ඉන්නවාටත් වඩා අපේ රටේ නිර්මාණය වුණු ටෙලිකතා මාලාවක, අපේ රටේ ක‌ොල්‌ලෝ ටිකක් මහන්සිවෙලා හදපු පරිගණක ක්‍රීඩා නිර්මාණයක අත්දැකීම විදගන්න ගමන් ඒ අත්දැකීම අනිත් අය එක්ක බෙදාගෙන නිර්මාණකරුවන් වෙනුවෙන් කුමක්‌ හෝ දායකත්වයක් අද දවසේ ලබා දුන්න‌ොත් හෙට දවසේදී ජාත්‍යන්තරයට අභියෝගයක් විය හැකි සුපිරි පරිගණක ක්‍රීඩා ලංකාවෙන්ම බිහිවන දවස වැඩි ඈතක නොවනු ඇති.

Acer Predator League LK 2019

Asia Pacific Predator League Logo

පරිගණක ක්‍රීඩා කියන්නෙ අද වන විට වයස් බේදයකින් තොරව ජනප්‍රිය වෙලා තිබෙන දෙයක්. ඔබ තරුණයකු නම් පාසල් අවධියේ සිටම පරිගණක ක්‍රීඩා කියන දෙය ඔබට එතරම් අළුත් දෙයක් නෙමෙයි. තාක්ෂණය දියුණු වීමත් සමග පරිගණක තාක්ෂණය ඉතා සීග්‍රයෙන් වැඩි දියුණු වෙලා තිබෙනවා. ඒ නිසාම Gaming PC සහ Gaming Laptop කියන දෙයත් දැන් වෙළදපොලේ ප්‍රධාන අළෙවි භාණ්ඩයක් වෙලා තිබෙනවා. ඒ, gaming ඒ තරම්ම රටේ ලෝකෙ ජනප්‍රිය වෙලා තිබෙන නිසා. මේ ජනප්‍රියත්වය නිසා අද වන විට Gaming සඳහා තරග පවා සංවිධානය වෙනවා.

Asia Pacific Predator League 2019

“ආසියා පැසිෆික් ප්‍රිඩේට’ ලීගය” (Asia Pacific Predator League) කියන්නෙ ලෝකයේ ප්‍රධාන පෙළේ Gaming තරගාවලියක්. එය දෙවන වරට පවත්වන්නේ මේ වසරේ පෙබරවාරි මස 15-17 තෙදිනයේය. Predator කියන්නෙ ලෝ සුපතල Acer සමාගම විසින් Gaming සඳහාම වන නිපදවන PC හා Laptop සන්නාමයක්. මෙහි සත්කාරකත්වය දරන්නේ මෙම Predator හා Acer සමාගමයි. Asia Pacific Predator League 2019 තරගය මෙවර පැවැත්වෙන්නේ තායිලන්තයේ බැංකොක් නුවර National Stadium complex හි Nimibutr Stadium හිදීය. මේ සඳහා තායිවානය, කොරියාව, මැලේසියාව, තායිලන්තය, පිලිපීනය, ඉන්දුනීසියාව, වියට්නාමය, ජපානය, සිංගප්පුරුව, ඕස්ට්‍රේලියාව, ඉන්දියාව, චීනය, මැකව්, හොං කොං, මියන්මාරය හා ශ්‍රී ලංකාව යන රටවල් තරග වදිනවා. මෙවර මුළු ත්‍යාග මුදල් ප්‍රමාණය ඩොලර් ලක්ෂ 4ක් පමණ වෙනවා. එය ලංකාවේ මුදලින් කෝටි 7කටත් අධිකයි.

ගියවර රටවල් 8කින් තමයි මෙය ආරම්භ කර තිබෙන්නේ. නමුත් මෙවර එය 16ක් දක්වා දෙගුණ කර තිබෙනවා. එහිදී DOTA2 තමයි ප්‍රධාන පරිගණක ක්‍රීඩාව වන්නෙ. ඊට අමතරව මේ දිනවල ඉතා ජනප්‍රිය වී තිබෙන PUBG එහෙම නැත්තම් Playerunknown’s Battlegrounds ක්‍රීඩාවත් regional tournament එකක් විදියට පවත් වන බවයි සඳහන් වන්නෙ. ගියවර ඉන්දුනීසියාවේ ජකර්තා නුවර පැවැත්වුණු තරගාවලියේ ජයග්‍රහණය කළේ මැලේසියානු කණ්ඩායමයි. මුලික වටයේ කණ්ඩායම් 1197කින් තොර ගැනුණු රටවල 8ක කණ්ඩායම් 8ක් තමයි තරගයට අවතීර්ණ වුණේ.

Asia Pacific Predator League 2018 Winners
ගියවර ශුරයින් වන මැලේසියවේ Geek Fam

Acer Predator League LK

Acer Predator League LK

Asia Pacific Predator League 2019 සඳහා ශ්‍රී ලංකාව නියෝජනය කරන කණ්ඩායම තෝරාගැනීම සඳහා තමයි Acer Predator League LK කියන තරගාවලිය පැවැත්වුයේ. මෙහි තරගකරුවන්ට තරග කරන්න වුණේ කොයි කවුරුත් අතර ප්‍රසිද්ධ DOTA2 එහෙමත් නැත්තම් Defense of the Ancients 2 පරිගණක ක්‍රීඩාවයි. Online ක්‍රමයට දෙසැම්බර් මස 15-30 දක්වා තිබු තරග වටවලින් අවසාන වටයට කණ්ඩායම් 4ක් තෝරාගනු ලැබුවා. ඒ අනුව අවසාන මහා තරගය පැවැත්වුණේ 2019 ජනවාරි 13 වන දින Hilton Colombo Residencies හිදිය.

Acer Predator League LK Winner's Shield
ජයග්‍රාහකයින්ට පිරිනැමුණ පළිහ

මෙහිදී අවසාන මහා තරගයට එක්වුණ කණ්ඩායම් වුණේ x3 (Victorious Secret), PnX (Indomitus.MSI), DeS (Death Sentence), and nA (Bedtime Samurais) කණ්ඩායම් 4යි. Acer Predator League LK ජයග්‍රහණය කර ලබන මස පැවැත්වෙන Asia Pacific Predator League 2019 සඳහා ශ්‍රී ලංකාව නියෝජනය කිරීමේ වාසනාව උදා කරගත්තේ x3 (Victorious Secret) කණ්ඩායමයි. දෙවන ස්ථානය DeS (Death Sentence) කණ්ඩායමටත් තෙවන ස්ථානය nA (Bedtime Samurais) කණ්ඩායමටත් හිමි වුණා. ජයග්‍රාහී කණ්ඩායමට මුදලින් රුපියල් 320,000ක මුදලක් පිරිනැමුණා. මෙහි පිරිනැමුණු මුළු මුදල් වටිනාකම රුපියල් ලක්ෂ 8ක් වන අතර ඊට අමතර වෙනත් ත්‍යාගද පිරිනැමුණා. මෙහි විශේෂයක් වුණේ ජයග්‍රාහී කණ්ඩායමට ජයග්‍රාහී පළිහක්ද පිරිනැමුණා. ඊට අමතරව ජයග්‍රහකයින්ට පදක්කම් හා සහතික ද පිරිනැමුණා.

Acer Predator League LK Winners
මෙවර ජයග්‍රාහකයින්
Acer Predator League LK Runners Up
මෙවර අනු ශුරයින්
Acer Predator League LK 2nd Runner Up
මෙවර තෙවන ස්ථානය ලැබුවන්

අළුතෙන් ආපු Apple iPad Pro, Mac Mini හා MacBook Air

පසුගිය ඔක්තෝබර් 30වන දින Apple සමාගමේ තවත් product release එකක් සිදුවුණා. එහිදී Apple iPad Pro, MacBook Air සහ Apple Mac Mini කියන productsහි නවතම සංස්කරණ එළිදැක්වූවා. මෙහිදී ප්‍රධාන ලෙසම කතාවුණ product එකක් වුණේ MacBook Air.

Read More

How did VAR win the worldcup in Russia 2018?

VAR

It has been more than three months since the sensation, which comes every four years, the FIFA World Cup. This left us giving France the well deserving and history-making victory.

The only thing that was talked about other than Mbappe’s Performance in the world cup was the VAR, the Video Assistant referee, the first ever virtual referee assistance was introduced to the world of football in Moscow.

Before we talk about how the VAR gave chance for a penalty in the finals to score the first goal we shall break down the following.

What is a VAR and Why VAR?

VAR simply stands for Video Assistant Referees. Since the inception of football, the manual refereeing was always the way to go. The Referee would be in the field with the players and carefully spot for foul plays and chances in the game of football. But given the advancement in technology, the FIFA board tried VAR in Moscow and it was a super hit.

“We said we wanted this to be the best World Cup ever and it’s been the best World Cup ever. A crucial role in this achievement was played by the referees who excelled with performances of the highest standard,” said FIFA President Gianni Infantino.

How does VAR work?

An exact dozen of referees have been trained and chosen to be Video Assistant Referees and they are far away from the pitch but watching every single move and breathe taken by the player each second. Every Game will have one main referee with the whistle and two assistants for him and far away behind the screens. There will be four referees glued to high definition camera screens. One video assistant referee (the main VAR) and three assistant video assistant referees (AVAR1, AVAR2 and AVAR3).

The main VAR has one video feed that they watch and underneath this a monitor comprising a split screen showing four feeds. Assistant VAR1 takes the main feed, AVAR2 is in charge of offside challenges and watches two screens for this – they have access to two dedicated cameras that aren’t used anywhere else. AVAR3 is watching the game as we would – they have their eyes on the television feed.

The VAR was centralized and was situated in Moscow. Each of the 12 stadiums’ video feeds is sent to this room (and each stadium has 33 cameras) through fibre optics. It’s also through this system that the on-pitch referee speaks to the VAR team.

When do we use VAR?

VAR is only used in real intense situations. The first is when there’s a goal and a potent offence has happened that lead to the goal. Then there’s a penalty decision: ones that have been awarded and ones that haven’t, but there’s contention that they should have been. The third is to do with red card incidences and the fourth is all about mistaken identity.

Finally,The implementation of VAR might have sound absurd at the beginning of the tournament but eventually, in this age and time with the advancement of technology, getting used to a system like that and producing correct results is a benefit for humanity and for the game of Soccer Thus Video Assistant Referees will play a huge role in the coming 21st century for Soccer.

France could have won the world cup. But clear VAR won the game of football in Moscow 2018.

TechTalk by VICTA

During the last 5 years we have seen in the boom of IT related talks and meetups in Sri Lanka. These have been in the forefront of providing a platform for knowledge sharing and networking.

Its with these same goals that VICTA (Vavuniya Information & Communication Technology Association) has organized the first ever Tech Talk in Vavuniya. The Tech Talk which is organized by local tech enthusiasts will discuss multiple fields including Technology, Innovation, Education as well as the creativity and leadership behind each specific topic.

The event is to be held on Saturday 17th Feb from 4:00PM- 5:30PM at the Oviya Hotel Vavuniya. If you are a Tech enthusiast in Vavuniya, this event is a must attend. For more information about the event and VICTA visit here.

 

අයියෝ.. ආවේ නැද්ද? – Google IO Extended 2017 Sri Lanka

Google සමාගම විසින් වාර්ෂිකව පවත්වන Google IO සමුළුවේ  keynote speech එක ගැන මිට පෙර ලිපියක් පළවුණා. ඊට සමගාමීව ලංකාවෙත් සමුළු දෙකක් පැවැත්වුණා. මේ event එක නම් කරල තිබුණේ  Google IO Extended 2017 කියල. මේ වගේ extended events ගොඩක් තියෙනවා ලෝකේ පුරා. එත් ලංකාවේ තියෙන event වැඩි සහභාගිත්වයක් තියෙනවා. මෙවර Dialog සහ GDG Sri Lanka එකතුවෙලා කරපු event එක ගැන තමයි මේ ලිපියෙන් කියන්න බලාපොරොත්තු වෙන්නෙ.

Read More

Google I/O 2017 Keynote

io17-social

keynote

Google IO Keynote එක කියන්නෙ වාර්ෂිකව Google විසින් පවත්වන conference එකක්. ඒකෙදි තමයි ඉදිරි දේවල් ගැන ලෝකයට එළිදක්වන්නේ. Google එකේ CEO සුන්දර් පිචායි ප්‍රමුඛ කණ්ඩායමක් තමයි මෙහි අදහස් දැක්වීම හා අලුත් දේවල් ගැන කියන්නෙ. මෙහි දී Google ගැන අලුත් දේවල් රැසක් එළි වුණා වගේම අලුත් තොරතුරු කියවුණා.

Google Drive සඳහා මිලියන 800ක් මාසික පරිශීලක ප්‍රමාණයක්, Google Photo සඳහා මිලියන 500ක් මාසික පරිශීලක ප්‍රමාණයක්, Google Assistant සඳහා මිලියන 100ක පරිශීලක ප්‍රමාණයක් ඇති බව හෙළි වුණා. ඊට අමතරව දිනකට බිලියන 1.2ක් ඡායාරුප upload වන අතර Google Maps මගින් දිනකට සැතපුම් බිලිනයක් පමණ navigation කරන බවත් දිනකට YouTube මගින් පැය බිලියනයක video බැලීමක් සිදුවෙනවා.
දැන් අපි බලමු google විසින් මෙවර හඳුන්වාදෙන අලුත් දේවල්.

Read More

Google I/O Extended 2017 – Sri Lanka

Google I/O 2016

Google I/O 2016

Yes, it’s that time of the year. It’s the time that everyone has been waiting for. Google I/O Extended Sri Lanka 2017 is just around the corner, and the registrations will start soon. This is about what Google I/O Extended is and why you should not miss it.

Google I/O is the annual conference of Google where they announce their upcoming technologies and products in both software and hardware departments. The conference is held for two days in San Francisco, California, USA and this time it’s on May 17th and 18th. Google invite people all around the world to watch their live stream and to host extended events parallel to theirs. Google Developer Group (GDG) chapters will be the ones who take the lead in organizing and hosting the official extended events for their country or region.

Read More