TechWire

Category - Electronics

2016 වසරේ විස්මිත විස්කම්

තාක්ෂණය දිනෙන් දින දියුණුවන ලෝකයේ  2016 අවුරුද්දෙ ලෝකෙට ලැබුණු අලුත් සොයාගැනීම් මොන වගේද කියල බලමු.

1.Flyte

මෙය විදුලි බුබුලක්. නමුත් මෙහි විශේෂත්වය තමයි මේ බල්බය පත්තුවෙන්නේ විද්‍යුත් චුම්බකත්වය උපයෝගී කරගෙන. අඩු වොටියතාවකින් දල්වන්න පුළුවන් LED බල්බයක් මෙය. මෙහි ආයු කාලය ඉතා වැඩි. දිනකට පැය 11ක් බැගින් වසර 11ක් පමණ භාවිත කරන්න පුළුවන් කියල තමයි සදහන් වෙන්නෙ. විද්‍යුත් දුම්රිවල භාවිතාවන විද්‍යුත් චුම්බකත්ව ආචරණය තමයි මෙහිත් සිද්ධාන්තය වෙලා තියෙන්නෙ. මෙහි බල්බය හා විද්‍යුත් චුම්බකය සහිත පෙට්ටිය වෙන වෙනම තමයි තියෙන්නෙ. බල්බය දැල්වී තියෙන අවස්ථාවෙදි චුම්බකය මත බල්බය පාවෙමින් තමයි තිබෙන්නෙ. එය විද්‍යත්මිකව හදුන්වන්නෙ levitation ලෙස. මෙය amazon හරහා මිලදී ගන්නවනම් රු50,000 පමණ වෙන්ව.

2. Solar roof

වහලක් උඩ සුර්ය පැනල තියෙන එක අද වෙනකොට ලංකාවෙත් සාමාන්‍යකරණය වෙලා. නමුත් මුළු වහලම සුර්ය පැනලයක් විදියට කටයුතු කරන එක නුහුරු ඇති. ඒ තාක්ෂණය ලොවට ආවේ 2016 අවුරුද්දේ. Tesla හා Solarcity සමාගම් එකතු වෙලා තමයි Solar roof කියන දෙය ලොවට ගෙනාවේ. මේකෙදි වෙන්නේ වෙන වෙනම සුර්ය පැනල සවි කරන්නැතුව වහලට දාන උළු කැට වෙනුවට සුර්ය පැනල උළු කැට හදුන්වා දීම. එකෙන් මුළු වහලේම වර්ගපලය විදුලිය නිපදවන්න ගන්න පුළුවන්. එය කාර්යක්ෂමතාව අතින් ඉතා ඉහල ක්‍රියාවලියක්. වහලට යන පිරිවැයත් ඉතිරි කරගන්න පුළුවන්. මෙය තමන්ට කැමති මෝස්තරයකින් කරගන්න පුළුවන්. මේකෙන් වහල මත සුර්ය පැනල තිබෙන බවක් කිසිවිටෙකත් හැගෙන්නෙ නෑ.

3. Nike Hyperadapt

සපත්තු දාද්දි අපිට කම්මැලි වැඩක් තමයි පහත වෙලා ලේස් දෙක දාන එක. ඒකට විසදුමක් දීල තියෙනව Nike සමගම විසින්. සපත්තුව දාල button එකක් එබුවම තමන්ගේ වරළුකරට හරියන විදියට ලේස් දෙක තද වෙන එක තමයි මේකෙ තිබෙන විශේෂත්වය. මේක වැඩිපුරම ප්‍රයෝජනවත් වෙන්නේ ආබාධිත පුද්ගලයන්ට තමයි. මෙය සැකසීමට ඔවුන් ඩිජිටල්, විද්‍යුත් හා යාන්ත්‍රික ඉංජිනේරු විද්‍යාව ඔස්සේ පර්යේෂණ කරලා තිබෙනවා.

4. Hello Sense

ඔබේ නින්ද ගැන ඔබ අවධානයෙන්ද? ඇත්තටම අපිට නිදා ගන්න ඕන පැය ගානවත් නිදා ගන්නවද කියල අපි දන්නේ නෑ. අපි නිදා ගන්න වෙලාව, හොද නින්දක් ගන්නවද නැද්ද කියල හොයන පොඩි gadget එකක් තමයි hello sense කියන්නෙ. මේකෙදි sleep pill කියන කොටස තමන් නිදා ගන්න කොට්ටයේ අලවල තියෙනවා. අනිත් ප්‍රධාන අංගය කාමරයේ වෙන තැනක තියන්න පුළුවන්. මෙය ක්‍රියාත්මකව තිබෙන විට වාතයේ තත්ත්වය, CO2, උෂ්ණත්වය, ආර්ධතාවය, ආලෝකය, UV එළිය හා ශබ්ද ආදී ගොඩක් නිර්නායක මේ gadget එකෙන් හොයනවා. ඒ වගේම pill එක මගින් තමන්ගේ නින්ද ගැන විස්තර වාර්තා කරනවා. අපිට හැම දවසෙම කොච්චර නින්දක් ගත්තද, නින්දේදි ඇහැරුනාද නැද්ද වගේ නින්ද ගැන report එකක් ගන්න පුළුවන්. ඒ වගේම කාලයක් දත්ත එකතු කිරීම මගින් හොද නින්දකට අවශ්‍ය suggestions දෙනවා. මේක $150කට පමණ මිලදී ගන්න පුළුවන් ඔබට.

5. Dji Mavic Pro

Drones කියන්නෙ අද ලොකු දෙයක් නෙමෙයි. තාක්ෂණයත් එක්ක ඉන්න අයට ගොඩක් සමීප දෙයක් තමයි drones කියන්නෙ. මෙහි කැමරා 5ක්, ultrasonic range finders 2ක් වගේම computing cores 24ක් තිබෙනවා. මෙහි කැමරාවල 12MP වගේම 4k තාක්ෂණය තිබෙනවා. මෙහි වේගය පැ.කි. 65 පමණ වේගයෙන් පැය භාගයක් පමණ භාවිත කරන්න පුළුවන්. ඒ වගේම මෙහි තවත් විශේෂයක් තමයි 7km පමණ දුරක් දක්වා විහිදුවන්න පුළුවන්. බාධක මැඩගෙන යන්න පුළුවන් drone එකක් වගේම යම් නිශ්චිත දුරක් පොළව එකක් තියාගෙන මෙය ධාවනය කරන්න පුළුවන්. මේ වගේ ගොඩක් තාක්ෂනය දියුණු කරපු drone එකක් තමයි Mavic pro කියන්නෙ.

6. Apple Airpods

ඇපල් සමගම විසින් 2016 වසරම අාමන්දානන්දයට පත් කරමින් හදුන්වාදීපු දෙයක් තමයි Apple Airpods කියන්නෙ. අලුතෙන් හදුන්වාදීපු iPhone 7 හි 3.5mm headphone jack එක ඔවුන් විසින් ඉවත් කරනවා. මේ වෙනුවට ශබ්දය එලියට දෙන ක්‍රමය සදහා ඔවුන් දීපු විසඳුම තමයි මේක. මෙය Bluetooth හරහා තමයි ක්‍රියා කරන්නේ.

7. Google Home

IoT කියන දෙයත් එක්ක තමයි Google Home කියන දෙය අාවේ. ගෙදරක සිදු වෙන ගොඩක් දේවල් automate කිරීමක් තමයි මේකෙන් වෙන්නෙ. උදේ නින්දෙන් නැගිට්ට වෙලාවෙ ඉදන් රෑ නිදාගන්නකම් හුගක් දේවල් කට වචනයෙන් කරගන්න පුළුවන් මේක නිසා. Artificial intelligence තමයි මෙහි ගැබ් වෙලා තියෙන්නේ. AIවල ගොඩක් ලොකු පිම්මක් තමයි Google Home වලින් එළි දුටුවෙ.

මේවා තමයි 2016 වසරේ හඳුන්වා දුන් නව සොයා ගැනීම් විදියට අපි දකින්නේ. අපිට මොනවා හරි මග හැරුණා නම්, පහලින් comment එකක් දාලා හැමෝම එක්ක ඒ දැනුම බෙදා ගනිමු.

Why Arduino?

Embedded Systems සමඟ ගනුදෙනුව ආරම්භ කරන බොහෝ දෙනෙක්ට සහ එහි විශේෂඥයන්ට පවා නැතිවම බැරි උපකරණයක් විදිහට Arduino හඳුන්වන්න පුළුවන්.

මේ ලිපියෙන් මම කථා කරන්න බලාපොරොත්තු වෙන්නේ ඇයි අපි Embedded Systems නිපදවීම් කරන අය බහුලව භාවිතා කරන Raspberry Pi වැනි උපකරණයක් භාවිතා නොකර Arduino භාවිතයට යොමු වෙන්නේ කියලා.

එයට ලබා දෙන්න පුළුවන් කෙටිම පිළිතුර, Arduino වල ඇති සරල බව.

Embedded Systems සමඟ ක්‍රියා කරන්න මුල් වරට යොමුවන කෙනෙක්ට සරල, ඉක්මන් ආරම්භයක් ලබා ගන්න පුළුවන් උපකරණ අතර Arduino මුල් තැනක් ගන්නවා. එයට හේතු කිහිපයක් තිබෙනවා,

  • අඩු මිලකට ලබා ගත හැකි වීම
  • ඉගෙනීමට ඇති පහසුව
  • වෙනත් ඉලෙක්ට්‍රොනික උපකරණ හා සම්බන්ධ කිරීමට ඇති පහසුව

දැන් අපි මේ කරුණු පිළිබඳව වෙන වෙනම සලකා බලමු.

අඩු මිලකට ලබා ගත හැකි වීම

වෙලඳපොලේ මේ වන විට Arduino වර්ග කිහිපයක්ම තිබෙනවා. ඔබ Arduino ප්‍රධාන වෙබ් අඩවියේ https://www.arduino.cc/en/Main/Products පිටුවට ගියොත් දැකගන්න පුළුවන් Arduino වර්ග විශාල ප්‍රමාණයක් ඔබට තොරාගත හැකි බව. මේ වර්ග අතරින් බහුලවම භාවිතා වන Arduino Uno උපකරණයක් සමඟ ක්‍රියා කරන ආකාරය මීට පසු ලිපි වලදි සාකච්ඡා කෙරෙන්නේ. (නමුත් එම ලිපි වල එන කරුණු, බොහෝ අවස්ථා වලදී Arduino Nano, Arduino Mini, Arduino Micro, Arduino Mega වැනි උපකරණ වලටත් එලෙසම අදාළයි. )

විවිධ වර්ගයේ Arduino කිහිපයක්

මෙම Arduino Uno උපකරණයක් රු.1000 කටත් වඩා අඩු මුදලකට ඔබට ලබාගත හැකි වීම ඉතා විශේෂයි. මීට අමතර Arduino Mini, Arduino Nano වැනි උපකරණ එයටත් වඩා අඩු මුදලකට ලබා ගත හැකියි.

Arduino Uno

 

ඉගෙනීමට ඇති පහසුව

Arduino වල තිබෙන විශේෂම ලක්ෂණය තමයි ඉගෙනීමට ඇති පහසුව. එයට හේතු වන කරුණු අතර තිබෙන ප්‍රධානම කරුණ තමයි Arduino වලටම විශේෂ වූ ක්‍රමලේඛ භාෂාවක් (Programming Language) තිබීම. එය ඉතාමත් පහසු කිසිදු මූලික දැනුමක් නැති අයෙකුට වුනත් ලෙහෙසියෙන්ම ඉගෙන ගත හැකි ක්‍රමලේඛ භාෂාවක්. ඒ වගේම ඔබට ඉතාමත් සතුටු විය හැකි දෙයක් Arduino වල තිබෙනවා. ඔබ Arduino උපකරණය පරිගණකයට සම්බන්ධ කර මිනිත්තු කිහිපයක් තුලම LED නිමෙන දැල්වෙන රටා මවන්න හැකියාව ලැබෙනවා. එය ආරම්භකයෙකුට ඉදිරි ගමන සඳහා විශාල පෙළඹවීමක් ඇති කරන බව මගේ විශ්වාසයයි. ඔබ භාවිතා කරන්නේ Arduino Uno උපකරණයක් නම් සම්බන්ධ කිරීමට wire පවා නොමැතිව LED බල්බ සමඟ ක්‍රියාත්මක වන ආකාරය පරීක්ෂා කරන්න පුළුවන්.

 

වෙනත් ඉලෙක්ට්‍රෝනික උපකරණ හා සම්බන්ධ කිරීමට ඇති පහසුව

Arduino වලට LED, Motors, නොයෙක් ආකාරයේ සංවේදක උපකරණ (Sensors) හා වෙනත් නොයෙක් උපකරණ කිසිම අපහසුවකින් තොරව සම්බන්ධ කිරීමට හැකියාව ලැබෙනවා. මේ පිළිබඳව ඔබට ඉදිරි ලිපි වලදී බොහෝ කරුණු දැනගන්නට ලැබේවි.

Arduino භාවිතා කර සාදන ලද රෙබෝ යන්ත්‍රයක්

Get to know about Ultrasonic Sensor HC-SR04

Ultrasonic Sensor HC-SR04 is used to measure distance. We can find precise distance to an object from the sensor, or can used to detect when something is within range of the sensor. It can measure distance with high accuracy from 2cm to 400 cm.  Its operation is not affected by darkness or light .Because it uses sound to measure distance.

Ultrasonic range finder measure distance by emitting a pulse of ultrasonic sound that travels through the air until it hits an object. It measure the time of the sound pulse which travel forward & back to the sensor when the pulse hits the object. Then it sends an electrical signal to the Arduino with information about the time that sonic pulse traveled.

Ultrasonic range finder has 2 transducers.

  • Transmitting transducer
  • Receiving transducer

sensor

Read More

Introduction to Microcontrollers

ඔබගේ නිවසේ මේ වන විට පරිගණක(Computers) කීයක් තියෙනවද? එහෙම නැත්නම්, ඔබ එදිනෙදා ජීවිතයේදී පරිගණක කීයක් භාවිතා කරනවාද? මම මේ ප්‍රශ්නය ඔබෙන් ඇහුවොත් ඔබේ උත්තරය මොකක්ද?

ඔබ ඇතැම් විට පිළිතුරු දෙයි, මම භාවිතා කරන්නේ Laptop එක විතරයි. එහෙම නැත්නම් Laptop එක සහ Desktop Computer එක විතරයි යනුවෙන්. නමුත් මම ඉතාම විශ්වාසයෙන් කියන්නේ, ඔබේ පිළිතුර වැරදියි. ඔබ නොදන්නවා වුනත් ඔබ අතේ බඳින Digital ඔරලෝසුව පරිගණකයක්. ඔබ නොදන්නව වුනත් ඔබේ දුරකථනය, ගණක යන්ත්‍රය(Calculator), නිවසේ ඇති WiFi Router එක ආදී බෙහොමයක් ඉලෙක්ට්‍රොනික උපකරණ, පරිගණක.

ඔබ සාමාන්‍ය ජීවිතයේදී පරිගණක ලෙස හඳුන්වන උපකරණ වන Desktop පරිගණක, Laptop පරිගණක වගේම Notebook, Smart Phone, Tablets වලට කියන්නේ පොදු කාර්‍ය පරිගණක (General Purpose Computers) කියලා. මම මීට පෙර සඳහන් කරපු අනෙක් පරිගණක හඳුන්වන්නේ Embedded Systems(නිහිත පද්ධති) කියලා. පොදු කාර්‍ය පරිගණක සහ Embedded Systems අතර තිබෙන ප්‍රධානම වෙනස ඔබට හිතන්න පුලුවන්ද? ඒ පිළිබඳව සාකච්ඡා කරන්න පෙර Embedded Systems ඔබේ ජීවිතයට කොතරම් සමීපද යන්න පැහැදිලි වෙන්න පහත රූපය ඉදිරිපත් කරන්නම්. මේ රූපයෙන් පෙන්වන්නේ නවීන මෝටර් රථයක Embedded Systems භාවිතා වන කොටස් කිහිපයක්.

නවීන මෝටර් රථයක Embedded Systems භාවිතා වන අවස්ථා.

නවීන මෝටර් රථයක Embedded Systems භාවිතා වන අවස්ථා.

මේ පරිගණක වර්ග දෙක අතර තිබෙන ප්‍රධානම වෙනස තමයි, පොදු කාර්‍ය පරිගණක වලින් පරිශීලකයාට අවශ්‍ය පරිදි අවශ්‍ය කර්‍යය කරගන්න පුලුවන් වීම සහ Embedded Systems යම් නිශ්චිත කාර්‍යයක් සඳහාම නිපදවා තිබීම. අත් ඔරලෝසුවෙන් කරන්නේ වෙලාව පෙන්වන එක විතරයි. ගණක යන්ත්‍රය‍ෙන් කරන්නේ ගණිත කර්ම විතරයි. ඔබට අවශ්‍ය විදිහට ඒවා ක්‍රියාත්මක කරන්න බැහැ. සරලවම කියනවනම් ඔබට කරන්න පුළුවන් එම උපකරණ වලට Input එකක් දීම සහ Output එකක් ගැනීම විතරයි. ඒ අතර සිදුවන ක්‍රියාවලිය ඔබට පාලනය කරන්න බැහැ. එහෙත් General Purpose Computers වල අපට ඒ අතර සිදුවන ක්‍රියාවලිය පාලනය කරන්න හැකියාව තිබෙනවා. ඒ සඳහා තමයි C, Java, C++, C#, Python වගේ Programming Languages(ක්‍රමලේඛ භාෂා) භාවිතා කරන්නේ.

විවිධ Programming Languages වර්ග

විවිධ Programming Languages වර්ග

මේ පරිගණක වර්ග දෙකේ ඉහත සඳහන් කරපු වෙනස්කම ඇතිවෙන්න හේතුවන උපාංග දෙකක් තිබෙනවා. General Purpose Computers වල භාවිතා වන Processor එක සහ Embedded Systems වල භාවිතා වන Microcontroller තමයි ඒ උපාංග දෙක. මේ උපාංග දෙකේ ප්‍රධාන වෙනස්කම් කිහිපයක් පහතින් සඳහන් කරන්නම්.

Processors Microcontrollers
මිල ඉතා අධිකයි. මිල ඉතා අඩුයි.
විදුලි පරිභොජනය අධිකයි. සුළු විදුලි පරිභෝජනයක් ඇත.
RAM, ROM, I/O Ports පිටතින් සම්බන්ද කළ යුතුයි. RAM, ROM, I/O ports වෙනම සම්බන්ද කළ යුතු නැත. අභ්‍යන්තරයේම ඇත.
පරිශීලකයාට අවශ්‍ය කාර්‍යයන් ඉටු කර ගැනීමට සකසා ඇත. එක් නිශ්චිත කාර්‍යයක් පමණක් ඉටු කර ගැනීමට සකසා ඇත.

 

RAM, ROM, I/O Ports පිළිබඳව දැනුමක් ඔබට ඇතැම් විට නැති විය හැකියි. ඉදිරි ලිපි වලදී ඒ පිළිබඳ දැනුම ඔබට ලබා ගත හැකියි. ඉහතින් සඳහන් කරපු මූලික දැනුම ඔබට ඉදිරි ලිපි වලදී මෙන්ම සාමාන්‍ය ජීවිතයේදීත් ඉතා වැදගත් වේවි.

මින් ඉදිරියට ඇති ලිපි වලදී අපි සාකච්ඡා කරන්න බලාපොරොත්තු වන්නේ Microcontrollers පිළිබඳව පමණයි. ආරම්භයක් ලෙස ඔබට වැඩිදුර අධ්‍යනය සඳහා දැනට ලෝකයේ බහුලවම භාවිතා වන Microcontrollers වර්ග දෙක පහතින් දක්වන්නම්.

  • Atmel
  • PIC
Atmel වර්ගයේ මෛක්‍රොෙකොන්ට්‍රෝලයක්.

Atmel වර්ගයේ මෛක්‍රොෙකොන්ට්‍රෝලයක්.